يا قلبي اشغيت المدامع ولا لوم
حزن ذبح الاشواق فعيون صاحبك !!

ان جيت لك مهموم وإن رحت مهموم
أعاتب الايام ولا اعاتبك !!

امشي معا الطرقات .. والدرب مزحوم
والناس منكبها على راس منكبك

شقي وقت .. وباقي احلامي نجوم
والهم خيل ن بين الاظلاع له دبك

شاري سهر .. والليل بايع له النوم
اقراك يا حلم خذا الحال واكتبك

مرات احسك .. شي كايد ومعدوم
ومرات اقول فخاطري ياه مقربك !!

حاربتني .. لين امتلى صدري سهوم
وانا اتأمل فيك .. وشلون أحاربك !!

مشاعري يا حزن ما تقبل السوم !!
ليه اتعقبني وانا ما اتعقبك

إن كان بك للدمع نيات وعزوم
تعال حاسبني .. وعقبه باحاسبك

مابه أمل يا حزن نفرح ولو يوم
ابك الحياه البائسه يا حزن ابك !!

ماني الوحيد اللي من الوقت مظلوم
لكن انا اللي في حناياه يشربك

مكره غلا لا شك ماني بملزوم
اكذب على نفسي وانا عكس مذهبك

يا صاحبي يا الحزن .. يا جعلك القوم
صرت الرفيق .. ومطلبي صار مطلبك !!

وإما وصلت لغايتي عشت محروم
والى حرموني غايتي مات صاحبك

يا نسايم صباح ثلوج .. كوفنتري !!
ضاق صدر العليل وما لقى له مكان !!

لو حدايق دروبش .. جوري وبختري
ما ملت عيني لو هي تنبت الزعفران

ولو عرفتي غلا الدوحه بعين قطري !!
كان يمديش تدرين الوفا .. كيف كان !!

بش رفيق عزيز وعادني محتري
شوفته لا رجع لي لو يطول الزمان !!

ضيقتي تقول وينه .. بس أقول اصبري
كل غايب وعذره .. والغياب امتحان

شوف الايام تجري يا رفيقي جري !!
والزمن ما يفرق في شجاع وجبان

ليه اغبي همومي يا الهموم اظهري !!
وخلي دموع حزني فوق خدي تبان

جاني " من حياتي .. طعنة فظهري !!
وين ابلقى قضى فالوقت والوقت خان

والله اني من الدنيا وأهلها ( بري )
غير من حب بنت حبها لي كيان

مستعد أني ابيع العمر وأشتري !!
قربها .. والمحبه / والدفا / والحنان !!

كانها من نصيبي يا الهموم اقصري
وكانها حظ غيري .. يالله المستعان !!

لحد (ن) يلوم انسان في غيبة انسان
وأنا بدونه ما ابغي اكون .. واعيش !!

رسمت احلامي على فاه .. ضميان
الين مت من ( الشفاه المعطايش ) !!

يذوب حلم .. ويبتدي حلم ويبان !!
فعيوني المتذابله .. ( جرح تهميش )

هيجت بحر .. ووادع الصمت بركان
وضاع الامل .. بين اللقاء والمطاريش

محد يعين .. راحة البال .. مجان !!
قولي بكم ؟؟ يا راحة البال واشريش

بواخر اشواقي .. مشت دون ربان
وضاعت بوسط البحر .. لكن حتيش

لو المسال .. ظلم دنيا .. وحرمان !!
باموت ما فكرت في .. لقمة العيش

بس المسال .. كوني اقود فرسان !!
واروح لي في جيش وارجع بلا جيش

الله واكبر .. فرق في قبل .. وألان
طير تغير عقب ما صار له ريش !!

من كثر ما احبه لو يزل .. رضيان
يخطي بحقي .. وانا خطابه .. معاليش !!

مال للغرام ذنوب .. لو شان او زان
مهما يكون الذنب .. حتى ولو ويش

يا للأسف .. ما هكذا الحب يا فلان
( أنت السبب لا صار فالبث تشويش )

اغليتك بقلبي .. وسويت لك شان !!
وحبيت فيك الجرح / والكذب / والطيش

حتى لو انك باير العهد .. خوان !!
للحين في طاريك ولا اعرف ليش

عز الله اني فاقدك .. مثل فقدان !!
قصايد القمة ل محمود درويش !!

سميت باسم الله ربي .. محيي العظم الرميم
واوحيت من فكري ( قصيدة حب ) تثبت حالها

بكتب قصيده فاخره .. ياصل شذاها للقصيم !!
ولا تعدى مصر .. للمغرب الين جبالها!!

طموحي اكبر من طموح الوقت !! والواقع اليم
ضايق من الدنيا كثير .. وضقت من اهمالها !!

