البارت الثامن والعشرون والاخير..

الرساله مكتوب فيها "ودي اضمك من كل قلبي وتزيد تضمني حيل لقلبك...
ودي انسى العالم وما أحس إلا ( بقلبك ) تتكلم وتقولي
"وحشتني يابعد قلبي"..
واقولك اووووش تعبت اسمع لسانك بس فيه شيء ودي اسمعه...؟
واقرب واحط راسي قريب من"ضلوعك" واسمع دقات قلبك...
وكل ماقرب لاجل اسمع اوضح ألقى قلبك.."تزيد نبضاته"
ابتسم بلا شعور.. واضم صدرك حيل..
تهزني وتقول قلبي يقولك إرحميه..
اقولك إرحم قلبي الاول...!! وقرب وزيد وضمني.."<<<منقوله

فيصل..انا احبك..اعشقك..امووت فيك..كل يوم يمرر احبك زود..ويتغلغل حبك بقلبي..
فيصل طالعني بنظرات مقدرت افسرها...

فيصل:ابي اسمعها منك..

ساره بحيا:وش هي؟؟
فيصل:اخر كلمه كتبتيها في الرساله..
ساره ادعيت عدم المعرفه:مدري..نسيت..

فيصل بترجي:ساره..طلبتك قوليها..ابي اسمعها..
ساره:.............
اقترب مني ومسك يدي..
فيصل يطالع عيوني وقربني منه:ابي اسمعها منك..قوليها..قوليها ياساره..

زادد نبضات قلبي..
ساره نزلت راسي:احبك..

فيصل شد ع يدي وزاددت انفاسه:قوليها وعينك بعيني..
ساره رفعت راسي وبحيا:احبك..اعشقك..امووت فيك...احبك انت وبس..

وسحبني لحضنته..دفنت راسي بصدره..استنشقت ريحت عطره..سمعت دقات قلبك..كلما تزداد.. شديت عليه اكثرر.. وشد علي وقربني منه اكثر واكثر...

فيصل ونبضات قلبه تزيد:احبك ياساره..احبك..

ساره ابتسمت:انا مو احبك وبس انا اعشقك..امووت بقربك... وشديت عليه اكثر..
فيصل وصدره يرتفع وينزل وانفاسه تلفح ع وجهي:ساره ارحميني..ارحمي قلبي..
ساره:ارحم قلبي بالاول...
وانفاسي اختلطت بانفاسه .. ونزل مستواه لمستواي ..
وهمست في اذانه:احبك..احبك..
فيصل بهمس ذوب قلبي:اعشقك..اعشقك..ياساره..
وشالني..وصعدني الدرج..ورحنا لغرفه النوم... سمعني كل كلام الحب والغرام..وانا قلبي كلما يذوب ويذوب من قربه.. وباسني على خدي..
فيصل بهمس:أهلكتيني.. "وضمني بصدره " اهلكتيني..عذبتيني...قلبي صار ملكك انتي وبس...
ساره بذوبان:قلبي صار ملكك انت بعد..انت ملكي وانا ملكك يابعد كلي...

وكل بوسه يبوسني فيها تحمل كلمات ومعنى اقوى من الثاني...سافرت بعالم ثاني..عالم مليئه بالحب والرومانسيه عالم مافيه إلا انا وهو................................................... .................................................................................................................................. ...................................................................................................................................
وصحيت الصبح الساعه..9:12
التفت وشفت فيصل يمي..بسته بخده..
ساره:صباح الورد ياقلبي..

