تويت
تهاني
د . عدنان جواد الطعمة
هذا العام إتهنه بنجاحك و انسى ماضيه
تعب و احلام !!! كانت ذكرياته و كل لياليه
قمر و نجوم فرحانه ابمودتنه على الإخلاص مبنيه
ثاري الخلق حسدتنا
تريد تموت عشرتنا
بالأوهام رادتنا
خليلي القلب مرتاح بافراحه و أمانيه
* * *
حفنه اسنين : عاشرتك عرفت الشوق و الاهات
نور العين : عرفت اللي يحب اشلون يتلوع بالف حسرات
أعد اسنين : من أجلك و تاني أروع الحفلات
سعادة تضيع تاليها
أحبابك تاذيها
عذالك ترضيها
خليلي القلب مرتاح بافراحه و أمانيه
* * *
إلك تذكار : يا مدلول لعبنا ايام توكيه
صفت أخبار : مره امن الصبح نلعب مره ابليله قمریه
حب او نار : تناجینی بعذب صوتك بالحانه الطبيعيه
تهيم الروح
تهد اصروح
وانت الروح
خليلي القلب مرتاح بافراحه و أمانيه
* * *
شلون انساك؟ وانت الروح ما بيها
يمر طرواك ! أحس احوالي تتغير و سليها
خذني وياك للشاطي و خلي النفس نرويها
سوالف شوق فتانه
سنین العشق عطشانه
خضر عودي و اغصانه
خليلي القلب مرتاح بافراحه و أمانيه
* * *
ما أقدر ! على فرقاك هذا العشق سابیني
بعد أكثر! أشوفك بالحلم و الناس بافراحك تهنيني
يا أسمر ! اجيت مودع الخلان و احبابك تسليني
أريدك تنعم و ترتاح
نقضي العمر بالأفراح
نفدي النفس و الأرواح
خليلي القلب مرتاح بافراحه و أمانيه
* * *
قولي تريد ! أوديلك هدايا الشوق و النيشان
يوم العيد ! صوغه من العمر أهديك وياها صغت تيجان
انه سعيد ! أوديلك قلب قلبي وقدم لك ألف نيشان
قولي شقد بعد أتنه
هذا الوقت فرحتنا
ريت اتدوم عشرتنا
خليلي القلب مرتاح بافراحه او أمانيه
* * *
الصيغة الثانية لقصيدة تهاني باللهجة العراقية
تهاني
د . عدنان جواد الطعمة
هذا العام إتهنه ابنجاحك و انسى ماضيه
تعب و احلام !!! چانت ذكرياته و كل لياليه
كمر و اجرام فرحانه ابمودتنه على الإخلاص مبنية
ثاري الخلك حسدتنا
تريد تموت عشرتنا
بالأوهام رادتنا
خليلي الكلب مرتاح بافراحه و أمانيه
* * *
حفنه اسنين : عاشرتك عرفت الشوك و الاهات
نور العين : عرفت اللي يحب اشلون يتلوع بالف حسرات
أعد اسنين : من أجلك و تاني أروع الحفلات
سعادة تضيع تاليها
أحبابك تاذيها
عذالك ترضيها
خليلي الكلب مرتاح بافراحه و أمانيه
* * *
إلك تذكار : يا مدلول لعبنا ايام تكية
صفت أخبار : مره امن الصبح نلعب مره ابليله كمریة
حب او نار : تناجینی ابعذب صوتك بالحانه الطبيعية
تهيم الروح
تهد اصروح
وانت الروح
خليلي الكلب مرتاح بافراحه و أمانيه
* * *
شلون انساك: وانت الروح ما بيها
يمر طرواك : أحس احوالي تتغير و سليها
خذني وياك : للشاطي و خلي النفس نرويها
سوالف شوك فتانه
سنین العشك ذبلانه
خضر عودي و اغصانه
خليلي الكلب مرتاح بافراحه و أمانيه
* * *
ما أكدر : على فركاك هذا العشك سابیني
بعد أكثر : أشوفك بالحلم و الناس بافراحك تهنيني
يا أسمر : اجيت مودع الخلان و احبابك تسليني
أريدك تنعم و ترتاح
نكضي العمر بالأفراح
نفدي النفس و الأرواح
خليلي الكلب مرتاح بافراحه و أمانيه
* * *
كلي اتريد : أوديلك هدايا الشوك والنيشان
يوم العيد : صوغه امن العمر أهديك وياها صغت تيجان
انه اسعيد : أوديلك كلب كلبي وقدم لك ألف نيشان
كلي اشكد بعد أتنه
هذا الوكت فرحتنه
ريت اتدوم عشرتنه
خليلي الكلب مرتاح بافراحه او امانيه
--------------------
تعليق