تويت
إلى شعبنا المهايطي .. مع التحيه !
صبحهم = مسهم بالخير , يالله ان تحييكم < أخلص وهات اللي عندك 
طبعا قبل ما نبدأ أحب انوه < وصرت تنوه أنت وخشتك !
نقطه مهمه جدا :
وهي في حاله الردود .. تخيل انك جالس تكتب موضوع مده اربع ساعات او يوم او يومين .. ونزلت الموضوع وجا واحد ورد عليك برد وكتب لك (( هههههههههه موضوع حلو يعطيك العافيه )) او كتب ( ههههههههه يسلمو ) ماتلاحظون ان فيها تحطيم لكاتب الموضوع ... !! حط نفسك في مكانه وبتعرف انه تحطيم او لا
لذلك الردود اللي يردون فيها الاشخاص بقصد زياده عدد ردودهم مالها سنع ... لان الجزء اللي يحلي الموضوع ردود الاخيرين .. وصدقوني مثل ما فيه ناس تتابع مواضيع .. ففيه ناس تحب تقرا تعليقات الاخرين وردودهم وكثيرين من هالنوع فأتمنى ان تكون الردود بنفس قوة الموضوع
^
وفيه بعضهم يوم تقول لهم لاتسون كذا الا يعاندونك غصب ! ويسون نفس الحركه !!
المهم نرجع لموضوعنا < من بدري الله يرحم والديك
انا صراحه طقت نفسسي من هالششعب المهايطي الي يرفع الضغط هياطه
ومسسكت معي اتكلم عنهم بالضحك والفرفشه
الباب الاول :
تعريف الهيط
الهياط / مشتق من كلمة الهيط ..
والهيط لغة كل ما ارتفع صوته بداعي الهياط <~ يقالك شرحت الحين تسذا ..!!
مسالة ان ربي يبتليك بخوي مهايطي تنبلع
اثنين مهايطيه واحد بدون مايونيز برضو نمشيها
3 مهايطيه سوبر سايز برضو تنبلع
ما ودي اقولكم لو اربع مهايطيه وش بيصير لاني بحرق عليكم الموضوع
انا ابيكم تتخيلو بس لو صار كل اخوياك مهايطيه وش حياتك بتكون !
انا ربي مبتليني بكم واحد نفر بخاري من هالعينات ويا الله ملحق
بموضوعي انا بنتقد المهايطيه اللي صرنا نشوفهم اكثر من كاميرات ساهر
اللي خلت الواحد يمشي وعينه بالطبلون .. كل ما تعدى السرعه قال سرعة شيطان
ورفع رجله وناظر الكاميرا وهو يقول بخاطره تبا لكم
الباب الثاني :
مدخل الي الموضوع
نبدا بموضوعنا (فيس يقول على بركه الله ..!!)
الهياط صارت صفه سائده بالمجتمع موجوده عند كل من هب ودب ..
كل واحد يصير وده يهايط وخلاص ما يدري شلون .. تلقى بعضهم يلقاك بالشارع ...
