سوي نفسك ما دريت وبوسني !!

**انثى من الخيال** · 19-05-2011, 04:02 PM

رد: سوي نفسكـ مآ دريت وبوسني !!

هلا فيك

تابعي متشوقه اقراء الروايه

**لحن آلأمل** · 19-05-2011, 04:05 PM

رد: سوي نفسكـ مآ دريت وبوسني !!

البدا يه00

نواف:سماء قومي سوي لنا شاهي صديقي تركي بيجي بسرعه قومه وانا اخوك 0

سماء:يوه يانواف تركي هذا دايم يجي عندك نفسي لو مره انت اللي تروح له؟؟

نواف:عيب ياسماء هالكلام هذا ضيفي وبعدين انت علامك كله كسل خلاص لاتسوين اروح اقول لندى او لامي احسن لي 00 نواف يطلع وهو معصب 0

سماء :ياربي ليش يزعلون من الحق يوه 00من جد طفشت شاهي دايم 0مسكت الكتاب وجلست تذاكر ..البنت

شاطره ,,,,,,,,تحب الدراسه هع هع هع 0

المهم دخل نواف على امه :يمه الله يعافيك سوي لنا شاهي لاني طلبت من المعصقله سماء وعطتني محاضره طويله الحق علي يوم رحت لها 0

امه بابتسامه وهاذيك من يطلب منها انا اسوي لك ولا يهمك 0

مشاري يركض :نواف تركي عند الباب يبغاك 0

نواف :ايوه جاي يالله يمه من رخصتك الرجال جاء0

نواف يرحب بتركي هلابك حيا الله مبن جانا :::وهو دايم عندهم هههههههههههه

المهم دخلوا المجلس واتقهوا 0

تركي:ايش رايك نواف نطلع للشباب في الاستراحه لان سعود اخوي أخذ حمودي معاه 0يبي يبعده عن جوء البيت0

نواف :فرصه من زمان ماشفت سعود وباخذ معاي العيال يلعبون مع حمودي يسلونه تعرف هناك مافيه احد بسنه0

تركي :اجل هيا0000

نواف :طيب 0يامشاري يوسف هيا معانا الاستراحه00

اركبو في السياره وانا بجيب شماغي واجي0

دخل الصاله ياسماء جيبي شماغي من غرفتي بسرعه0

سماء:انا اذاكر روح انت ؟

نواف :اقول قومي جيبيه والله مايجيبه غيرك 0

سماء متثاقله :انت ماعندك غيري والشغاله ايش وظيفتها هاه؟

نواف :اقول روحي جيبي الشماغ ولايكثر0

سماء طيب اوريك يانواف الايام بينا امسك 0

نواف :وعلامة الانتصار على وجه"حكمة القوي على الضعيف"مشكوره 0

ويطلع وهو مبسوط 0

دخل السياره وهو مبسوط : تركي :خير اشفيك0
نواف :لابس معركه وانتصرت فيها 00

تركي :يضحك عسى مافيه جرحى ؟

نواف:لا هالمره سليمه0

المهم دخلوا الاستراحه 0000

000000000000000000000000000

لما دخلو الاستراحه قابل نواف سعود وجلسوا سواليف ونسوا وتركي جلس يلعب بلوت مع الشله

ومشاري ويوسف وحمودي يلعبون وطبعا ماعليهم أحد يراقبهم ،،المهم مشاري ويوسف دخلو جو مع الكوره "

هلالي واتحادي "اكتملت ههههههههههههههههه

المهم ناظر مشاري وقام يركض لرجال دخل وهو يصيح ياسعود ألحق حمودي غرق في المسبح

سعود تجمد في مكانه مو مصدق انه بيفقد ولده مثل مافقد امه ،وقام نواف يركض للمسبح نزل له مع انه مايعرف يسبح """"فديت مرجلة باب الحاره هههههههههه