فيصل فتح عينه وابتسمت:احلى صباح لماشوفك يمي ياغناتي..صباحك سكر ياسكر..
ابتسمت ولفيت اللحاف بجسمي..وجيت بقووم بس فيصل مسكني..
فيصل:على وين؟؟
ساره ابتسمت وبانت فصه اسناني:بروح اخذ شور..
فيصل وهو ماسك يدي:لحالك ؟..
حمر خدودي..
ساره بحيا:أي ..
فيصل بهمس:ليه انتي انانيه..كلا بلحالك..وبس..
ساره يم التوليت وبدلع:كيفي..
فيصل ع طول قام من السرير ودخلت التوليت بسررعه قبل مايمسكني..
فيصل:انا اوريك..
ساره:هاهاهاي "ضحكه الشر" أي معليه..
وخذت لي شور منعش.. وفي الدش..
ساره(مصدق ألي صار امس..هههه..مصدق طلق حصه..مبغينا احين برتاح..)ابتسمت:واخيرا فيصل صار لي انا..انا وبس.. وبعد الحوار طلعت.وماشفته كل العاده...
لبست تنوره جنز ازرق قصير لنصف الفخذ.. وتوب بلاك كاشف من الصدر..وعاري لنصف الظهر..واكسسوارات من ديور وتيفاني.. وصندل عالي بلاك من ديور.. ومكياج ناعم ظل اسود عند نهايه الجفنين وكحل داخل العين ازرق وكثفت من الماسكار الزرقاء وعدسات زرقاء زادت من جمال وسحر عيوني وروج من نيفيا وردي ناعم وغلوس من ريميل زاد من جاذبيه شفتي...وعطرت بعطر قوتشي الجديد..<<ريحته خيال..
وسيحت شعري وفرته ع كتفي
نزلت تحت وشفت فيصل مع قيس يرضعه.. جذبني شكله كان لابس بلوزه بلاك وفيها رسوم عند نهابه البلوره بلون الرمادي نصف كم مشدود من زند وبانت عضلاته..وبنطلون جنز بلاك..ونظاره محدده من الاطار من فوق بس..وساعه رماديه ألي اهديتها له.. صاير كشخه مرره.. جلست يمه..ومرت ريحتي عنده..
فيصل خق من ريحتي..التفت لي..وتنح ع شكلي.. خذت منه قيس..
ساره:شبع ولا..
فيصل في عالم ثاني:...........
حطيت يدي في فم قيس ومصها ساره رفعته:جوعان حبيب الماما..فيصل وين رضاعته؟؟
فيصل:......... هزيت كتفه..
ساره:فيصل وش فيك؟؟
فيصل:هه...نعم وش قلتي؟؟
ساره رفعت حواجبي:ألي ماخذ عقلك يتهنه به.. "وخذت الرضاعه منه"
فيصل:سوري قلبي..بس قعدت افكر بحصه...
ساره بققت عيوني:حصه...مو طلقتها انت..
فيصل يلعب باعصابي:بلا..بس اشتقت لها..شكلي بتزوجها مره ثانيه بقول لصديقي يتزوجها ويطلقها واخذها انا...
<< يمزح , لأنو نوع هالزواج تحليل وهو محرم بالأسلام ..

قمت وخذت قيس
ساره بغيره واضحه:سوها والله ان اذبحك..
فيصل ابتسم:مو ع كيفك..
ساره بقهر:لكان طلقني واخذها...
فيصل ببرود:حلمي..طلاق ماني مطلق..
ساره مشيت يمه:بطلق وغصبن عنك..
فيصل رفع حاجبه:لا حلفي..بتزوجها وماني مطلقك...
نزلت دمعتي من دون محس.. وعطيته ظهري..وصعدت الدرج...وجيت بدخل غرفتي إلا فيصل مسك يدي..
فيصل:ليه كل هالدموع؟؟
ساره بين دموعي:هد يدي فيصل..
فيصل:ساره انا...
قاطعته:انا مو تارسه عينك..هاه..
فيصل:بلا...ب...
قاطعته مره ثانيه:لكان طلقني..طلقني..
فيصل:بس انتي تحبيني..كيف اطلقك..
ساره بصوت باكي:ولاني احبك..طلبت الطلاق..مقدر اشوفك مع وحده ثانيه غيري..
فيصل ابتسم: تغارين علي..
ساره باندفاع:أي اغار عليك..وبقووه بعد..
فيصل ابتسم اكثر:وتحبيني..
ساره:أي احبك..
فيصل باسني في جبيني..
فيصل بنظرات حاده:وانا امووت فيك..احد عنده القمر يطالع بالنجوم..
ساره طالعه بضياع:..............
كمل بشاعريه:اصلا انا مابي حصه..انا ابي ساره بس..ساره ألي ملكت قلبي وعقلي..ألي جننتني بجمالها ودلعها..انتي متربعه بقلبي مافيه مجال لوحده ثانيه...
ساره ببرائه:صدق فيصل..
فيصل اقترب مني:صدق ياروح فيصل انتي... تغارين من ذي
ساره:مو مني..والله اغار عليك حتى من نفسي.. "ومرت رشا وهمست باذنه"اغار عليك حيل يافصيل"وشديت ع الكلمه الاخيره"
فيصل بق عينه:نعم!!! وش قلتي؟؟
ابتعدت عنه ورحت يم رشا وعطيتها قيس
ساره ابتسمت:ألي سمعته..يا....