يا رجال علي بالطلاق انك تسير علينا شدعوى يخوك محنا قد المقام
وتلقى زوجته 24 ساعه مجهزة شنطتها تروح بيت اهلها الطلاق متوقع باي لحظه
كل ما مر رجال من عند البيت سحبه من شماغه يا رجال علي بالطلاق العشاء جاهز بقى بس البيبسي يجيبه راعي البقاله
وام العيال واقفه على الشباك تقول يا رب يدخل بتعشى لا يضيع مستقبل البيت (فيس منكسر خاطره تسذا )ويمكن لا دخلت حسيت نفسك ماصل وثقيل دم ... تلقى لا عشاء جاهز ولا احد داري عنك
والرجال مواعد اهل البيت يوديهم مشوار .. وشف القلق عاد يبدا يحسسك انك مثقل عليه .. وبلحظه معينه تحس نفسك زباله اني من جد ما استحي على طول وافقت انا اول ما لزم علي
خصوصا لا جاك واحد من الوراعين الابرياء اللي كلامهم يطلع بدون تشفير وجاء يقولك انت بتطول والا لا ... (فيس متحطم وبقوه )ولا كان الرجال هو اللي مطلق بالثلاث ... ومن زود هياطه تلقاه مسنتر بالشارع عند وايت المويه يشب تحته نار ان قلت له ليش قال ابد والله نسوي شاهي للضيوف .. يلعن اوم هياطك يشيخ
تتعرف لك على واحد بالدوام وبدايات تعرفكم يشوفكم تسولفون عن السيارات وهالحركات
يبدا يخش معكم ويمون ويسوي انه الولد الكاش ... يخوك ما حد بيعترض عليك لو ان راتبك ما يكفيك بس كثر الهياط ليش .. يخش معنا بسوالف انه ازلب سيارة ركبها بحياته بي ام ال 700 ويسويلك انه دقيق واخلاص وامانه يقولك بس كانت مصدومه من ورى
ولا بدينا نسولف يقول شباب ما تخبرون لي سيارة مش حالك من السيارات الرخيصه والعمليه الواحد يقضيها فيها مشاويره عشان سيارتي الشخصيه تصير للمشاوير الخاصه والعائليه وبس ... تسمع كلامه تقول اوخص صح عليه بيحافظ على سيارته .. تنزل يوم من دوامك بالصدفه تلتقي معه وهو رايح لسيارته ... تتفاجئ ان معه كامري 2001
حاط تجليده على السقف مسوي بانوراما .. ومركب زينون .. وفاك الطيس .. والشهاده لله مضبطها من جوا مركب لها شاشه تحس انه زارف تلفزيون الملحق وزبنه بالسياره .. طيب احد قالك هايط .. اشوى ما تهور وقالنا وقت بركان بريطانيا الاخير رحت سفره على السريع ل لندن اقضي وقت واخذت معي باخور حطيته على البركان عشان نبخر الربع هناك اخوياي وخوياتي البريطانيات .. الله يلعن ابو هالراس ..!!
كله كوم وسالفة الاقساط كوم ثاني .. تلقى بعض الناس ما يحسبها صح .. وده يقسط طول عمره في سبيل انه يهايط على اخوياه .. يقسط سيارة وبيت وعفش وقرض من البنك و و و .. يصير وده يطلع لكزس اقساط .. ويشتري له بيت كبر قريح ... يصير هو وزوجته بس .. وياخذ له قصر موب بيت .. اول ما تدخل الحوش تلقى لوحه سهم على اليمين .. غرفة النوم 60 كيلو ..!!... اول ما تمسك الخط تزبن لغرفة النوم من زود الفسقه حقين المرور حطو له كاميرا من حقات ساهر بعد المقلط ب 30 كيلو ..!!
وتلقاه مستانس مو مشكله اهم شي اهايط على اخوياي ...
هالنوعيه من زود الفسقه والمرض اللي فيهم .. تلقاه مسويلك مسبح بجنب بيت الشعر .. تقوله ليش يا فلان وش الفايده .. يقولك عشان اغسل الفناجين لا قهوينا الضيوف
وهو الظاهر ما قد دخل بيته الا ام زوجته .. وشوية قطاوة
ويوم مرة تهور وعزم اخوياه جاه 500 واحد قالهم ما لكم داعي وين باقي العيال
بعذره جايب بيت كبر راسه كل اخوياه لا جو ما يكملون زاوية بالمقلط
لا وكل واحد يمد رجليه عشان يحسون ان المكان زحمه .. الله يقلع بليسه غطى على هياط الصينين اللي من كثرهم الواحد لا بغى يسوي عزيمه يحط عدد مبداي للحضور 20 الف
وكثر ما يتشابهون يمكن نفس الشخص يجي مرتين وانت منت عارف عنه <~ اوكي سلكنا لك بس لا تفلها
اخبر واحد مطلع سيارة اقساط وساحب على ام الشركه ...
الرجال مو سالفه ما معه يدفع لا يستلم راتب واموره ماشيه الحمد لله ..
بس خلاص تلقاه يفلها ويصرفها على شغلات ثانيه .. سحب على ام الاقساط لدرجة انه وصل لمرحله انه كل يوم يده على قلبه لا يجون حقين الشركه يسحبون سيارته .. صار لا جاء للدوام كلم واحد من الشباب يقوله يا فلان انا صاف بالمكان الفلاني تعال هات سيارتك سكر علي ...