المهم مسك حمودي و ربطو الشباب الشماغ في اطار المسبح ورموه على نواف وسحبوه طلع من المسبح

وحمودي مغمى عليه 00تركي اتصل بالاسعاف اول ماسمع الخبر دخلوه السياره هو وابوه "سعود مفجوع وللحين ماستوعب الوضع 0

تنوم حمودي يومين وطلع من المستشفى 000وسعود فرحته موسايعاه قرر يسوي حفله ويعزم نواف واهله

ابوسعود:ليش هالعزومه ياسعود مالها داعي؟؟

سعود:يبه بصراحه نواف ماقصر معانا ونبي نتعرف عليهم اكثر على ابوه و اخوانه؟

ام سعود:وانت الصادق ياسعود هو من زمان صديق تركي وبصراحه تركي يمدح في اخلاقه وفي كرم اهله وانا ودي اتعرف على امه بصراحه 0

ابو سعود:براحتك وانا ابوك بس تبي شوري هالحفله خساره وبس !

سعود:لايبه انشالله مو خساره مدام انا مسويها لنواف مو خساره0

ام سعود:ومتى انشالله بتسويها ؟؟وين لاتقول في الاستراحه؟؟

سعود:لايمه مو في الاستراحه هنا في البيت وانشالله يوم الخميس الجاي0

وانا بقول لتركي يطلب رقم جوال ام نواف منه عشان تعزمينها بنفسك وتركي يعزم نواف وابوه

ام سعود:ايوه يمه انا ودي اكلمها واشكرها واعزمها بنفسي0

00000000000000000000000000000000000000000000000000 00000000000

**لحن آلأمل** · 19-05-2011, 04:06 PM

رد: سوي نفسكـ مآ دريت وبوسني !!

تركي دق على نواف :سلام نواف
هلاتركي؟؟
نواف ابجيك الحين ؟؟

الله يحيك استناك 000000000

المهم عزم تركي نواف وابوه وعزم عليهم يجون 0 وطلب رقم الجوال حق امه عشان امه تبغاه اعطاه نواف 0

الرقم ودقت ام سعود على الرقم وكلمت ام نواف وعزمتها على الحفله واكدت عليها ولقتها خوش حرمه

هههههههههههههه "خوش:لهجه كويتيه 00

00000000000000000000000000000000000000000000000000 0000000

في غرفة البنات 0
سماء: ندى وهي ماسكه الكتاب وه فكه بكره أخر يوم طفشت خلاص؟؟

ندى:غريبه اسمعو مين يتكلم ؟؟؟؟هههههههههههههههه

ايوه ياندى بصراحه هذا الاسبوع أحس انه طفش وممل بقوه ؟

عادي المدرسه كذا ههههههههه

بالله اقول عن التريقه ؟؟

لا من جد شدي حيلك ياسماء عشان تجين معاي الجامعه واوريك كيف الفله ؟؟

أنشالله ،بس انتي كله هاذي السنه وتخرجين وتزوجين هههههههه وتفضى لي الغرفه والكليه 0

ندى وجها احمر "مستحيه ياعيني:أخس عليك ياسماء لهدرجه تبغين الفكه مني ؟؟

لاوربي ياندى أنا دايم اقول لامي احنا كيف بنعيش لو تزوجت ندى بصراحه بنضيع كلنا ؟

تسلمين ياقلبي أخجلتيني مدري ايش اقول 0

دخل نواف :سلام عليكن بنات ؟؟

وعليكم السلام 0000

سماء:مدام نواف سلم اجل عنده شيء يالله قول ؟؟

نواف :اقول يالمعصقله اسكتي انتي 0

ندى :ماعليك منها يانواف قول ياخوي ايش عندك ؟؟

نواف :ياعيني على الذوق ياناس ياليتك ياسماء تخذين من رقة ندى لو قطره بس ؟

سماء :قطره ليش هي مطر هههههههههههههههههه

نواف :لا بحر خخخخخخخخخخ،تصدقين ياندى مدري كيف البيت من دونك ؟؟

سماء:بسم الله علي دوبي اقوله ؟

ندى منحرجه :خلاص فكونا قول يانواف شكل عندك سالفه ؟؟

سماء:مو شكله الا اكيد مدام جاء بنفسه وتنازل ودخل غرفتنا اكيد عنده سالفه ؟؟

نواف :ايوه بصراحه عندي لكن سالفه ،سعود أخو تركي عازمني لحفله مسويها يوم طلع ولده حمودي بخير ومعزم علي اجي انا وابوي والعايله كلها 00