قاطعني باندفاع:قوليها وشوفي وش بيصير لك؟؟
ساره تخصرت:بعد يهدد...فصيل وفصيل...وفصيل..
رشا:هههه..
فيصل:بعد انا اوريك..ولحقني وركضت بسرعه.. رغم سرعتي إلا انه مسكني...
فيصل:تظنين اني مراح امسكك...
ساره ابتسمت:لا كنت واثقه انك تقدر تمسكني.. "واسندت ظهري للجدار"..
فيصل:وتقولينها بعد بكل بساطه..فصيل هاه..
ساره:لانك تستاهل..جالس تلعب باعصابي..وهذا جزاتك..يافصيل..
فيصل قرصني من كتفي:بعد..
ساره بالم:اح..عورتني..
فيصل بزعل:لاتكلميني..
ساره بجديه:زعلت..
فيصل:ويهمك يعني..
ساره:اكييد..
فيصل عطاني ظهره..مسكت يده ولفيته قبالي..
ساره:فديت الزعلان انا.. ( احتضنته ) ..
فيصل:..........
ساره:وش فيك ياقلبي..
فيصل بعدني عنه:لاتكلميني وبس..
ساره:فيصل زعلت جد..
فيصل بنظرات كلها زعل:اجل امزح وياك.. ومشى ولحقته..
ساره بترجي:فيصل..خلاص مراح اعيدها.. معطاني وجه وكمل مشيته.. ونزل من الدرج وجلس بالصاله..
ساره:فيصل اوعدك اني معيدها مره ثانيه.. ومسك الجهاز وغير في التلفزيون..وقفت يم الشاشه التلفزيون..
ساره:فيصل..رد علي..
فيصل بهدوء:أبعدي عن التلفزيون..
وتميت وافقه حول دقيقه ولا قال لي وخري ولا شيء..
ساره اقتربت منه:فصولي..فصوولي.. اسفه..اوعدك مراح اقول لك..
ولا عطاني وجه وعلا ع صوت التلفزيون
ساره بترجي:فيصل..والله مراح اعيدها..اوعدك..
ومره ثانيه معبرني..كان اجلس قربه زود وانا مقابلته حطيت يدي حول عنقه..
ساره بهمس:قلت اسفه..
فيصل:وانا مراح اسامحك لو تبكين دم..
ساره شهقت:حتى لو ابكي دم منت مسامحني..
فيصل من دون ميطالعني:بضبط..واحين تقدرين تقومين ..
ساره بعناد:مابي اقوم..انا كذا مرتاحه..
فيصل غير المحطه:.............
وانا اترجاه وهو ولا معبرني...
ساره قمت :كل ذه عشان قلت لك فصيل..
فيصل:............ نزلت لمستواه..
ساره مسكت يده:فيصل انا اسفه..يلا عاد انا حلفت احين..مراح اعيدها يلا كلمني...
فيصل:.............
ساره:ان مكلمتني بضرب عن الطعام..
فيصل حط يده ع خده وبدون اهتمام:ان ماكلتي وفرتي..
ساره بقهر:بعد..ماشي..وصعدت الدرج..
فيصل(احبها..امووت فيها..اه بتذبحني بحركاتها)ابتسم:............
ورحت لغرفتي وطلبت من رشا تجيب العيال.. ساره مسكت خلودي:ليه تبكي ماما.. وشفته كان موصخ ولا"اكرمكم الله"
ساره:خلاص ماما احين بنظفك.. وغيرت حفاضته.. ورضعته..ورضعت قيس ويزن... وغفيت من الهدوء ورن جوالي.. ساره رديت وبهمس:هلا يمه..
ام فيصل:هلا ساره..ليكون وقضتك من النوم..
ساره:لا يمه..اصلن انا بقوم عشان اصلي الظهر بعد..
ام فيصل:زين..حبيت اكد عليك ان اليوم هو الحفله..
ساره:انا اول الحضور..
ام فيصل:باذن الله..مابيك تتأخرين عاد..
ساره ابتسمت:ابشري يمه..
ام فيصل:يلا مع السلامه..


يتبع...