وتلقاه لا طلع فوق مد لك كرشه مترين قدام ... وقال هاه يا شباب وش بنتغدا اليوم .. علي بالحرام ما احد يدفع فيكم ريال
يخرب بيت خالتك الي توها بانيته ادفع الديون اللي عليك فك عمرك من بلا الاقساط بدل ما انت كل يوم تكبر بهالكرشه
يمكن لو احد طب عليك واغتالك ينزل منها دولارات من كثر الفسقه <~ قويه صح
الظاهر لو يضل على هالحال بيصير كل ما يوقف افلقني ان شاف اي عضو من اعضاء جسمه اللي تحت الكرشه .. حتى اصابع رجليه اللي تقل صفطة هوت دوغ جنب بعض ما عاد يشوفها <~ الله يقلعكم انتو وهالتفكير دايما يروح لبعيد
ومع موضة المغازل هاليومين .. يا ربييييييي لا جاك واحد ماصل الا غصب يوريك اني مخقق بنات الرياض كلهم
وانه يصير هو قاعد بس وفيه سرى بنات عنده ..
كل وحده تجي يعطيها رقم على قائمة الانتظار
لدرجة ان مرة قائمه الانتظار عنده وصلت الظاهر 78 اسم
ارحمنا يا روميو منفوحه ...
اقوى موقف عاطفي مر على الرجال بحياته شغالة جيرانهم وهي طالعه ترمي الزباله تزحلقت بقشرة موز وطاحت .. راح ينشر الخبر بين العيال انها شافته وخقت عليه وفقدت الوعي
يوم انتشر كل الخبر بالحاره بعد شهر طلعت الشغاله حامل ..
دوره عاد هاه يا فلان اشوف الحين ما كانك تعرف الشغاله ..
يقمط العافيه يقول دام الموضوع وصل للحمل
والجنين اللي ببطني يروح فين
منك لله
خلني ازبن بس ( فايس عاض ثوبه )...
والا لا جاء الواحد منهم يستلمك ببطولاته ... يبدا يسولفلك عن اخر واحد قاله يا كلب وش صار فيه
يبدا هياط عاد .. اخر واحد قالي يا كلب .. حاليا يشتغل حوض مويه في سوق الغنم
يو يو يو والا لو تعرفون وش صار هذاك اليوم بواحد حدني بالسيارة وبدا يهايط ... دعست وراه لين وقفته .. نزلته بنص الشارع لعنت والديه
وهو الظاهر بحياته كلها اطول مضاربه قدر يكمل فيها وصل ل نص دقيقه وهو واقف على رجليه ودخل موسوعة جينيس .. تلقاه مرة من ثاني بقس وهو منسدح
لو احلف ان احد المرات حشروه اثنين ... واحد يثبت .. والثاني يشوته يسطحه بصندوق السياره
وهو من وساعة وجهه يقوم وينفض ملابسه من الغبار ويقول من اللي شاتني قبل شوي ترى ما لكم داعي ...
لا يا شيخ دام ما لهم داعي مسوي مهايطي ليش
ويجي يسولف لك يقولك القصه بالعكس
يقولك تصدق يا فلان مرة حطيت يد واحد على كبوت السيارة وسكرت الكبوت عليه ... من قوة الموقف يوم ركبت السيارة لقيت يده طالعه مع الدركسون وصرت استخدمها لا بغيت ادق اشاره
تصورو يا عالم وربي ايام المبزرة واحد من عيال الحاره يسولف علينا يقول مرة اخوي على الدوار كان مسرع والفرامل ما مسك معه فتح الباب وطلع رجله من السيارة حطها على الشارع وعدل السياره
وييييييييين يبوك سيكل بي ام اكس ومجنزر الكفر عشان يطلع رجله يمدها بالشارع .. لاقينا انت
لكن اللي فيه الهياط من وهو صغير وش يفكنا منه
ما ودي اتفلسف كثير ودي انتم تعطونا من الهياط اللي مر عليكم واللي تشوفوه بحياتكم واللي هايطتو فيه على اخوياكم ... لكن بحط نقطه اخيره سالفة الانقليزي .. يا ليل السماجه لا جاك دلخ .. عربي يا الله تفهم عليه ... وتلقاه من زود دلاخته عشان يسويلك انه يعرف لغات مقتنع داخليا ان فيه حروف جديده بتنزل باللغه العربيه وهو اول واحد بيستخدمها
يهايط على اخوياه وخوياته انه يفت انقليزي .. وهو لا دخل على ماكدونالدز يقول لراعي المطعم عطني اثنين سوبر سايز واحد بجبن والثاني بدون تشيز
لا يا شيخ ... تسمع بالسوبر سايز انت وهالراس ...
