تويت
وجه الألم
ما خفت قبل اليوم .. وان خفت بعده
أنا بوسط النار وش يجدي الخوف
نلت السهر من جزر وقتي ومده
محد(ن) درى كم علت(ن) تسكن الجوف
الحر صبار(ن) .. ولو بان سده
امن القهر تنبت وسط قلبه سيوف
والحمد لله لي ستر سر عبده
ما كل هم(ن) للمخاليق مكشوف
في صدر كل انسان كره وموده
معروف وجه الكره ولود معروف
كل شي خلقه الله خلق شي ضده
والعمر مهما طال تاليه مقطوف
حنا بزمن كل(ن) يرى الفلس عضده
حتى أنا أتمنى ملاين وألوف
كم واحد(ن) حاجته عندك تحده
لو يكرهك .. يظهر لك الود مرظوف
يا صاح دنيانا لها وجوه عده
والمؤمن بقلبه قبل عينه يشوف
والوقت يتشابه بمزحه وجده
من خوفنا وجه الألم صار مألوف
ما خفت قبل اليوم .. وان خفت بعده
أنا بوسط النار وش يجدي الخوف
نلت السهر من جزر وقتي ومده
محد(ن) درى كم علت(ن) تسكن الجوف
الحر صبار(ن) .. ولو بان سده
امن القهر تنبت وسط قلبه سيوف
والحمد لله لي ستر سر عبده
ما كل هم(ن) للمخاليق مكشوف
في صدر كل انسان كره وموده
معروف وجه الكره ولود معروف
كل شي خلقه الله خلق شي ضده
والعمر مهما طال تاليه مقطوف
حنا بزمن كل(ن) يرى الفلس عضده
حتى أنا أتمنى ملاين وألوف
كم واحد(ن) حاجته عندك تحده
لو يكرهك .. يظهر لك الود مرظوف
يا صاح دنيانا لها وجوه عده
والمؤمن بقلبه قبل عينه يشوف
والوقت يتشابه بمزحه وجده
من خوفنا وجه الألم صار مألوف
شعر : عبدالله صالح العمري
تعليق