تويت
رغم بساطة كلماتها الا انها ترسم المشاعر الصادقة ..
خلتني هالابيات أبحر في الماضي
ونتذكر ايام ولد الجيران <<< راح الحيا الله يخلف
الحرف ل / قامةٍ باسقة ..
الشاعر الرائع محمد النفيعي ..
قصيده تحمل من البساطه الشيء الكثير
أترككم معها ..
عهدي بها قدام تلبس عبايه
وأنا بعد قبل ألبس شماغ وعقال
طفلين نتهجا حروف البدايه
الله يامجمل سواليف الأطفال
كانت لنا في كل شارع حكايه
وكنا نقول علوم ماهي بتنقال
وكنت أتقاسم مامعاها معايه
من أسكريم التوت للعلك أبو ريال
وكانت بعكسي شاطره بالقرايه
تقرأ جزء عم .. وطه .. والانفال
وانا لك الله من مواري غبايه
مدري أبو نقطه هو الذال أو الدال
وكانت لأبويه تشتكي من شقايه
وتعلمه كيف أربط الباب بحبال
ياما على ظهري كسر من عصايه
يقول لي خلك وأنا أبوك رجال
وأمي تقول إدع لولدك الهدايه
خوفي يصيبه كثرة الضرب بهبال
لاشفتها مع أول الدرب جايه
مدري أنا اللي ملت وإلا الوطاء مال
أحس قلبي يرتجف في حشايه
ماكنه إلا الضيف لاهز فنجال
ياما عن السعلي تخبت ورايه
لاخوفوها فيه ثم شافت ظلال
تقول ... خلك يا (محمد) معايه
وأستانس ألعب عندها دور الأبطال
وأغار حتى من عيون أصدقايه
لاطالعوها!!!قلت...تكفووووووون ياعيال !!
أتمنى تعجبكم ذائقتي
أجمل وأرق تحية من قلب شوق
) جميله فيكفي ان تنام وبقلبك لايوجد هم ولا شغل تنام مرتاح البال نضيف القلب ولا أحد يلومك
تعليق