ندى :ايوه امه اليوم العصر دقت على امي وعزمتها؟

نواف: ايوه لازم نروح اجل حتى ابوي يقول لازم نروح كلنا0

ندى :طيب تركي عنده اخوات ؟؟ا

سماء:ايوه عنده اذا ماعنده خوات يكفي امي وجدتي يروحون احنا مو لازم ؟

نواف :ايوه عنده وحده تدرس في ثانويه وحده صغيره في الابتدائيه 0

وأقول الله الله لاتفشلنا مع اخته وخصوصا انتي يامعصقله ههههههههه والا ندى بسم الله عليها

ندى :تسلم يانواف كلك نظر0

نواف:غريبه ماردت ههههههههه خليني اقوم احسن لي لان شكلها تخطط خخخخخخخخخخخخ

ندى:ايوه قوم احسن لك قبل حلول المعركه ههههههههههههههههههه

طلع نواف للحوش وجلس يسولف مع امه وجدته وابوه0

سماء:ندى انا شكلي مارح اروح !!!

ندى :ليش ياسماء دوبك تقولين ابي اروح ؟؟

مدري ناس مانعرفهم ولا هم يعرفونا كيف بنروح لهم قويه ؟

بالعكس عادي نتعرف عليهم وعلى اخواته ايش عرفك يمكن يطلعون جنان ماتدرين ؟؟

أنا شكلي مارح اروح بقعد في البيت "وعلى الجمله

تدخل الجده 000ليش مو رايحه ياسماء هاه ؟؟

سماء:هلا والله بجدتي انا يمكن ماروح لعزومة بيت ابو سعود؟؟

الجده :ليش يابنيتي الحين طالع من عندكن نواف يقول يبغى يروحن وش غير رايك هاه؟؟

سماء:مدري ياجده أحس انه بيكون طفش؟؟

ندى :لاياسماء خلاص دام امي وابوي بيرحون اكيد لازم نروح والا ايش رايك ياجده ؟؟

الجده:صادقه ياندى عيب الناس عزموكم واكدو عليكم وبعدين ماتروحون ياسماء0

سماء :ايوه خلاص بروح انشالله دام فيها ابوي ههههههههههههه

الجده :واحنا ؟؟المهم صح لاتزعلين ابوكي ياوليدي00

سماء :لا ياجده كله الا ابوي فديته 00

00000000000000000000000000000000000000000000000000 00000000000

**لحن آلأمل** · 19-05-2011, 04:09 PM

رد: سوي نفسكـ مآ دريت وبوسني !!

في بيت ابو سعود العيله""""هذا بالسوري ههههههههههههههههههه

يجهزون للعزومه خلاص ماباقي عليها شيء "حان الموعد وأقترب "

المهم وحان اليوم الموعود"

وصار بيت ابو سعود مثل المكائن الشغاله الكل يسوي ويحط خلاص ماباقي شيء على موعد المعازيم 00

00000000000000000000000000000000000000000000000000 00000000000

في بيت ابو نواف ألكل جاهز غير سماء كالعاده هع 0000

ابو نواف: يالله بسرعه تاخرنا على الناس0

أم نواف: كله من سماء أحنا كلنا جاهزين ماعدا هي !!مدري ايش تسوي 0؟؟

نواف:خلاص انا بروح قبلكم انا ومشاري ويوسف من رخصتكم والله يعينكم على المعصقله 0

الجده تدخل على البنات في الغرفه :هيا يابنات أبوكم في الحوش معصب ويقول تاخرتو بسرعه؟؟

