تويت
دخولي للوجع بالأمس .. خسف بي خسفة الزلزال ??
هدم امال بانيها .. وأوقض لي جراحاتي !!
أنا وشلون أبي أنسى .؟ وهمومي بالحشى تختال ..؟؟
هداها هالزمن ثوب ٍ .. تكفِّن فيه بسماتي !!
أناظر موتة أيامي .. غريبه كيفها تغتال ..؟؟!
تجاوب نظرتي نظره .. توادع كل نظراتي !!
أناجيها وأرجيها .. وأعزف للفرح موال !!
على زفة ليالي الأمس .. تراقص كل اهاتي !!
عرفت إن الأمس كذبه .. وعرفت إن الوصال امحال !!
وعرفت إن القلوب اللي .. كساها الطيب أمواتي ؟؟
وعرفت إن الهلاك أرحم .. من مطارد سراب اللال !!
وعرفت إن الصبر ملزوم .. أساير فيه خطواتي !!
وعرفت إن الزمن قاسي .. وعرفت إن البشر أبطال !!
تواسي جرحي بالبسمه .. وتتسابق بطعناتي !!؟
حبيبي للوجع بالأمس .. مزون ٍ ليلها همَّال !!
عبايرها جروح وهمّ .. وبرق ٍ لاح في ذاتي ؟؟
على الله يا بقى روحي .. على الله يا بقى الامال !!
بسافر والصمت يرثي .. حكاياتي وزفراتي !!
ابطوي صفحة الماضي .. وباخذ صورتك تمثال !!
أداعبها مع همومي .. واهاتي ورجواتي !!
عساها دنيتك جنَّه .. عساها دنيتك إظلال !!
عساني ما نحرم فرحه .. تنَسِّيني عذاباتي !!
حبيبي والغلا منثور .. وربي عالم الأحوال !!
ترى ما غيرها الذكرى .. تسامرني بليلاتي !!
نهاري فاقد ٍ ضيَّه .. وليلي يشكي الأهوال ؟؟
وتناهيد ٍ بوسط الجوف .. أصافحها بعبراتي !!
حبيبي للوجع بالأمس .. دخول ٍ زلزل الأقفال ؟؟
تناما مع ليالي اليوم .. وأكد لي نهاياتي !!
وداعيَّه وداعيَّه .. وعلى الله بنهي الأقوال !!
عساه يروف بَ حوالي .. وينهي لي متاهاتي !!
تعليق