تويت
يزورني,,,,,طيفه
يزورني طيفك مع الليل ساري
= واشم طيبك والمحك طيف وأحلام
اصيح بسمك واحسبك لي مباري
= اسمع صدى صوتك واخايلك قدام
تغرني دايم طيوف الغداري
= افز واعي واكتشف كله أوهام
من فرحتي ناديت بسمك اجهاري
= فضحت نفسي والمخاليق نيام
أسهر على شانك ولانته بداري
= أرقد دقيقه وأكثر الليل ما نام
يطري على طاريك مليون طاري
= شاعرك من زود التباريح منضام
أفراح عمري مثل شمس العصاري
= ياسرع ماتغرب وتاتيك بعسام
صبري قضى من لوعتي وانتظاري
= تكفى ترى حالى غدى جلد وعظام
قربك هناي وغيبتك إنتحاري
= أرجوك لاتبعد ترى بعدك إعدام
شوفك سحايب ترتوي به دياري
= وش عاد لو شوفك من العام للعام
شوفك مثل شمس عشقها نهاري
= تشرق على كل الكواكب والأجرام
حبك نهر وسط الشرايين جاري
= حبك سحر عيشني في غي وهيام
تفرك يميني يوم أشوفك يساري
= واعض لامنك تثنيت الإبهام
ياللي شعرك الليل فيه المساري
= من شاهدك لو يسهر الليل مايلام
مثلك أبد ماشفت يابو خزاري
= ياناقض المرجود يالابس زمام
انته غرامي غايتي وإختياري
= يشهد على ماقول حبري والأقلام
مهما تغيب وتبتعد عن مساري
= تبقى مواثيق الغلا طول الأيام
منقوووول
تعليق