ندى :أنا ياجده جاهزه من اول 0بس سماء الله يهديها ؟

سماء:أنا بس اللي باقي وه ماعليكم أنا امون على ابوي فديته وبعدين الوقت بدري بس ابوي دايم كذا تاخرتوا واحنا اول من يجي ههههههههه0

امها تدخل معصبه :سماء بسرعه أخرتينا سعود طلع هو والاولاد من اليوم فشله خلصينا00

سماء:خلاص يالله كلكم علي ياربي وينك يابوي تشوفهم ؟

الجده بالعصى طرع أقول لاتكثرين الهرج خلصينا 0

ركبن السياره 0سماء :يبه تأخرت عليك ؟؟

أبو نواف:لا يابنيتي ربع ساعه مارح يضرني 0

ندى:ايوه يبه لو انا المتأخره قومت الدنيا عليه يالله الله لنا0

سماء:بهمسه أنتي كله شهر وتاخري على كيفك معاه ههههههههههه

ندى :بنت اسكتي فضحتينا 0

أبو نواف:ماشالله اول مره اشوفكن كاشخات كذا هههههههههههههههههه

بصراحه يام نواف أنتي وامي عروسات الليله 000

الجده :ايه الله يرحم أبوك ياوليدي كان يقول لي لاتكشخين غير لي 00

اللكل """""""""الله يرحمه0

أم نواف :اجل يابو نواف أنا عروسه لهدرجه ههههههههههه

أبو نواف:بصراحه غطيتي على بناتك هههههههههههه

المهم وصلوا للبيت اللي وصفه لهم تركي ولقو زحمه الجماعه كلهم جاين هههههههههه

ترحيب حار من عايلة ابو سعود لهم 00

دخلوا الرجال مع الرجال والحريم مع الحريم """"كعادة المجتمع السعودي وه فديت السعوديه وأهلها 00

باك رجعنا للقصه00

الكل كان وضعه عادي الا سماء "قلبها مقبوض ليش ماتدري 00

بعد ماسلمت خلود على البنات دخلتهم الغرفه بعيد عن الحريم وسواليفهن :::

خلود خجوله وتسولف شوي وتسكت وندى ترد على قد السؤال 000

دخلت ندى مع البنات سالفه وراء سالفه 00

وخلود قربت من سماء وجلست تسولف معاه عن الدراسه وهي باي مرحله 00

وعاد سماء عيني عليها بارده حبوبه مره وقلبها ابيض """"مو عشانها صديقتي الروح بالروح امدحها لا هي كذا عسوله فديتها 0

خلود أرتاحت لسماء وعجبتها البنت بصراحه عندها عقل ماشالله كنها فاهمه الحياه صح "من كثر ماتجالس أبوها 0

جلست تهرج سماء عن طموحاتها وأفكارها طريقه حياته وكبرت في عين خلود مع أن خلود أكبر منها بس حست نفسها صغيره بالحيل قدام سماء 00يمكن عشانها كسلانه وسماء مجتهده من الاوائل هههههههه غيرة البنات 0

خلص العشاء وكل المعزومين راح لبيوتهم مبسوطين 00

0000000000000000000000000000000000000000000000000

لما رجعت عايلة أبو نواف كلهم صوب وسماء صوب ثاني مستانسه على الاخر "

طالعت فيها الجده :ياسبحان الله ياسماء اللي يشوفك مايقول هاذي اللي كانت متضايقه من هالعزومه وماتبي تروح

سماء:ياحليل خلود بصراحة حبيتها وارتحت لها0

ندى :شفتي اموله يمه بسم الله عليها تذكرني بحركات مشاري هههههههههه

نواف:وحمودي يذكرني بحركات يوسف هع عشان مايزعل ههههههههههههه

أبو نواف:ماشالله عليهم الله بصراحه ناس اصل وكريمين 00

0000000000000000000000000000000000000000000000000

**لحن آلأمل** · 19-05-2011, 04:11 PM

رد: سوي نفسكـ مآ دريت وبوسني !!

