تويت
شكسبير مابين دلالاخته ومعششوقته!!
السلام عليكم ورحمة الله وبركاته
صباح الخير والأحساس والهلس
اعزائي المتابعين بقولكم قصتي الحزينه واللي اخذت جائزة نوبل لافضل فيلم هندي
عندما كان عمري 16سنه ويومين و12 ساعه
أيام السسسربته والترقيم
بس قبل نبدأ اللي بيرد وبيقول
(هههههههههههههه يسلمو )
أعتبر ردك واصل بدون ماتقوله
في مرتن من المراري وبينما كنت انا والدتي نحتسي القهوه في المنزل الا والجوال يرن
<-- مشكله اللي يبي يسولف بالفصحى ولا هو عارف كيف
المهم مالكم بالطويله ، رديت عليه ف إذا هو صوت يحبه قلبك
.. بالعربي ناعم وبالبلدي يخقق ..
السلام عليكم
وعليكم السلام
ومن هالحكي ف صدمت المتصل ، ب من معي؟
قالت لي انا فلانه ، رقمتني في السوق قبل كم يوم
. قلت : طيب رقمتك يعني عرفتك ؟ رقمت غيرك مليون بهاك اليوم<-- ما شفتو شيء من دلاختي
قالت : انا اللي شنطتي حمرا ولابسه عباية الفراشه واقفه عند المحل الفلانه
.. وانت كنت لابس ثوب نوم لونه ابيض مخطط رصاصي <- لاتعلقون بس
.. هنا بدا خويكم يشغل مخه اللي اربع وعشرين ساعه عاطل عن العمل
لدرجة ان شباب الحاره ينادوني بالدلخ
مع ان ماكان ودي يسموني كذا ..
قمت من عند اهلي <-- شفتو كيف تشغيل المخ بس ؟!
قلت لها : هلا والله وغلا { لزوم التميلح } ، وش اخبارك عساك بخير طمنيني عنك وعن ابوك واهلك كلهم <-- لا تلومونه اول مره يكلم بنت في حياته ،
قعدنا ندق حنك وسالفه تجر سالفه وانا ناسي نفسي ،
استمرت المكالمه تقريبا ساعه ونص .. اول خمس دقايق على حسابها والباقي علي يخرب بيتها
المهم ، في نهاية المكالمه ، قلت لها انا : ممكن طلب ؟
، هي : اكيد تفضل ولو ،
انا : ابيك تنتبهين على نفسك ياعمري ، ردت علي بصوتها الناعم اللي كله غنج وحنيه : عيوني لك وانتا بعد <--
اويلاه بس ، انا : باي ، هي : بايات ..
وانتهت المكالمه ، بس تبون الصراحه ذاك اليوم انبسطت يوم سكرت حسيت اني اعرف اسولف
رجعت لاهلي وفاتح فمي ابتسم , استغربت أمي !
شفيك فاك فمك شبرين يالدلخ.،
سفهتها وكلمته تقرقع في قلبي
المهم اني جلست اتقهوى معهم وانا بين الحزن من كلمة أمي{ يالدلخ } وبين الفرح اني تعرفت على بنت ..
صرت اكلم البنت بشكل مستمر ومع مرور الايام حصل
تطورات في لبسي واسلوبي وطريقة كلامي وكذا بس الحاجه الوحيده
اني صرت اكذب كثير
لاحظوا اهلي واخوياي هالتطورات خاصه بلبسي ، لدرجة اني صرت حلو وانا شين
مرت ايام واسابيع والحال على ماهو عليه ما تغير
بس حسيت نظرة عيال الحاره لي تغيرت وما صاروا ينادوني يالدلخ
، والمكالمات مع معشوقتي مستمره وعلاقتنا زي السمن على العسل مدري العسل ع السمن
الين جاء يوم من الايام وانا نايم .. دق جوالي رفعته واناظر في شاشته مكتوب : الغلا يتصل بك
، فزيت من نومي ورديت ،انا : هلا حياتي <
، هي : اهلين حبيبي
، وكان صوتها فيه نبرة من الحزن
، انا : شفيك حبيبتي مو على بعضك .
. تخبرون الحب قلب يحكي لقلب
..هي : حبيبي انا انخطبت ، وهلت عباريها
بيني وبينكم مسكت نفسي وإلا انا فيني البكيه
.. قلبي رهيف لبى قلبي
.. قعدت اهدي فيها وابين لها ان هذي سنة الحياه وانك مقبله على حياه جديده
انسيني عشت معك احلى ايام العمر
الخ من الكلام اللي يطمن
، اقتنعت البنت بكلامي عقب ما انبح صوتي وكانت اخر مكالمه
، وانتهت العلاقه ، والحمدلله استمريت على تغيري الجذري .
ومن بعدها عرفت أن الحب من ورى الترقيم يوصل طريق مسدود
نجي صوب الفايده :
1- هناك أشخاص لهم تأثيرهم الخاص على حياة الشخص وأشخاص يأتون ويذهبون ولا أحد ينتبه لوجودهم .
2- الأستمرار على الكذب { ماش } لانك بتكذب على الطالعه وعلى النازله فالأبتعاد عنه أفضل .
3- كلمة { الدلخ} هي كلمه عابره تقال ، وليس كل ما يقال صحيح .
4- عدم الحزن عند النهايه لسبب بسيط هو أن لكل بداية نهايه .
وبث
أخوكم /شكسبير
تعليق