ما شكيت هم ولا حزن كنت اخفيه
وما انطقت به عيوني ولا شفاتي تقوله

لين حزنك خط على العين قوافيه
ولسانك صار تعبير يقوله

والله لا شفتك حزني في قلبي اعانيه
ويبقى حبك في صدري اصونه

عرفت ان الحب عذاب من كثر بلواي فيه
ولحظة الفرقى مابعدها شي يطوله

اذا افترقنا بقى قلبي لم قلبك يواسيه
واعيش انا حياتي خالي بدونه

دام انك راضيه بالقسمه وتواليه
اصبري صبر الحب واعزفي شجونه

امسحي نهر الدم عن خدك ولاتوريني مجاريه
ترى دمع الحب مابه شي يهونه

دام اني اقول انتي اجمل البشر واعنيه
ومن الحيا تهمسين ذا حكي تقوله

ابضحي بكل شي عندي غاليه
وبجمع لك كم من الورد مقدر اقوله

عهد علي لاجمع لك اجمل ورد واسقيه
واقطف زهور الحب من كل غصن اطوله

وضميان الحب في قلبي من كاس الغرام بسقيه
وبفرش له الارض حنان من اقصاه الى طوله

والله اذا سمعت اسمك او جا على البال طاريه
طار قلبي من الفرحه وتصير العين مبلوله

والله لاني بشاعر ولا اعرف من الشعر قوافيه
ولا احسب اني وفيت بحقك من كثر ما اقوله



اتمنى ان تنال على إعجابكم ..

مع تحياتي ..