ولا رجع للبيت بين اهله اللي حافظينه وفاهمينه .. قالهم شريت لكم من مطعم 88
ما يعرفون حرف الام بالانقليزي لو بيقولهم ماكدونالدز يمكن ابوه يتبرى منه ..
لاقيهم لاعب عليهم وقايلهم هذا المطعم اسمه 88
تلقاه حفظ 3 كلمات انقليزي من بينهم يس و نو ويستلم امنا استقعاد الا غصب انا افت انقليش احسن من اوباما ..
اللي زي كذا ودك توديه رحله لامريكا اول ما ينزل من الطيارة يلتقي مع مهايطية امريكا .. يقولون له شكلك ناوي تنجلد يقولهم يس وهو ما يدري وش السالفه وياكل طق لين يعض الارض ويعرف ان الله حق
وبعد ما يرجع تسفره لهم مرة ثانيه ويلقونه نفس الشباب يقولون له ما كفاك ضرب هذيك المرة وهو يسوي ذهين ويغير الجواب ويقول نو عشان ما ينطق
ويستلمونه طق لين خشمه يصير على مستوى الوجه عنده ولا اطلق شركة مقاولات ما سوت لك هالشغل النظيف ..
كلهم الله ياخذهم لازم حفر ومطبات بعد ما يخلصون الشغل <~ كنه بيشطح لموضوع جديد
ببي لي كثير حكي والله .. لكن ماله داعي يسمج الموضوع
ما يستفاد من الموضوع :
- علي بالحرام ان تقلطون ... يفداكم حبر المنتدى كله خلصوه على موضوعي
- التزبيد افضل حل عصري للمهايطيه لحد الان
- اذا رحت امريكا اول شي قول نو بعدين يس
وإذا عجبكم الموضوع لاتنسون التقيييم > الا قيموني وش هالغثه
طبعا قبل ما نبدأ أحب انوه < وصرت تنوه أنت وخشتك !
نقطه مهمه جدا :
وهي في حاله الردود .. تخيل انك جالس تكتب موضوع مده اربع ساعات او يوم او يومين .. ونزلت الموضوع وجا واحد ورد عليك برد وكتب لك (( هههههههههه موضوع حلو يعطيك العافيه )) او كتب ( ههههههههه يسلمو ) ماتلاحظون ان فيها تحطيم لكاتب الموضوع ... !! حط نفسك في مكانه وبتعرف انه تحطيم او لا
لذلك الردود اللي يردون فيها الاشخاص بقصد زياده عدد ردودهم مالها سنع ... لان الجزء اللي يحلي الموضوع ردود الاخيرين .. وصدقوني مثل ما فيه ناس تتابع مواضيع .. ففيه ناس تحب تقرا تعليقات الاخرين وردودهم وكثيرين من هالنوع فأتمنى ان تكون الردود بنفس قوة الموضوع
^
وفيه بعضهم يوم تقول لهم لاتسون كذا الا يعاندونك غصب ! ويسون نفس الحركه !!
المهم نرجع لموضوعنا < من بدري الله يرحم والديك
انا صراحه طقت نفسسي من هالششعب المهايطي الي يرفع الضغط هياطه
ومسسكت معي اتكلم عنهم بالضحك والفرفشه
الباب الاول :
تعريف الهيط
الهياط / مشتق من كلمة الهيط ..
والهيط لغة كل ما ارتفع صوته بداعي الهياط <~ يقالك شرحت الحين تسذا ..!!
مسالة ان ربي يبتليك بخوي مهايطي تنبلع
اثنين مهايطيه واحد بدون مايونيز برضو نمشيها
3 مهايطيه سوبر سايز برضو تنبلع
ما ودي اقولكم لو اربع مهايطيه وش بيصير لاني بحرق عليكم الموضوع
انا ابيكم تتخيلو بس لو صار كل اخوياك مهايطيه وش حياتك بتكون !
