ياغايبه لا تستفزيني شعر،،،
عيشي بحنايا خافقي تساقطي فيني مطر
بوحي بسري للغرام ولا تتركني للسهر
ضمي خفوقي بطيبتك لميني ياريح الزهر 
ياغايبه لا تستفزيني شعر،،،
ياسندرلة دنيتي  ياروح عاشت بي دهر
خذيني في حضنك صغير مملي تفاصيله كسر
سمي علي ان بكيت ولاتوعديني الا بعمر
قولي بحبك للاخير ماهو للحظه في الشهر
ياغايبه لا تستفزيني شعر،،،
ضحكي وقوليلي غبي لا قلت لك انت سحر
خذي كفوفي اركضي لا تتركي لي من مفر
وفي ليل هالبرد اسكتي صمتك يولعني جمر
ياغايبه لا تستفزيني شعر،،،
قوليلي كل اللي تبين بس احذري طاري السفر
لا تبعثريني في الغياب ولا تجمعي في قلبي قهر
ارجوك يا حب الصبا ياجمل هديه من القدر
ياغايبه لا تستفزيني شعر،،،
يامبهره فكر الغلا جننتي في حتى الفكر
مثل البحر يبدو غريب بس فيه من حسنه بحر
ومثل السماء فوق وبعيد بروازها نجم وقمر
وعذوبتك يافاتنه مويه ومصدرها نهر 
ياغايبه لاتستفزيني شعر،،،
قومي اوعديني يالهواء مافي شده عالصبر
كوني هنا دايم هنا وفي صدري ببني لك قصر 
لو تامرين بدنيتي روحي وانا تحت الامر
هذا المهم انك مهم واهم والله من العمر 
ياغايبه لا تستفزيني شعر،،،
بقلمي المتواضع،،،