تويت
إمتلا وجه الدفاتر بالحكي ودمع الكتابه..
حادر يسقي حروف بالندم والحزن لونه!!
ما بكيت الا غلاه ولا شكيت الا غيابه..
ماوفيت الا معاه ولا حبيت الا عيونه!!
ما رحمت قلبي .. لا ولاسألته عن صوابه..
الهوى جرح القلوب وإسألوني عن طعونه!!
هايم بأرض المحبه والجروح اللي تشابه..
ثاير فيني جنوني (عاشق وتاه بجنونه)!!
يا حكايات الموادع كلك غموض وغرابه..
يا تفاصيل الفراق ذاب قلبي من شجونه!!
من يموت من الوفا ؟ من يرتوي بشوف السحابه ؟؟
يا زماني والمحبه عهدها منهو يصونه ؟؟..
الله المعطي وغيره والله إني ما أهابه..
" أشتري عزة خفوقي "لو حبيبي ترخصونه!!
الوله فيني .. مسافة غامضة وأغصان غابه..
والفرح لوهو ذكرته .. القدر دوني ودونه!!
علموه إن الليالي مدبره لو صك بابه..
علموة إن كان ساومني ترى خابت ظنونه!!
مابكيت من الغلا .. بس .. بكاني غيابه..
ماكتبت الا جروحي ياليت تحظنها عيونه !!
مم راق لي ا
تعليق