انا ربي مبتليني بكم واحد نفر بخاري من هالعينات ويا الله ملحق
بموضوعي انا بنتقد المهايطيه اللي صرنا نشوفهم اكثر من كاميرات ساهر
اللي خلت الواحد يمشي وعينه بالطبلون .. كل ما تعدى السرعه قال سرعة شيطان
ورفع رجله وناظر الكاميرا وهو يقول بخاطره تبا لكم
الباب الثاني :
مدخل الي الموضوع
نبدا بموضوعنا (فيس يقول على بركه الله ..!!)
الهياط صارت صفه سائده بالمجتمع موجوده عند كل من هب ودب ..
كل واحد يصير وده يهايط وخلاص ما يدري شلون .. تلقى بعضهم يلقاك بالشارع ...
يا رجال علي بالطلاق انك تسير علينا شدعوى يخوك محنا قد المقام
وتلقى زوجته 24 ساعه مجهزة شنطتها تروح بيت اهلها الطلاق متوقع باي لحظه
كل ما مر رجال من عند البيت سحبه من شماغه يا رجال علي بالطلاق العشاء جاهز بقى بس البيبسي يجيبه راعي البقاله
وام العيال واقفه على الشباك تقول يا رب يدخل بتعشى لا يضيع مستقبل البيت (فيس منكسر خاطره تسذا
)ويمكن لا دخلت حسيت نفسك ماصل وثقيل دم ... تلقى لا عشاء جاهز ولا احد داري عنك والرجال مواعد اهل البيت يوديهم مشوار .. وشف القلق عاد يبدا يحسسك انك مثقل عليه .. وبلحظه معينه تحس نفسك زباله اني من جد ما استحي على طول وافقت انا اول ما لزم علي
خصوصا لا جاك واحد من الوراعين الابرياء اللي كلامهم يطلع بدون تشفير وجاء يقولك انت بتطول والا لا ... (فيس متحطم وبقوه )
ولا كان الرجال هو اللي مطلق بالثلاث ... ومن زود هياطه تلقاه مسنتر بالشارع عند وايت المويه يشب تحته نار ان قلت له ليش قال ابد والله نسوي شاهي للضيوف .. يلعن اوم هياطك يشيخ تتعرف لك على واحد بالدوام وبدايات تعرفكم يشوفكم تسولفون عن السيارات وهالحركات
يبدا يخش معكم ويمون ويسوي انه الولد الكاش ... يخوك ما حد بيعترض عليك لو ان راتبك ما يكفيك بس كثر الهياط ليش .. يخش معنا بسوالف انه ازلب سيارة ركبها بحياته بي ام ال 700 ويسويلك انه دقيق واخلاص وامانه يقولك بس كانت مصدومه من ورى
ولا بدينا نسولف يقول شباب ما تخبرون لي سيارة مش حالك من السيارات الرخيصه والعمليه الواحد يقضيها فيها مشاويره عشان سيارتي الشخصيه تصير للمشاوير الخاصه والعائليه وبس ... تسمع كلامه تقول اوخص صح عليه بيحافظ على سيارته .. تنزل يوم من دوامك بالصدفه تلتقي معه وهو رايح لسيارته ... تتفاجئ ان معه كامري 2001
حاط تجليده على السقف مسوي بانوراما .. ومركب زينون .. وفاك الطيس .. والشهاده لله مضبطها من جوا مركب لها شاشه تحس انه زارف تلفزيون الملحق وزبنه بالسياره .. طيب احد قالك هايط .. اشوى ما تهور وقالنا وقت بركان بريطانيا الاخير رحت سفره على السريع ل لندن اقضي وقت واخذت معي باخور حطيته على البركان عشان نبخر الربع هناك اخوياي وخوياتي البريطانيات .. الله يلعن ابو هالراس ..!!
كله كوم وسالفة الاقساط كوم ثاني .. تلقى بعض الناس ما يحسبها صح .. وده يقسط طول عمره في سبيل انه يهايط على اخوياه .. يقسط سيارة وبيت وعفش وقرض من البنك و و و .. يصير وده يطلع لكزس اقساط .. ويشتري له بيت كبر قريح ... يصير هو وزوجته بس .. وياخذ له قصر موب بيت .. اول ما تدخل الحوش تلقى لوحه سهم على اليمين .. غرفة النوم 60 كيلو ..!!... اول ما تمسك الخط تزبن لغرفة النوم من زود الفسقه حقين المرور حطو له كاميرا من حقات ساهر بعد المقلط ب 30 كيلو ..!!