لكن أنا !! ما دامني ماشي على الخط السليم !!
باصبر وانول !! وهذي الدنيا وهذا حالها !!

وانا حداثي .. والحداثي ما يسج من القديم
ومتغيرات العصر .. غنتنا على موالها !!

قل للهلالي والهجيني بسرى الليل العتيم
واسبر على طرق الحدا .. ويحلها حلالها

ودي أعبر عن شعور من كثر ماني أهيم
اهيم به وانا اتمعن قدرها .. وإجلالها !!

حبيت لي .. عذراء ثلاث احروفها .. نبع حميم
شربتها ( عشرين عام ).. وما رويت زلالها !!

واللي حياتي في يده .. لا !! .. اقسم بربي العظيم
إن العمر والنفس ما هي .. ترتخص إلا لها !!

والحب ما هو حب مال وحب نفس وعنق ريم
الحب حب بلادنا ... اللي حالنا من حالها !!

قطر قطر قطر قطر .. رددت وافهم يا فهيم
احبها في شمسها !! واحبها باظلالها !!!!!!!

و18 من شهر ديسمبر .. هو اليوم العظيم !!
عيد لها .. من بعد كان العيد .. فاستقلالها !!

يوم حكم به .. قاسم ال ثاني .. وبايعته تميم
وأسس قواعد دولة الامجاد !! عقبه شالها

يا جعل ربي يرحمه ويسكنه .. جنة نعيم !!
فعايله !! ما زالت الدوحه !! تحمد افضالها

قطر .. ثلاث حروفها .. حب سكن وسط الصميم
ومن لامني في حبها .. ما قد روته دلالها !!

قطر ( سمو المجد ) و( الطولات ) و ( النهج القويم )
قطر .. تواريخ السنين .. مسجله بافعالها

والطيب والفزعه .. وحب الناس والخير العميم
تلقاه في كل قطري عاش فوق رمالها

وإن رحت للوجبه او الدفنه .. أو للسد القديم
ريانها .. يعشق معيذرها .. وام صلاها !!

كذا كذا .. !! تبقي المحبه من نديم إلى نديم !!
وقلوبنا متوالفه .. وافعالنا تسوى لها !!

تسوى لها .. !! دنيا عريضه خص لا قد به خصيم !!
نبحص لك الدنيا .. دروب ما تحسب اميالها !!

حنا !! يا ( بو مشعل ) .. يمينك وانت ضرغام وحكيم
نفرش لك الدنيا ورود وفل .. وامش بفالها

بغيتنا نمشى سوى .. نمشي سوى وانت الزعيم
بغيتنا صف عريض .. نصك قاصي جالها !!

بغيتنا بالمستقيم .. نجيك خط مستقيم !!
ابشر بنا يا سيدي .. لا زلزلت زلزالها

اليا زعلت .. الله وهبك الطيب .. والعقل الحليم
واليا رضيت .. أحلى من المزنه ومن همالها

والعقل والنظره .. وبعد الراي .. والله العليم
إن كان ما الحكمه .. تجيك .. وانت من يملالها !!

وان كان به نسخة من افعالك .. فهو ولدك ( تميم )
فعله يتمم للمراجل ... ( قولها وافعالها ) !!

و( جاسم ) بدون مجامله .. رجل.. ووالله العظيم
ان ادرو شوفته .. من غليها .. وأعنى لها

وان قلت ( جوعان ) المكارم فالزعيم ابن الزعيم !!
تسعى له الامجاد والرفعه قبل يسعى لها !!

ولا ( محمد بن حمد ) .. فالفارس القرم الكريم
تثبت فعوله .. قولة ان الخيل من .. خيالها !!

وإلى اجحدت دولة قطر افعالكم .. يا ال التميم
يعني كأن الارض تجحد ( رملها ) و( جبالها ) !!

انتو غرام المجد .. والمجد لمعاليكم غريم
وحنا الرجال اللي ليا .. قالت تبين افعالها !!

و( قطر قطر قطر قطر .. رددت وافهم يا فهيم
أسم تسطره السنين المقبله !! .. لأجيالها !! )

لا انثني ليل المشاعر واتعب الملتاع قافه !!
فوق مرقاب الشعور اللي احاسيسي تهبه !!

تنبري لي مهرة الاحساس وكفوف العسافه !!
(حس شاعر ) .. تحطبه دنياه .. واللهفه تشبه

القصيد احساس واللي دون ما احساس .. افه
شعر لكن لو يسمى ( شعر ) محد " يستحبه !!

والحلا فالمرء ما يسمو على قمة عفافه !!
و( عفة الانسان ) جذابه وهذا اهم سبه

يا مسوي في حياتي .. من بعد شفتك ( أضافه )
يا ملبسني (( غلاك )) من الجفا والبعد جبه

هاتني .. لا !! ودني لك .. وأخذني لابعد مسافه
وأبحر بقلب يحبك مووت !! وأحذر كل غبه !!

