للضيق طير على غصن الوجع ناح
يشكي سنا الشمس ويدور ظلالك


وللعشق قلب يبي مشرط وجراح
تعال وادفن نزيفه في رمالك


ياللي معاك الخساير ترجع ارباح
عود وداو المتيم في(جمالك)


مر السحاب وصدوق البرق ما لاح
وجرد الصحاري تودي للمهالك


وكم عام ياغاليه من عمرنا راح
من يوم غبتي وليل البعد شالك


لولا الحيا كان سد اح(بيبك)باح
مادام فقدك عطش والما وصالك


وان قلت لك عايش وطيب و مرتاح
والوضع سالك وهو ماهو بسالك


لا والله الا عطيب ومثخن اجراح
والروح ماترتضي حي بدالك


وقلب تشربك عشق اشلون يرتاح
ولا عيون يبكيها خيالك


فرقاك سيف يقص ارقاب الافراح
وانا ادري اني عقب فرقاك هالك


تمر التعب بي من عذوق الوجع طاح
ليته نزل في يمينك أوشمالك


ياكان مافي بساتين الحشا ناح
عصفور عشق تغنى وانثنى لك


ياغاليه والغلا موجع وفضاح
وانا فضحني غرامك طاب فالك


حبك جبل ماتهز اجنوبه ارياح
تريحي لايهز الشك بالك


سلمتك القلب مع ضبه ومفتاح
وقلت اسكني في مساحاته لحالك


واذا رحلتي معك خوذيه سواح
معك معك وين ماحطت رحالك


الله على الحب كيف ايجمع ارواح
وانا نبت زرع روحي من زلالك


وكان انت لي يادقاق العود ذباح
سلمتك الروح وافعل مابدالك


&

&

مم راق ا
ل غ الي