وسكرت منها ورحت توضيت وصليت وقريت قران زي كل يوم..ودق باب الغرفه..
ساره بهمس:اكيد ذه فيصل..ادخل..
رشا فتحت الباب:ست ساره مابدك تتغدي..
ساره بخيبه امل:هذا انتي يارشا..
رشا ابتسمت:ايوا..بدك تاكلي..
ساره مديت بوزي:لا مابي..
وطلعت رشا..ونزلت تحت.. فيصل تلفت وبهمس:جات..
رشا:لا..بتئول مابدها..
فيصل:تكفين رشا حلفي عليها انها تاكل..
رشا ابتسمت:وليه ماتحلف عليها انتا..
فيصل بهمس:نسيتي انا احين زعلان..
رشا:ههههههه..
فيصل:يلا رشا روحي لها فوق..مقدر اتغداء وهي مو معي..
رشا:يعني مشان هيك بدك احلف عليها..
فيصل باندفاع:لاوالله..بس انا خايف عليها..اخاف يصير فيها شيء..هي مافطرت.."وهو يفكر يبي يقول شيء يقنع فيه رشا"أي صح..ذيك المره اغماء عليها لانها مكلت شيء...
رشا بخوف:بتحكي عن جد..
فيصل:أي والله...وش فيك يارشا قمتي تخرينها صار قدامك لما اغمى عليها...
وراحت رشا فوق بسرعه..
فيصل انبسط..فيصل(ذاك اليوم يوم اغماء عليها كان بيصير لي شيء لسمح الله..) وبعد 5دقايق نزلت وجلست في الطاوله..
فيصل ابتسم ع خفيف وحب يقهرني:سمعت انك مسويه اضراب عن الطعام..
ساره:حلفت علي رشا اني...
قاطعني:خوش عذر..ليه متقولين انك متقدرين تصبرين دقيقه وحده من دون متاكلين..
ساره بقهر:نعم.."ورميت الشوكه فالصحن"اجل والله ماني ماكله..للعصر..
فيصل:بس ع بالي شهر..والله كلفتي ع نفسك..
ساره بقهر:اجل والله.. وسد فيصل فمي.. فيصل:اوووش...لاتحلفين..ويلا تعالي اجلسي يمي واكليني.. ساره قمت:عفوا ماسمعت..اظن ان عندك يدين ت.....
قاطعني وسحبني يمه:يلا جوعان.."وفتح فمه"اه..
سارة باصرار:انا ابي اعررف بس انت ليه تبيني اكلك..
فيصل بحبور:احس انك تلقميني بحب..
ساره ابتسمت:.......
فيصل رفع حاجبه:ليه تبتسمين؟؟
ساره اقتربت منه:تذكرت ايام فرنسا..
فيصل كشر بوجها:لا تذكريني فيها..
ساره:وليه والله اجمل ايام حياتي يوم كنت بفرنسا..
فيصل استغرب:اجمل ايام حياتك!!
ساره:أي وليه مستغرب؟؟
فيصل:توقعتها اسوا ايام حياتك...تدرين لاني طينت عيشتك..واهنتك وضربتك.."تنهد"الله لايرد هالايام...انا اسف لاني...
قاطعته وحطيت يدي في خده:انا لما اكون معك انسى كل شيء حتى نفسي..احس اني في جنه...صحيح كنت تقسى علي بس عسل على قلبي..
فيصل:ساره سامحيني..
ساره بسته على خده:مسموح ياروح ساره انت...
فيصل:..................
كملت:مابيك تقول زي هل الكلام..انسى.."ومديت يدي له."قول اه..
فيصل فتح فمه..
ودقايق..جات رشا..رشا ماسكه جوالي:جوالك عم يرن من مده طويله..
ساره خذت جوالي ورديت:هلا سلطان..
فيصل:........
ساره:اشتقت لك موووت ياقلب ساره انت...
فيصل خذ جوالي وسكر السماعه..
ساره:ليه سكرت السماعة ؟؟
فيصل بغيره:احين وقت اكل...وبعدين انتي إلى الان تكلمينه..
ساره استغربت:اكيد لبكره..ليه انت تتضايق لكلمته وكلمني..
فيصل باندفاع:اكييد..انا مو اتضايق انا اغار بعد..لاتكلمينه..
ساره ابتسمت:فيصل إلى الان انت معرفت من يكون سلطان؟؟
فيصل:ولا ابي اعرف بعد..بس لاتدقين عليه والله اغار...وتدرين انتي وش تسوي غيرتي..
ساره:فديتك..وفديت غيرتك..
فيصل مسك يدي:ساره لاتكلمينه..ابيك توعديني..
ساره:اوكي..
فيصل:قولي وعد..يلا ابي اسمعها منك..
ساره ابتسمت:ماشي..
فيصل بقهر:يعني بتكلمينه..
ساره استغربت:انا قلت كذا..
فيصل:أي هذا ردك..
ساره غيرت الموضوع:فيصل ابيك توديني المشغل بعد اذان العصر...
فيصل:وليه؟؟
ساره:انت ناسي ان اليوم الحفله..
فيصل:مانسيت بس وش تبين تسوين بالمشغل...
ساره:ابي اسوي منكير وبدكير واكيد مشان يحطون لي ميك اب..ويقصون شعر و....
قاطعني:قص حلمي فيها...
ساره بخيبه امل:لا فيصل..ابي اقص شعري والله تعبت منه.."وقفت"شوف لوين طوله... احس انه يبجي عند ركبتي.. فيصل مسك شعري:انا احبه كذا...
ساره بترجي:فيصل ابي اقصه..شعري ملعوزني بكل شيء..لجيت اجلس لازم احطه قدام..مشان مجلس عليه..ولا لجيت استحم اووف منه..يلعوز..يلا فيصل ابي اقص شعري..بس لهنا"وانا اشر لاخر ظهري"
فيصل شهق:بل..واجد..مافيه قصيه ع طوله..
ساره:اجل ماكدينا ع شيء..
فيصل:كيفك..بس انك تقصينه لهنا حلمي فيها..
ساره بعناد:لا بقصه..انا بس حبيت اعطيك خبر..وبعدين ذه شعري وانا حره فيه...
فيصل:لا منتي حره فيه..ولاتعاندين لتخليني احلف عليك انك متقصينه طول عمرك..
ساره بدون اهتمام:احلف ع كيفك بس انا بقصه...
وقمت من الطاوله وقام فيصل وراي..
فيصل:يعني السالفه سالفه عناد..هاه...
ساره بدلع:سمها زي ماتحب..
فيصل:يعني بتقصين شعرك..
ساره التفت له:لا مراح اقصه وانت مو راضي..
فيصل اقترب مني وابتسم:صدق..
ساره:أي صدق..لو بقصه بقصه برضاك..
فيصل:كفوا والله هذا الزوجه السنعه ألي تسمع كلام زوجها..