في بيت أبو تركي"قصدي ابو سعود :اللكل راح نام تعبانين وه عليهم من الصباح يشتغلون 0

وخلود وسعود :يسولفون تحكيه أن اهل ابو نواف

تركي متمدد عندهم في الصاله طفشان يقلب بها القنوات 0

خلود:تدري ياسعود سماء مع أنها اصغر مني بس ماشالله عليها تقول هاذي لها خمسين سنه

تركي :يقلب في القنوات من وحده لوحده

سعود: ليش ايش فيها ياخلود؟؟

خلود:يوه عقل اللي قاهرني مع أنها صغيره بس عندها كلام ماودك تسكت ابدا لما تسمعها

تركي :يقفل التلفزيون ويقرب منهم كأنه سمع طرف الهرجه منهي أخت تركي؟؟

خلود:ايوه 0

تركي:كل هالكلام عنها ؟؟؟دايم هي ونواف هواش مسميها المعصقله هههههههههههههه

هي نحيفه صدق ؟؟؟؟؟

خلود: بالله تنكت أنت وجهك وربي أنها 00000000أيش اقول بس بروح أنام من رخصتكم0

قامت راحت تنام وهم قاعدين يسولفون 00

00000000000000000000000000000000000000000000000000 00000

المهم بعد صلاة العشاء تهاوش تركي مع أبوه طلع من البيت وهو طفشان ومتكدر ركب سيارته وطلع اول ماجاء في باله نووووووووووووواف على طول راح له 00

في بيت ابو نوواف مافيه الا البنات كلهم برا اللي عند الجيران "ابو نواف"

وام نواف هي والجده ويوسف رايحين مع نوواف لسوق وللحين مارجعوا؟؟

البنات كاشششششششششششششششخات على الاخر معزومين على شبكة بنت خالتهم 0

واول مره سماء تهجز من بدري ؟!

المهم الباب يدق "تركي"

ندى :سماء روحي شوفي مين والا قولي لمشاري ؟

سماء:طيب بشوف مين 000000000

رجعت ندى هذا تركي صديق نواف دخله مشاري المجلس؟

ندى:طيب ياهبله ايش يعني خلي الخدامه تسوي شاهي خلاص نواف على وصول 0

سماء:ندى ودي أشوفه ؟؟

بنت ايش تقولين ؟؟؟؟؟تبغين نواف يذبحك ؟

من كثر مايتكلم نواف عنه ودي اشوفه وبعدين فرصه ؟؟

بنت أقول لاتهورين تراك بتندمين0

ماعليك بسوي نفسي مادريت ؟؟وادخل عليه

لالالا سماء أحسن لك لاتدخلين 00

أنت ماعليك وطلعت سماء من الغرفه00ندى جلست تسوي المكياج مو مصدقه أن سماء رح تسوي اللي براسها

سماء عند مجلس الرجال واقفه عند الباب وتركي جالس لوحده قاعد يقلب في جواله مشاري في الصاله مو مع أحد عايش جوء مع البلا ستيشن 00

دخلت سماء على تركي ياعيني على المكياج والفستان الليموني :وقصير كمان "

المهم بعين قويه جلست تطالع له هههههههههههههههه

وهو مفجوع جلس يطالع وصنم في اللي قدامه 0

سماء: وه ياويلي وتطلع على طووووول ،عند ندى وه ياندى يحق له ؟

ندى :ايش ايش قاعده تقولين 0؟؟

دخلت عليه وشفته وه ياحلوووه بصراحه جنان موت يهوس يطير العقل 0

دخلتي والله الله يرجك يابنت والله سويتيها ؟؟؟ تخيلي قال لنواف؟؟

سماء:ماعلي يقول بكيفه وتمددت على السرير 0

أنت غبيه شلون ماعليك ؟؟مشاري شافك طيب؟؟

مادري عنه كان يلعب بلاستيشن 0

والكلام حبه حبه تطلعه راحت فيها البنت

تركي ياعيني عليه مو مصدق هههههههه للحين فاتح فمه 0نسى زعله وضيقته عدل الكاب زين ونادى مشاري

