والله مالي في هوى الغير راده
ولا حصل حبيت غيرك بدنياي


انت الهناء لي وانت ايضاء السعاده
متى بشوفتك تسعدني وتروي ضماي


ياللي غلاتك فاقت الحد وزياده
الى متى باعيش محروم يمناي


من اللقاء ياماخذ الصد عاده
اتعبتني بالحيل يامزود عناي


ياباخلا بالوصل عطني افاده
تراك غذبتني وش مقصدك ياهواي


اشفق على من صار كوعه وساده
لو مرة واحده ياللي بيدك دواي


كتب لحبك وسط قلبي شهاده
ممزوجة بالوفاء ياسكن في حشاي


ياللي هويتك دون باقي عباده
ياغايتي والامل يافرحتي ياشقاي


انت الدواء ففتح لقلبي عياده
يامن اذا شفت زولك راح مني بلاي


وان كان مالك في طريقي اراده
بترك طريقا فيه يجمعك وياي


احسن من اني اعيش في هم ونكاده
وانك مع الاعداء تسعى لفرقاي


فالمغترب مهما اغترب عن بلاده
ماشاف راحة يوم يارافض القاي


قلبك لغيري ساعيا في وداده
واما انا ياشين حظي وياعزاي


قاسي ودام غارقا في عناده
خيبت فيك الضن خيبت رجواي


ماصار يكفي ومابي لك زياده
ولاترتجي وصلي ماني بلك جاي


خلك مع اللي ماخذ لك قلاده
واما انا برحل وباقول باي باي


يومي مثل ليلي غميقا سواده
ماشفت طلعة نور في يوم بسماي


الكل كل مهتني في رقاده
واما انا زادت همومي وبلواي


برحل وبترك ديرة اهل القراده
مادام لايعنيك حبي ولا رضاي


&


&

مم راق لي ا