ساره ابتسمت:فديتك..اجل توديني احين..
فيصل:اوك..بس لاتنسين تاكلين العصر..
ساره:من عيوني..
فيصل بهمس مسموع:طبعا لكان الموضوع فيه اكل..فاكيد بيكون من عيونك..
ساره بضحكه:نعم !!وش قلت ؟؟
فيصل بعباطه:هه..ولا شيء ياقلبي..روحي لبسي عباتك..
ورحت لبست عباتي..
فيصل يتفحصني بنظره:بتروحين كذا..
ساره:أي وش فيها..مراح افسخ عباتي..
فيصل:أي ع بالي بعد..
ودخلت في الكيسه فستاني وصندالي واكسسواراتي.. وركبت السياره..ووصلت للمشغل.. وشفت غاده هونيك..سلمت عليها..
ساره:سوري تاخرت...
غاده:عادي..
ساره:وين ليونه؟؟ غاده ابتسمت:عند ابوها..
وجلسنا نسولف مع بعض..
وحطينا قناع في وجهنا.. وقصيت شعري كوكتيل لنصف اردافي..مشان ميزعل واجد..هو بيزعل وبيعصب بعد بس بيرئف لاني مقصيت من شعري واجد..وحطوا لي مكياج في قمه من الجمال والروعه..ظل ناعم وروج احمر جذاب.. وحطوا لي مناكير احمر كرزي نفس لون فستاني..وعملوا لي تسريحه شانيل.. لبست فستاني بلون الاحمر الكرزي ماسك ع جسمي ويزينه من الصدر رسمه ناعمه بالاماس المميز..توب بدون حمالات
يكشف عن نصف ساقي ليميز صندالي الاحمر الفريد وطلبت منهم يرسمون في ساقي فراشات ناعم باللون الاسود.. اما غاده لبست فستان اسود ناعم كاشف من الصدر وعاري لنصف الظهر وتزين الفستان قماش من الدانتيل والساتان..وصبغت شعرها كابتشينوا وقصته ع طوله.. ومكياج ناعم مره..صايره تحفه...
غادة غمرت:مراح يخليك اليوم فيصل..
ساره بحيا:وانتي بعد فهد مراح يسيبك ولا دقيقه..
غاده:لابس انتي اكثر..فيصل يمووت بالاحمر..
ساره ابتسمت:فديته..انتي يلا لبسي بيجي فيصل احين..
غاده:أي والله نسيت..ودقايق إلا جاء فيصل وركبنا السياره ووصلنا لصاله... ودخلت الصاله مع غاده.. والكل عيونهم علينا..وكل العاده عمتي ام فيصل معرفتني..هههه بس هل المره معملت لها مقلب ولا زهقتها.. وجات وحده معرفها مسكت يدي:ساره ابيك شوي؟؟ ساره استغربت منها:نعم..
البنت:ابيك شوي.. ودخلنا للغرفه ألي جنب الصاله..
ساره:تكلمي..
البنت جلستني بالكنب:اجلسي..دقيقه وجايه..
ساره"ايشبها ذي" مسكتها من يدها:من انتي؟؟
البنت:دقيقه وجايه وطلعت..وقفلت الباب علي..
ساره بخوف:ليه قفلت؟؟
وخلتني في حاله قلق لمده ثلاث دقايق..وانفتح الباب..وانا في قمه من الخوف والتوتر..ودخل علي رجال متلثم..وقفت بخوف.. اقترب مني ومسك يدي..
ساره شلت يدي منه بقوه:......من انت؟؟
بصوت ضخم:ههههه..صايره قمر ياشيماء...
ساره:انا مو شيماء واطلع برا ل......
قاطعني:اجل من انتي؟؟
ساره:مالك دخل..اطلع برا..
اقترب مني اكثر:انتي اكيد ملاك ولا قمر..
جيت بطلع بس هو مسكني وألصق ظهري بالجدار ومنعني من الحركة ..
ساره بصراخ:انت اكييد..مجنون..
وهو يتامل ملامحي بنظرات حاده..
سارة وانا اقاومه:وخررر..هد يدي..
رفعت عيوني وشفت عيونه..عيونه ذباحه...كنها..عيون...عيون............
ساره بضياع:عيونك..انت فيصل صح؟؟
:.......................
كملت وبثقه:إلا انت فيصل..انا متاكده..
ونزلت يدي..مديت يدي وفتحت لثمته..
ساره:ليه متلثم يعني تبي تخوفني صح؟؟
فيصل ابتسم:صايره قمر..تصدقين اني معرفتك..إلا يوم قالت لي غاده انك ف الغرفه لحالك.. ساره"يعني كل موامره تحصل غاده لازم فيها يد بالموضوع" رفعت حواجبي:ليه قبل انا كخه..
فيصل:هههههه..كخه عاد..
ساره:ادري عنك..
فيصل بهمس اربكني:ماني سايبك اليوم..
ساره قلب وجهي مليون لون:نعم...
فيصل:ياقلبي انتي..بندخل سنتين وانتي لسه تستحين..
ساره:مو مني يافيصل..
فيصل:انا وش ألي مدوخني غير حياك..
ساره:ههههههه..
فيصل:اه ياقلبي البنت ذي بتذبحني بحلاها..
ساره:..............
كمل:إلا انتي كيف عرفتيني ياساحره؟؟
ساره:من عيونك..
فيصل استغرب:عيوني..ليه انتي حافظه عيوني بعد..
ساره ابتسمت:اكييد..تصدق اول ماشفتك ذبت بعيونك..
فيصل بابتسامه:لهدرجه عيوني حلوه..
ساره:إلا مووت..اول يوم شفت عيونك مقدرت اشيلها من عقلي..قلت في نفسي ليه افكر بشيء هو مو لي..
فيصل حوطني من خصري:بس انا احين لك..لك انتي وبس..
ساره ابتسمت وبدلع:ادري..انك انت لي..لي انا وبس..
فيصل باس جبيني:احبك..احبك..
ساره بحيا:وانا كمان..
واقترب مني اكثر ..إلا بدخله غاده..غاده:سووري..
ابتعدت من فيصل ووجهي صاير احمر حيل..
فيصل بقهرر:انت وش جيبك هنا..
غاده:ههههه..امي تبي سارة..
فيصل مسك يدي:قولي لها اسف..
غاده:انت معها طول اليوم دقيقه ولا دقيقتين مراح تاثر..
فيصل:لا من قال لك متاثر.."وبمكر"ذي الدقيقه اقدر اسوي ألي ابيه..
دوروني متلقوني من الحيا...ساره بحيا:فيصل..
فيصل حط يده ع قلبه:اه ياقلبي بمووت انا من حياها..
غاده:ههههه..خل رومانسيتك بعدين..يلا ساره..
ساره شد فيصل ع يدي:فيصل..هد يدي..
فيصل:مابي..