وتلقاه مستانس مو مشكله اهم شي اهايط على اخوياي ...
هالنوعيه من زود الفسقه والمرض اللي فيهم .. تلقاه مسويلك مسبح بجنب بيت الشعر .. تقوله ليش يا فلان وش الفايده .. يقولك عشان اغسل الفناجين لا قهوينا الضيوف
وهو الظاهر ما قد دخل بيته الا ام زوجته .. وشوية قطاوة
ويوم مرة تهور وعزم اخوياه جاه 500 واحد قالهم ما لكم داعي وين باقي العيال
بعذره جايب بيت كبر راسه كل اخوياه لا جو ما يكملون زاوية بالمقلط
لا وكل واحد يمد رجليه عشان يحسون ان المكان زحمه .. الله يقلع بليسه غطى على هياط الصينين اللي من كثرهم الواحد لا بغى يسوي عزيمه يحط عدد مبداي للحضور 20 الف
وكثر ما يتشابهون يمكن نفس الشخص يجي مرتين وانت منت عارف عنه <~ اوكي سلكنا لك بس لا تفلها
اخبر واحد مطلع سيارة اقساط وساحب على ام الشركه ...
الرجال مو سالفه ما معه يدفع لا يستلم راتب واموره ماشيه الحمد لله ..
بس خلاص تلقاه يفلها ويصرفها على شغلات ثانيه .. سحب على ام الاقساط لدرجة انه وصل لمرحله انه كل يوم يده على قلبه لا يجون حقين الشركه يسحبون سيارته .. صار لا جاء للدوام كلم واحد من الشباب يقوله يا فلان انا صاف بالمكان الفلاني تعال هات سيارتك سكر علي ...
وتلقاه لا طلع فوق مد لك كرشه مترين قدام ... وقال هاه يا شباب وش بنتغدا اليوم .. علي بالحرام ما احد يدفع فيكم ريال
يخرب بيت خالتك الي توها بانيته ادفع الديون اللي عليك فك عمرك من بلا الاقساط بدل ما انت كل يوم تكبر بهالكرشه
يمكن لو احد طب عليك واغتالك ينزل منها دولارات من كثر الفسقه <~ قويه صح
الظاهر لو يضل على هالحال بيصير كل ما يوقف افلقني ان شاف اي عضو من اعضاء جسمه اللي تحت الكرشه .. حتى اصابع رجليه اللي تقل صفطة هوت دوغ جنب بعض ما عاد يشوفها <~ الله يقلعكم انتو وهالتفكير دايما يروح لبعيد
ومع موضة المغازل هاليومين .. يا ربييييييي لا جاك واحد ماصل الا غصب يوريك اني مخقق بنات الرياض كلهم
وانه يصير هو قاعد بس وفيه سرى بنات عنده ..
كل وحده تجي يعطيها رقم على قائمة الانتظار
لدرجة ان مرة قائمه الانتظار عنده وصلت الظاهر 78 اسم
ارحمنا يا روميو منفوحه ...
اقوى موقف عاطفي مر على الرجال بحياته شغالة جيرانهم وهي طالعه ترمي الزباله تزحلقت بقشرة موز وطاحت .. راح ينشر الخبر بين العيال انها شافته وخقت عليه وفقدت الوعي
يوم انتشر كل الخبر بالحاره بعد شهر طلعت الشغاله حامل ..
دوره عاد هاه يا فلان اشوف الحين ما كانك تعرف الشغاله ..
يقمط العافيه يقول دام الموضوع وصل للحمل
والجنين اللي ببطني يروح فين
منك لله
خلني ازبن بس ( فايس عاض ثوبه )...