واسقني من ( ماء الغرام ) .. اللي على جالك ضفافه
والوعد يا نور عيني .. بين مجراه ومصبه

يا عيون الظبي .. كانه ما على نفسك كلافه
نظرة عيونك عذاب .. وصاحبك حظه لعب به

(المياعه) و(العذوبه) .. و(العياره) و(الطرافه) !!
تجتمع فيك وتفرق .. في مساءات الاحبه

في شفاتك .. لذة المنجا .. ونكهات الجوافه
وخدك اللي كنه .. ( كتلة ثلج) شفي منه .. حبه

ويوم غبت بدون سبه .. لجل حكي وما خلافه
قمت اناظر في عيون الناس.. لا كني مشبه

والزمن ماهو بري من ظلم وقته .. او جفافه
قاسي وقاسي كثير .. ونبه اللي ما تنبه !!

ليه تبعد .. عن عيوني يا عيوني يا حسافه
جرح قلبي من غلاتك .. من سواك يعرف طبه

لا تخلي بيني وبينك .. من الجفوا مسافه
ودامني مديت ( فنجال المحبه ) لا تكبه !!

ودي بوصلك .. وهجرك صرت اكرهه واخافه
وجعل ما ياتي لهجرك بعد ذا اللي صار سبه

لا تخلي صاحبك يمشي .. والى من حد شافه
قال .. يا عزي لحاله .. والله ان عاده يحبه !!

البارحه ما بين .. اروق خاطر ..عيا يروق
غيوم حزني .. بيتتني !! وابتلت وابليتها

امطر شقاها في حشاي .. ويا بلاي بجيش موق
العبره اللي ودها تنزل .. ولا رديتها !!

تنزل تحت تحت تحت ومن المحال تعود فوق
خليتها من فوق خديني ولا مشيتها !!

وصحت مشاريه السنين اللي مهي تبغي تفوق
واوراق طاويها الزمن .. من وقت ما خليتها !!

الصدر جال الهم .. وهمومي عليه حيام نوق
تارد وانا وش عذري .. تصدر وأنا ما اسقيتها !!

لو للهوى قاضي .. فأنا مظلوم حق .. ولي حقوق
طعنة رفيق فالظهر .. باموت ما شليتها !!

غابت .. فوانيس الوفا .. وانا اتحرى للشروق
على اماني (علها) (يا جعلها) (يا ليتها)

وش يجني الانسان من حبه !! سوى .. ( مشوار عوق )
( جروح ) تحيا به ولا يقدر على تمويتها

الحب .. تركيبة مشاعر حس ومحاتي وشوق
مهوب دله كل ما تضما لها صبيتها !!

لا صرت طيب وادمح الزله وحساس وخلوق
مهوب لازم كل ما تقصر معي مشيتها

للعذر حد !! وللغلا قيمه !! وللتعبير ذوق !!
وشلفا .. خفوقي المستضيق ابطيت ما سليتها

اللي غلاها في ( دمي ) يا جعل تبكيه العروق
حتى .. أسمها في ( فمي ) باموت ما ناديتها

ما عادني للوصل والضحكه ولقياها شفوق
الله يسامح جرحها .. ويبيحها لا اطريتها !!

لوها عطت قلبي نصف ما اعطيتها ( حب صدوق )
ما كان اقول من الندم .. ( غلطه وأنا سويتها !! )

يا راكب اللي هيبته شخصيه
على المواتر ماخذ (ن) فرقيه

ديزاينه .. ترتيبة .. وشعاره
هيكله .. يعني سيد الالفيه

اللي شقى به شيبه ياباني
ما قد لبس غتره ولا طاقيه

مصممه ترتيب برغي برغي
ومهندسة بالخبرة التقنية

عليه دقة سلف لا وش كنها
بنية تهمس بإذن .. بنيه

ولا شغل الموتر وبان انبيره
كني مسافر .. رحلة جويه

يغنينه عن الاسما رمز (تيوتا)
وان قلت انا الفكسار لابو حيه

بنت تهزع لابسه برقعها
تفر عينك صوبها .. جبريه

يتل قلبك مركبه واسياته
وتشوق للسفره معا العصريه

لا قبضه راعية خط فاري
تركب على راسه مية جنيه

وان دست له كنه يسابق رجلك
يمديك تدعس بنص عدا الميه

وهيئة شموخه واستدارة ليته
عين اشقر يبرى خوى راعيه

يا هل المواتر جنبو عن دربه
لا تقارنونه .. جعله أمحق نيه

مواصفاته .. كلها تعجبني
الوجه ليه الجامه الخلفيه

طبلون .. شاشه لمس .. سيستم راقي
تلفون .. ماجلان .. مابه زيه

والخارطة تقول ويش انت تبغي
اية !! مكان بالكره الارضيه

ما قلتها اجامل لكن معجب به
والله يبارك به على راعيه

يقولون المحبه .. ويش واقول المحبه طيش
( هيام " ) .. ما يعرفه كثر منهو منه يعاني !!

