تويت
رد على قصيدة (يابنت ياللي بالقصايد تغنين) ...(بقلمي)
القصيده
.........
يابنت ياللي بالقصايد تغنين
جوزي عن الأشعار وش لك بالأشعار
خليك بالمطبخ وغسل المواعين
صعبه ترى يابنت تتغير الأدوار
خليه لاهل الشعر يابنت تكفين
وانتي لك البكله وروج وأستشوار
تدرين ولاكن مانتي بتدرين
ترى قصايدكم طماطم مع خيار
شعر مكسر خالي من المضامين
ذوق جماهير الشعر طعم الأمرار
والبيض عند الشاعرة أسمه التين
ولا شافت الجربوع تقول ذا فار
والشاعرة لو عمرها بالثمانين
تكذب وتعلن عمري بعمر الأزهار
تستخدم الميك اب وتكحل العين
واصغرهن اللي عمرها عمر سنجار
الشعر وين وشاعرات الغثا وين
طاحن بكبد الشعر لين الشعر ثار
.........
يابنت ياللي بالقصايد تغنين
جوزي عن الأشعار وش لك بالأشعار
خليك بالمطبخ وغسل المواعين
صعبه ترى يابنت تتغير الأدوار
خليه لاهل الشعر يابنت تكفين
وانتي لك البكله وروج وأستشوار
تدرين ولاكن مانتي بتدرين
ترى قصايدكم طماطم مع خيار
شعر مكسر خالي من المضامين
ذوق جماهير الشعر طعم الأمرار
والبيض عند الشاعرة أسمه التين
ولا شافت الجربوع تقول ذا فار
والشاعرة لو عمرها بالثمانين
تكذب وتعلن عمري بعمر الأزهار
تستخدم الميك اب وتكحل العين
واصغرهن اللي عمرها عمر سنجار
الشعر وين وشاعرات الغثا وين
طاحن بكبد الشعر لين الشعر ثار
...................................
الرد
يالشايب اسحب كلمتك والعناوين
ترى كلامك ما دخل ضمن الاشعار
الشعر فن وذوق و إحساس وافين
الشعر نبض قلوب ماله ابد دار
داره احاسيس القلوب الميامين
وللشاعرات (احساس) ماضنتي صار
وإذا تقول إنا لغسل المواعين
انتم على غسل السياير شطار
اعمارنا عمر الزهر بالبساتين
وقلوبنا تنبض احاسيس واشعار
وافعالنا تشهد لنا بالميادين
نسيت يالشايب.. وإلا العقل طار؟؟
لولا البنات ماكان شكلك كذا زين
وحتى الشعر ماكان في داخلك ثار
لبيه ياحنا البنات المزايين
ولبى الشعر نكتبه من غير نحتار
اسمائنا متصدره بالدواوين
والظاهر انو شعركم مننا غار ..!!
..
تعليق