والا لا جاء الواحد منهم يستلمك ببطولاته ... يبدا يسولفلك عن اخر واحد قاله يا كلب وش صار فيه
يبدا هياط عاد .. اخر واحد قالي يا كلب .. حاليا يشتغل حوض مويه في سوق الغنم
يو يو يو والا لو تعرفون وش صار هذاك اليوم بواحد حدني بالسيارة وبدا يهايط ... دعست وراه لين وقفته .. نزلته بنص الشارع لعنت والديه
وهو الظاهر بحياته كلها اطول مضاربه قدر يكمل فيها وصل ل نص دقيقه وهو واقف على رجليه ودخل موسوعة جينيس .. تلقاه مرة من ثاني بقس وهو منسدح
لو احلف ان احد المرات حشروه اثنين ... واحد يثبت .. والثاني يشوته يسطحه بصندوق السياره
وهو من وساعة وجهه يقوم وينفض ملابسه من الغبار ويقول من اللي شاتني قبل شوي ترى ما لكم داعي ...
لا يا شيخ دام ما لهم داعي مسوي مهايطي ليش
ويجي يسولف لك يقولك القصه بالعكس
يقولك تصدق يا فلان مرة حطيت يد واحد على كبوت السيارة وسكرت الكبوت عليه ... من قوة الموقف يوم ركبت السيارة لقيت يده طالعه مع الدركسون وصرت استخدمها لا بغيت ادق اشاره
تصورو يا عالم وربي ايام المبزرة واحد من عيال الحاره يسولف علينا يقول مرة اخوي على الدوار كان مسرع والفرامل ما مسك معه فتح الباب وطلع رجله من السيارة حطها على الشارع وعدل السياره
وييييييييين يبوك سيكل بي ام اكس ومجنزر الكفر عشان يطلع رجله يمدها بالشارع .. لاقينا انت
لكن اللي فيه الهياط من وهو صغير وش يفكنا منه
ما ودي اتفلسف كثير ودي انتم تعطونا من الهياط اللي مر عليكم واللي تشوفوه بحياتكم واللي هايطتو فيه على اخوياكم ... لكن بحط نقطه اخيره سالفة الانقليزي .. يا ليل السماجه لا جاك دلخ .. عربي يا الله تفهم عليه ...
وتلقاه من زود دلاخته عشان يسويلك انه يعرف لغات مقتنع داخليا ان فيه حروف جديده بتنزل باللغه العربيه وهو اول واحد بيستخدمها يهايط على اخوياه وخوياته انه يفت انقليزي .. وهو لا دخل على ماكدونالدز يقول لراعي المطعم عطني اثنين سوبر سايز واحد بجبن والثاني بدون تشيز
لا يا شيخ ... تسمع بالسوبر سايز انت وهالراس ...
ولا رجع للبيت بين اهله اللي حافظينه وفاهمينه .. قالهم شريت لكم من مطعم 88
ما يعرفون حرف الام بالانقليزي لو بيقولهم ماكدونالدز يمكن ابوه يتبرى منه ..
لاقيهم لاعب عليهم وقايلهم هذا المطعم اسمه 88
تلقاه حفظ 3 كلمات انقليزي من بينهم يس و نو ويستلم امنا استقعاد الا غصب انا افت انقليش احسن من اوباما ..
اللي زي كذا ودك توديه رحله لامريكا اول ما ينزل من الطيارة يلتقي مع مهايطية امريكا .. يقولون له شكلك ناوي تنجلد يقولهم يس وهو ما يدري وش السالفه وياكل طق لين يعض الارض ويعرف ان الله حق
وبعد ما يرجع تسفره لهم مرة ثانيه ويلقونه نفس الشباب يقولون له ما كفاك ضرب هذيك المرة وهو يسوي ذهين ويغير الجواب ويقول نو عشان ما ينطق
ويستلمونه طق لين خشمه يصير على مستوى الوجه عنده ولا اطلق شركة مقاولات ما سوت لك هالشغل النظيف ..
كلهم الله ياخذهم لازم حفر ومطبات بعد ما يخلصون الشغل <~ كنه بيشطح لموضوع جديد
ببي لي كثير حكي والله .. لكن ماله داعي يسمج الموضوع
ما يستفاد من الموضوع :
- علي بالحرام ان تقلطون ... يفداكم حبر المنتدى كله خلصوه على موضوعي
- التزبيد افضل حل عصري للمهايطيه لحد الان
- اذا رحت امريكا اول شي قول نو بعدين يس
وإذا عجبكم الموضوع لاتنسون التقيييم > الا قيموني وش هالغثه
تعليق