تويت
السلام عليكم ورحمة الله
صباح البياض والنقاء
منذ مدة والحرف حائر في صدري يرد أن يخرج.. بأي صورة وعلى أي شكل
فأنا أشعر بالإختناق اذا لم أعبر..
ووحده القلم من يعرف حاجتي له
أتمنى أن تقبلوها كما هي بكل مافيها من عيوب
من القهر مدري وش أكتب من أحروف
عجزت أدون كل حزني وحنيني
بيح كنيني والحكي يكوي الجوف
والقول يفضح كل صمتي وغبيني
نظرات عيني كلها خوف في خوف
الخوف من باكر ووشو بيجيني
سكة طريقي دربها صار معروف
أبجني الأشواك واندب سنيني
يا هل ترى باسعد بدنياي وأشوف
طير السعد مقبل عشاني يبيني
والا ان دربي صار بالشوك محفوف
من هول مابي صار يندى جبيني
الاه في صدري غدت كنها سيوف
لاقلت اه يرد بعدي ونيني
كل أمنياتي صارت أحلام وطيوف
أطرد وراها أقول تكفي عطيني
والسدرة اللي هزها الطفل بكفوف
ياما سمعت لصوت ضحكه رنيني
وينه وويني اليوم ماعاد له شوف
واللي مضى حلم(ن)دفنته بيديني
صوت الطفوله داخلي يبني كهوف
ليت الزمن يسمع لصرخة ضنيني
ياقلب يكفي هم لاتشرح ظروف
خبي رجيتك مابقى حيل فيني
تحياتي شواقه
تحياتي واشواقي شوووووووق ،،،،،،،،
تعليق