بدونه .. ما تحس .. انك بوسط العالمين تعيش
وبه تقدر .. تعيش العمر كله وانت متغاني !!

تحس ان فيه حد يهتم .. تحس انك تطير بريش
كلام صدق من واقع .. مهوب فلان وفلاني !!

فتنتيني .. يا بنت الناس وقليبي تعلق فيش
وانا توي صغير " خايف لا يحب ويعاني

دخليش غطي عيون " هدايبها سرايا جيش
تراى ان مت من عينش .. اثامش وانتي الجاني

ابد حطيني في عينش وداريني وانا اداريش
واحطش بين .. مرباط الوريد وبين شرياني

ما انا اتكلم ولا اعذرب .. واقدر لهجتش واغليش
لو ان حكاش لي كله !! ( اكو شمسه ) و ( انا كاني )

لكن لا وصلت الدعوى .. على ايش وما ادري ايش
انا اقول انتفاهم .. حتى يفهم كلنا .. الثاني !!

تقولين انت تنطق ( اش ) .. وأقول وزعلتي ليش !!
أنا مري .. والى سولفت هذي هرجة لساني

كذا يعجبش يا مرحب .. مهو يعجبش .. وش لي فيش
ترى عيب " علي .. اني اجنب سلم جداني

إلى ابطيتي علي .. أسال وأقول اشتقت لش وابغيش
واقول حكاي من جدي .. ما انا اتصنع ولا داني

اقلد حكي .. ما هو لي .. لا والله ما اقلد .. ليش !!
وانا افخر في .. خوالي كلهم .. وافخر بعماني

إذا غيري يغير لهجته !! عفوا " .. انا يا اخيش !!
اموت ولا اغير لهجتي .. دام الله احياني

يا بايع الرفقه تعلمك الايام !!!
قدري .. بدون اجيك واعلمك به

ان قاله الله لا اترك عيوني تنام
وأحد عن درب السهر واتركك به

جروحك .. اللي مهمله قدلها عام
زادت على القلب الذي مسكنك به

تبغيني ارجع لك .. موافق !! اذا قام
يرجع لك الماء لا انتثر عقب سكبه

الله يقطع بيننا وصل الارحام !
دام الثقه في اقرب الناس نكبه

تبيعني .. وانا اللي اعدك حزام !!!
غصيت بك يا ماي ويش ابلعك به

يا ليت حبك دمع .. وابكي له الليل
وانساه قبل انام .. وانام واصحى

واصحى .. وانا ناسي جميع التفاصيل
من شوق ومعاتب وضحكا" ومزحا

سحابة همومي بصدري لها سيل
خلت ضلوعي مثل وديان رفحا

ما امداك تنساني وانا شاعر الجيل
ياللي على صوتي شفوق وتوحا

باسامر جروحي واجر المواويل !!
واشل عن درب المحبين سمحا

بعض المشاعر صدق ماهيب تمثيل
وانا باغنى لك من الصدق فصحى

(لله درك !! لا تزد حفنة الكيل
حزني يقاتلني على كل فرحا

رفقا " على قلب الفتى ايها ( الأيل )
اني أرى في نجل عينيك .. رمحا !!

يعني كذا !! من دون شرحا " وتطويل
ذبحتني يا جعلك الزين .. ذبحا

عنيد !! واحبك واشوف الغرابيل
لو كنت اجمل وجه .. والطف واسحا

عذروب حبي لك !! .. يخليني اميل
واميل لين القلب عن غيرك .. انحا !!

خذوك !! مدري .. خذتهم .. قالوا !! وقيل
واقول .. ( حكي الناس ما منه ربحا )

خليتني .. يا باهي الطرف .. والويل
مشاعري ما بين ( موتى ) و ( جرحى )

موت الخفوق .. أهون .. ولا موتت الحيل
لا واشقى منهو على الدمع .. اضحى

مشكور .. ما تقصر !! ووفيت بالحيل
مرحا !! على هاللي تسويه .. مرحا !!

عزاك يا قلبي .. بقطع المواصيل
معاك .. من باقي محبيك .. جرحا

الدمع .. بللني .. ولا ابي مناديل
واللي كتبه الوقت .. لابد يمحا !!

ولا عاد تنشد عن دموع الرياجيل
يكفيك ( ابن عدوان ) في حب ( وضحى )