‏ ‏دق جوالي , واحس القلب يومه دق /دق !

صفر خمسه أربعه واخره خمسة سبعتين ‘


‏ ‏قلت في بالي وش الطاري ؟!عسى المحبوب رق

من ثمان شهور مايسأل‘ عسى الطاري حنين : )


‏ ‏المهم أني ذكرت الله”وقلت الله حق

واضغط الزر المحدد .. سم .. عفوا .. أنت مين؟


‏ ‏قلتها وأنا أعرفه مير الثقل حل وسبق !

قال أنا اللي متصل وأرجوك زينها تزين ,

‏ ‏قلت |يعني| قال يعني شوفني ميت زهق : )

ودي أسولف معك من غير جيم وغير سين !

‏ ‏قلت : تامر , قال : تسلم .. وابتدا كشف الورق !

واسمعه دق )السبيكر( قلت .. عونك يامعين

‏ ‏قال : وش حالك عساك بخير ؟!
‏ ‏قلت : الخير طق !

من عقب فرقاك ياقاسي غدا حالي حزين


‏ ‏قال: قلبك وش علومه؟ .. قلت: قلبي أحترق !


ماقوى هجرك ولابعدك ولا قهر السنين :/


‏ ‏قال : شعرك .. قلت : شعري .. لا أبد طب وتنق !


كل خفاقي قصايد .. من يسار ومن يمين !


‏ ‏قال: كبه .. قلت : أكبه .. قال : والمركب غرق ‘


قلت : مركب أيش هذا ؟!! قال: طحت بهالكمين


‏ ‏ماني بصاحبك بس أرجوك من يسبق لبق


انت أسلوبك عسل وأنفاس حكيك ياسمين


‏ ‏بالغلط دقيت .. وأحمد ربي الرازق رزق


والله اعلم انك مشبه على شخص ثمين



‏ ‏قلت : لحظه ماهي الدعوة صحن خبز ومرق !



اصبر اصبر خلني أعرف مكان اللبس وين ؟!


‏ ‏قمت اراجع رقمك الموجود وأشوفه فرق !!


أنت خمسه سبعتين : ) وذاك سبعة خمستين !!








منقوووووووووووووووووووووول ‏