يتبع...

غاده مسكت يدي الثانيه:انالله...يلا ساره خلينا نروح..
وفيصل بالمووت هد يدي..
ساره يم الباب:فيصل انا قصيت شعري لين كتفي..
فيصل بق عينه:لوين؟؟
ساره ببرائه:وش اسوي...هي قصت شعري زياده بالغلط...
فيصل جاء بيمسكني بس فليت منه ودخلت الصاله.. وجوالي موفق من الرن.. ورديت عليه..
ساره بدلع:هلا قلبي..
فيصل:تتكلمين من جد..
ساره:اكييد..صدقني مو مني...
فيصل بحده:يعني صدق قصتيه لين كتفك..هاه..
ساره ابتسمت:قلبي اكلمك بعدين...صوت الأغنيه عم يعلى..
فيصل:مالي شغل..طلعي وكلميني..
ساره:مع السلامه حبي..
وسكرت السماعه... وتم يدق.. وبالمووت رديت ساره:هلا..
فيصل:وليه ماتردين ياهانم..
ساره بكذب:مكنت يم الجوال..امر..
فيصل:يلا بنروح..طلعي احين..
ساره:كييف؟؟بس....
قاطعني: لا تتاخرين..يلا مع السلامه..
وسكر السماعه في وجهي..
ساره:ذه اكيد استخف.. وخبرت عمتي اني بطلع رفضت بالبدايه بس يوم قلت لها ان فيصل تعبان سمحت لي اني اطلع , ولبست عباتي وركبت في السياره...
ساره:ا......
قاطعني بحده:نتكلم بالبيت مو هنا...
ساره:.............
وسكت ولا تكلمت لين ماوصلنا البيت..نزلت من السياره.. ورحت لغرفتي..ولحقني لغرفتي..وشفت رشا وستيفني مع العيال.. فيصل بحده:رشا ممكن تشيلين العيال و....
قاطعته رشا:المعذره اصلن انا بطلع وشالت العيال مع ستيفني..
فيصل سكر الباب:انتي باي حق تقصين شعرك هاه...
ساره:...............
كمل:مو انتي قلتي انك مراح تقصين شعرك إلا لما انا ارضى عليك..وين كلامك راح خلاص..
ساره:فيصل..لاتعصب ذه شعر عادي بيطول..
فيصل:لا حلفي..وبعدين المسأله مو مساله شعري ولا قص المساله هي مساله......
قاطعه:مساله شوو.."واقتربت منه حيل"
فيصل بتوتر:المساله مساله.......
ساره:أي اسمعك......وشفيك سكت...
فيصل(ذي البنت تعرف كيف تسكتني..وتخليني بعالم ثاني من حلاها):................
ابتعدت عنه وجلست فالتسريحه..
سارة وانا افتح رف التسريحه:فيصل ياقلبي انت...ذه شعر مايستحق انك تعصب ولاتزعل..ياروحي..
فيصل جلس بالكنب:نعم...
فتحت شعري لينساب ع جسمي.. اقتربت منه..
فيصل شهق:ياكذابه..تقولين قصتيه لين كتفك هاه..
ساره بدلع:حبيت ألعوزك شوي..وبعدين ذي مو كذبه..
فيصل:ياسلام اجل وش يسمى..
ساره:كذبه بيضاء..
فيصل أقترب مني:الكذب كذب مافيه لا بيضاء ولا سوداء...
ساره بهمس:فيصل...
فيصل بهمس اذاب قلبي:عيونه وروحه...
ساره التفت له:ابي اقول لك شيء؟؟
فيصل:متقدرين تاجلينه لبعدين..وباس يدي..
ساره:لا ما أقدر الموضوع مايتحمل أي تأجيل...
فيصل:اسمع..
سارة وانا ألعب باكمام ثوبه:هو الموضوع يتحدث عن سلطان..
فيصل تنهد:وش فيه؟؟
ساره:سلطان هي خويتي..اقصد..ان سلطان مو رجال هو بنت...
فيصل:؟؟؟؟
ساره:احنا يوم كنا في المدرسه...يعني نسوي انفسنا رجال وكل وحده من الشله تسمي نفسها اسم وخويتي سمت نفسها سلطان...وبس..
فيصل بضياع:مصدق...
ساره:والله مكذب عليك..حاولت اوضح لك بس انت معطيتني فرصه..فيصل والله مكذبت عليك...
فيصل:لا..موقصدي اني مو مصدقك.."بابتسامه"يعني سلطان هي خويتك..يعني مو رجال...
ساره ابتسمت:بضبط...
فيصل ضمني :وانا قاعد افكر...وغيرتي ذبحتني من خويتك...انا ذابحها ذابحها...
ساره:ههههه..لا احين غيرت اسمها...
فيصل:بعد..
ساره:أي..من سلطان لماجد..على اسم زوجها..
فيصل بهمس:وانتي قبل وش كان اسمك..
ساره:جعفر..
فيصل:ههههههه...جعفر عاد..
ساره:ههههه..خوياتي مسميني كذا لاني انا مسميتهم اسامي بشعه خلها ع ربك..وحده تمام ووحده خفريني هههههه
فيصل:ههههه..مو مصدق ياقلبي اخيرا ارتحت...