تركي :مشاري قول لنواف أذا جاء تركي جاء واستناك وراح طيب0

مشاري :طيب خلاص 0

تركي طلع وركب السياره نزل المرتبه وغمض عيونه """"""""""وجلس يفكر ياترى مين القمر اللي دخل عليه

أيت وحده أخته اللي بتزوج شكلها يابخت زوجها 000يمكن سماء لالالالالالالالالا هاذيك المعصقله أكيد مو هي

رجع للبيت الرجال دايخ تكلمه خلود مومعاها دخل الغرفه 000

خلود: هاذا ايش فيه ياربي وينك ياسعود بس، أبوي من جهه وتركي من جهه 0

اليوم الثاني بعد الكليه عزم تركي نواف على الغدا في بيتهم وافق 0

وهم في الطريق دق جوال :نواف

ندى: نواف وينك تعال عمي عندنا ومسوين له غدا أبوي يقول أنا أتصل عليه جوالك مقفل ؟؟

نواف:أيوه لقيت موجود 00طيب انا الحين جاي مع السلامه0

خيرها في غيرها ياتركي غداك عندي عندنا رجال ولازم تتغدى معانا""""""تركي ماصدق هههههه وافق

المهم سماء:تعبانه من المدرسه جايه مشي :::::::::مسكينه ومتمدده على الكنبه في الصاله

أمها :سماء أطلعي جيبي المناشف من فوق بسرعه عندنا رجال والشغاله مو فاضيه قومي؟

سماء:يمه أنا تعبانه خلي ندى تروح مافيني حيل لدرج 0

أمها: قومي ندى مشغوله

سماء :طيب أمري يمه0

جابت المناشف ماتدري وين توديها وقفت عند باب الصاله ومعاه المناشف ههههههه دايخه 0

لابسه بجامه ورديه ورافعه شعرها فوق ،فتح يوسف الباب وجلس يكلمها وهي واقفه مكانها

تركي طالع من المغاسل يبي منشفه رفع عينه وةةةةةةة عينه في عين سماء قدامه

**لحن آلأمل** · 19-05-2011, 04:15 PM

رد: سوي نفسكـ مآ دريت وبوسني !!

أنشالله تكون عجبتكم الروايه حتى أكملها ..
ولا تحرموني من ..
ردودكم
&
توقعاتكم
&
تقييمكم ..

**نقآء آلروح** · 19-05-2011, 04:44 PM

رد: سوي نفسكـ مآ دريت وبوسني !!

روعه روعه يا الغلا استمري

عجبني اخر شيء ذكرني بي موقف ههههههه اكيد انتي تعرفينه صح سروبه هههههههههههه

معلينه طلعنا من جو الروايه روعه استمري متابعه لك

مشاء الله عليك تعرفين تختارين روايات

بنتظارك لا تطولين متشوقه حيللللللل

انتظرك حبي

واحلى تقيم لعيونك يا الغلا

**حوسة مشآعر** · 20-05-2011, 07:41 AM

رد: سوي نفسك ما دريت وبوسني !!

حبيبتي لي عوده أنشاء الله,,,

أستمري والا الامام,,,

**لحن آلأمل** · 20-05-2011, 03:27 PM

رد: سوي نفسك ما دريت وبوسني !!

انثى من الخيال
رؤحي تحب
لنو..
مشكورين عالمتابعه حبايبي ,,

سوي نفسك ما دريت وبوسني !!

سوي نفسك ما دريت وبوسني !!

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget