تويت
نصائح للعروسه الجديدة
أخباركم وازيكم وكيف حالكم وكيفكم وشلونكم أحمر والا أصفر
المهم يابنات أنا جايبه نصائح لكل عروس جديده ولكل بنت مقبله على الزواج
وأقول لكم الأفضل انكم ماتطبقون ولا شي منها
طبقوا نصايحي وراح تعيشون في سعاده وهناء << ناويه عليكم
يالله نبدأ وعلى بركة الله << جايه تفتح معرض وبتقص شريط هخهخهخهخه
1- اجتهدي أن تنمي في نفسك السجايا التي حببتك إلى زوجك وجعلتك عزيزه في عينه
يوم كنتِ انسه كنتِ جميله أم شوشه قصدي بشوشه مسامحه محبه فكوني كذلك
لاتظني أنك وقد صرتي زوجة يجوز لكِ أن تغيري مظهرك السابق واذكري دائماً أن وظيفة الزوجه لاتبتديء
وتنتهي في مخدعها ..
الا الزوج الله يرجه لين يصير زوجين هو اللي يمل من زوجته
لا وبعد شايف نفسه وهو دايم شكله أشعث أغبر وبعدين النصايح بس للبنات ..
اجل اسمعيني زين ياعروسه انتي ويا خشتك قولي ترى اذا ماهتميت بشكلك لطلقك
يا اشعث يا أغبر يا ابو كشه ..
2- إذا كان زوجك مولعاً بالتردد إلى الأنديه العموميه وأردتِ أن تبقيه عندك فلا تؤذيه
بجهر القول بل اجعلي بيتك الصغير نادياً رحباً له فيه كل مايسره ويسليه ..
ياسلام ماعاد الا هي وش رايكم تصير حكم بعد ويحولون بيتهم لنادي
ويجمعون الجيران عندهم واذا بيعرضون مباراتهم على الهواء مباشره مافي مشكل
وش حضرته يوم انها تسوي له نادي اسمعيني زين انتي من يوم تشوفينه يحب النوادي
قولي له يا أنا ياهالنادي بلا في شكلك واذا بغيتي تعطينه كف عادي يستاهل
3- استقبليه بكل ابتسامه تنبيء عن متسع الأمل وتحي الرجاء في النفس
وتوقظ الحميه في أعماق القلب ..
اقول لاتبتسمين له ووريه العين الحمراء من البدايه لا يتسلط بعدين عليك
واياني وإياك ترفقين بحاله ترى مو في صالحك خليك قويه
4- ارفقي بجيب زوجك ولا تستنفذي نقوده لاقتناء الحلي والحلل وعليك
أن تكتفي بما تمس الحاجه إليه من ذلك ..
جينا عند النقطه المهمه :
لازم تاخذين كل راتبه عندك وانتي اللي تصرفي فيه لاتعطينه الا شي بسيط
لبنزين السياره بس
شوفي ترى اذا خليتي فلوسه معه بيجمعها
همن بيتزوج عليك الله يرجك خليك نبيهه لهذا الشي
5- حببي إلى نفسك حرفته فإذا كان من أهل الأدب مثلاً فرتبي أوراقه
ومكتبه ورتبي أقلامه وأدواته وإذا كان طبيباً فافعلي مايرضيه من ذلك
وتولي هذا العمل بنفسك ..
اسمعيني زين كتبه هذي الأفضل انك ترمين بعضها وبعضها ضيعيها
وحاولي بعد تضيعين اقلامه ترى اذا ماسويتي طريقتي ماراح يوديك ولا مكان
بيصير هو يقرا وانتي اذا طلبتي منه يوديك أي مكان بيقول بعدين
اسمعي نصحتي ولا تدلعينه ترى الرجال ماينعطون وجه
وأخيراً أتمنى لكم حياه سعيده وبالرفاه والبنين
<< وين حياه سعيده وهذي نصايحك
تعليق