ساره:فديتك..انا..
فيصل دخل اصابع باصابعي وبهمس:فستانك حلو عليك مرره..
ساره:أي..قال لي ستيفن..
فيصل بق عينه:ستيفن..ليه انتي لبستيه قبل؟؟
ساره:لا..بس هو ألي جابه لي وطلب مني ألبسه في عيد ميلاده و.....
قاطعني والغيره واضحه عليه بالمرره:نعم...صدق انه....
قاطعته:فيصل..لاتدعي عليه..
فيصل بغيره:ليه خايفه عليه بعد...
ساره بابتسامه:لا..فيصل انت تغار....
قاطعني :أي اغار..وبمووت من الغيره بعد..
ساره بسته ع خده:احبك..امووت فيك..."ولميته بصدري بقووه"كل نبض بقلبي تنبض باسمك...اسمك انت وبس..اعشقك..اه ياقلبي..احبك..احبك..احبك..احبك مليوون مرره...
فيصل بحب:انا بعد اموووت فيك..لميني بقووه ياساره ابي احس فيك..لميني بصدرك..خليني احس بحنانك بوجودك...
ونمت الليل كله...بصدر حبيبي...وع صوته..



مرت ثلاث سنين وانا مبسوطه مع حبي وروحي فصولي..ولله الحمد..ولدت ببنتين زي القمر طبعا مو توائم..هههه يعني خذت سنه وحملت بالثانيه..
والاء كمان حملت بثاني وجابت ولد..وهي مبسوطه مع ماجد..وكل ماكلمها تقول لي نكته من نكت ماجد ههههه...

وغاده وفهد ألي من بديت بروايتي وهم زي الكتاكيت اسم الله عليهم واكيد هم إلى الان مبسوطين ببعض ولله الحمد..
حنان وعفراء تزوجوا..وهم حمل بعد... عفراء كونت اسره سعيده عكس اختها ساره ألي دمرت نفسها باحلامها وطموحها الغبيه وانانيتها الزايد..وكانت تفكر بمكيده لي بس الله قلبها عليها تزوجت من واحد سكران طين عيشتها ودمر حياتها ومستقبلها..
اما بنسبه لحصه واخوها..حصه تغيرت كثير وألي سمعته من ام فيصل انها احين تغيرت وصارت احسن من اول بكثيرر مايمر عليها شهر إلا وهي خاتمه القران الله يثبتها..وطبعا فيصل تنازل على القضيه..
وبنسبه لرغد واسماء كملوا دراستهم ودخلوا الجامعه...اما نواف كملت دراسته بالفرنسا..

