اذا المرء لا يرعاك الا تكلفا،،، فدعه ولا تكثر عليه التأسفا 
ففي الناس أبدال وفي الترك راحة،،، وفي القلب صبر للحبيب ولو جفا
                  ...........................  سمعتها"للشافعي"واعجبتني
 فعلا نصيحه ماتقدر بالاثمان
جايز بغيت اتوه لو ماسعفتني
دمرني حقرانه ولا كني انسان
صديق مدري ضيق ماقد نفعني
على كثر ماكنت له خير واحسان
صرخت واجد بالغلا ولاسمعني
اجيه عاني وارتحل عنه تعبان
"يالشافعي" ياكم صديق صفعني
وعديت له كنت احسبه في كسبان
ودي يقدر قيمتي ويعرفني
ويرفع لي البيضاء على طول الازمان
لكن صديقي باعني ماكسبني
خذاني صاحي وردني حيل وجعان
وان شافني عفته نكاده لحقني
لين امتلي له حب واشواق وجنان
بعثرني هجر وعقب عفته جمعني
لين الصبر غيم وامطرني احزان
غرقت من حزني ونصحك رفعني
وقررت اودع صاحبي كان من كان
"شكرا جزيلا فقد اوجزت لي"يعني
من عقب ماني شقي خليتني فرحان
اتخيلك جيتني فيها وتنصحني
وانا في نفسي اردد "ان الوقت حان"
ومن درت ظهرك صرخت وقلت للمعني
صديق نفسه هذاك اللي بعيني هان
قررت اسيبك ابيعك كيف ماتعني
الزبده ان المفارق حان وقته حان
ماني بمجبور احبك و انت تمنعني
اوصلك فرحه واروح وخاطري ندمان
الوقت فيني خلص واظن فاهمني
ارحل وشف لك غبي واحذر يكون انسان
مافيه شخص يتحمل قسوتك طعني
اكيد وضحت ولا يبغي لها تبيان
ياصاحبي للاسف خيبت لي ظني
ماكنت ابيك الا سند وامسيت لي عدوان
اطعمتك اشواق وانت اهات تطعمني
اسري الليلك وفاء وتنام ياخوان
روح ولكن لا تروح الا وتوادعني
وسلم على اللي بقى لي فيك يافلان
والله من لحظه اللي تركتك صرت متهني
وتصدق اني طوال الوقت طربان
على مدار الدقايق ماشي اغني
ابيات للشافعي مضمونها اتقان
سمعتها وانتشى فكري وظمتني 
بلت عروق الجفا وما عدت عطشان
كن القصايد طرب تحكي وتسمعني
تمطر على روحي رضا وامطر عليها الحان
بقلمي المتواضع،،،،