:
ترى الحرمان.. سوابي سواته لاتخليني
وانا مالي سواك..وكل شي موحش وخالي



أنا الليله حزين .. وهالدموع تغازل يديني
لو ارمش جت تسابق كنها شلال من عالي!


مغير اسمع عقارب ساعتي..تستعجل سنيني
وانا خايف يمر الموت من عندي..وانا لحالي !!


كذا الغربة..إلى من جيت ابسأل ياترى ويني
ويرد البيت..في ومنت في..ويقطع حبالي !!




والى صاروا هلي ماقد قروا شكواي من عيني
واذا احبابي تساوى عندهم..فرقاي وقبالي!



واذا الشارع وقف مثل العظم في حلق رجليني
وانا بابي لفظني للطريق..وسكر امالي !



واذا صار المدى دبله باصابع ضيقة فيني
واذا صار الممات اسهل شقاي..ولاتهيالي..



هنا..كنت ابتسم واتذكرك مابيني وبيني
مثل دوار شمس..مانبت ياكود بظلالي




تخيل..كيف قادر هالغلا يقلب موازيني
واحس اني بخير ولو مماتي كان يبرالي!



واباهي بك على عيون السما..وعيونك اتجيني
تقل حضن ام اتحضن بحنان..وليدها الغالي!



من القبله كأنا لاتزاعلنا..تراضيني
من الفتنه..كأن المر.. بيدينك غدا حالي !



تسع طعشك عزايه ياحبيبي في ثلاثيني
لو ان العمر عدا مالقيتك غير من تالي !



على الاحلام لي دين كثير وماوفت ديني
وانا استافي بعضها يوم اشوفك جيت في بالي!



وانا وقت انتظاري في طريقك لو يعنيني
احس ارحم من اوهام اللقا لاصرت..بلحالي !



قسم بالله لو ماحزني اسرف في شراييني
لاقول ان ضحكتك..هي دق قلبي..ماتراوالي !



وهذا كان حلم البارحه ..والا انت ناسيني
وانا من كثر ماتمنى اللقا قام...يتهيا لي !!



قطع ساعي بريدك هالرسايل بينك وبيني
مع انك لوتبي حصلتني(من رقم جوالي)!!



تخيرت الجفا ماتدري انك لو تجافيني
كبر حبك عن اول ماعرفتك يوم انا سالي !



وانا الحرمان حاصر غرفتي..والباب نافيني
وانا مالي سواك بهالمكان الموحش.الخالي !
<<منقووووووول >>