سارة وانا شايله بنتي:حبيبه قلبي رتانيا..روررور..
فيصل:حبيبتي خاطري ببنت ثالثه..
ساره التفت:نعم!!!
فيصل اقترب مني:ابي تجيبين جنى و يارا و.....
قاطعته:بل كل ذول..يعني مايكفيك راتانيا و لجين..
فيصل:بلا..بس انا ابي عيال واجد..
ساره:فيصل والله ماني ملحقه عليهم..
فيصل:وانا وين رحت انا ألحقهم معك..
ساره وقفت:مابي احمل مره ثانيه يكفي ذول الخمس..
فيصل:طيب عادي اتزوج وحده ثانيه عشان تساعدك فالحمل و.........
ساره بعصبيه:نعم ماسمعت..تزوج وشوف وش راح يصير لك والله لذبحك انت وياها...
فيصل باس جبيني:فديتك..اجل شدي حيلك وحملي...ذي السنه ماحملتي هذا جزاي اني مخليك فتره نقاها لسنه كامله...
ساره:لامابي احمل فيصل..تكفى...
فيصل ضمني بصدره:لابتحملين ثالثه واربعه وخامسه..لين مقول بس..
ساره:ومتى راح تقول بس ان شاء الله...
فيصل:يعني على متجبين حمدان ويارا وجنى ورنيم وروز و....
ساره:بس جاني راسي..حشى كل ذول..انا بجيبهم..
فيصل:اجل..وفيه زود بعد..بس انتي قاطعتنيني..
ساره:انا لازم احط لولب..عشان محمل..
فيصل:وش هو لولب بعد ذه..
ساره:يعني يخليني ماحمل إذا كنت حاطته..
فيصل:والله متحطينه...
ساره:اجل باكل حبوب منع الحمل..
فيصل:حتى ذه..مافيه..انا ابيك تجيبن وغصبن عنك..رشا يارشا..
رشا:نعم..<<رشا جاهزه على طول ههههههه
فيصل خذ رتانيا مني:اخذيها وحطي بالك ع العيال...
ساره:وش بتسوي؟؟
فيصل مسك يدي:بنروح لغرفه النوم..
ساره:نعم!!"هديت يده"مافيه..
فيصل:غصبن عنك..
ركضت ولحقني وكل العاده مسكني..وسحبني للغرفه..
ساره بترجي:فيصل تكفى..مابي احمل خلاص يكفينا خالد وقيس ويزن ورتانيا ولجين..بس والله واجد..
فيصل:انا ابي عشرين.. < يمزح
ساره شهقت:عشرين!!!
فيصل:يلا عشانك بخليه 13 بس...
ساره:بعد بس...فيصل والله تعبت من الحمل..ارحمني...
فيصل:.............
كملت مسكت يده:تكفى فيصل..مابي احمل خلاص..تكفى تهز عربان..
فيصل:بس مهزتني..
سارة وانا انط:يلا فيصل...
فيصل حضني بقووه:اصلن امزح وياك..
ساره ابتسمت:صدق..
فيصل:صدق ياقلبي انتي..
ساره حضنته بقووه:احبك...
فيصل:وانا بعد احبك..
وجيت بروح بس فيصل مسكني..
فيصل:انا قلت مافيه حمل بس ماقلت مافيه....."وغمز لي"
ساره بحيا:بس
فيصل:ان عارضتي بحلف انك تجيبين 13 زياده...
ساره باندفاع:لا...خلاص"ورفعت يدي وسويت تحيه العسكريه"
فيصل ابتسم وبصرامه:يلا امشي قدامي..
ولمني بقووه لصدره..و.....................................
....................................................................................


ريم ونبدر كملو حياتهم بحب وهو منتظرين مولودهم الثاني...

واخيرا نفذت رغبه اخي حمد وزوجته وحده قمر....وهي حامل احين..


أما بنسبه بنسبه لاخوي عبدالله قال مايبي يتزوج احين..وناوي يقضي وقت طويل مع العزوبيه..هههههه..

وبنسبه لشمس سمعت انها عملت حادث مما ادى إلى اعاقتها بشكل تام..<<بسم الله عليكم...

وداد ومنصور..الله عليكم بس..عايشين بسلام وحب وموده..واتمنى انكم تستفيدون منها..من تغيرها التام..وتركها للغرور والتكبرر..يازين التواضع والبساطه بس..

وجاسم دخل السجن لمده 3سنين بسبب تراكم الديون عليه..وبعد خروجه من السجن صارر شخص ثاني تماما..والكل يشهد بذلك..الله يثبته على كذا..


اما انا وفيصل وخلودي وقيس ويزن ولجين ورتانيا الحمدلله مبسوطين.. وفيصل جالس يزن علي يبيني احمل بالسادس...قال يمزح قال...امحق<<هههههه


وبكذا انهيت روايتي الاولى واتمنى انها نالت اعجابكم ورضاكم..
روايه " غصبن عني حبيتها " للكاتبة ساندرا

كلمه اخيرره احب القيها...

لم اكن رائعة او مبدعه مثلما تقولون
لولا الله ثم لولاكم...


في الواقع
انا لست مبدعه كثيرر
لطالما تمنيت ان اصبح مثل
الكاتبه المبدعه انفاس قطرر
او الجوري
او...او...او....
لكن من يعلم
قد اكون مثلهم في يوم من الايام



اود انا اشكرر كل من تابعني
حتى من وراى الكواليس..



انثى من الخيال

بنت ابوها

Nåjòólā

رؤحي تحب

أم سند"هناء"

SOoΚaRh

فرح مكة

سراب$

أمسحك بجرة قلم


*مزون شمر*

نسيت انساك

ساحبه على الدراسه



....................................
الله يعطيكم الف الف عافية ع تواصلكم الدائم..
دمت بحفظ الرحمن..

تسلمووون لي ياررب...

اسعدني انها اعجبتكم..

الله يسعدك...