تويت
رد: روآيه , بسمه من شفاتك تموتني وتحييني , !
مشكوره غصوبه..
البارتات روعه وراح انتظرك ,
مشكوره غصوبه..
البارتات روعه وراح انتظرك ,
-
-
رد: روآيه , بسمه من شفاتك تموتني وتحييني , !
غلاتي
اعتذر منك الاجزاء اللي نزلتي بتاريخ 18 / 3 انحذفات بروحها لان كان بالمنتدى مشكله
ياليت ترجعين تنزلينها مره ثانيه
ولك شكريالتعديل الأخير تم بواسطة *مزون شمر*; 20-03-2011, 01:57 AM.تعليق
-
رد: روآيه , بسمه من شفاتك تموتني وتحييني , !
الحلقه السابعه ..
طالعتهم كلهم تفاجئو وتيمعو حولي والدكاتره يو مستانين والكل تحمد لي بالسلامه
ليت كل ها حلم ليته حلم بس للأسف حقيقه نعم حقيقه
بعد ما طلعو الدكاتره بدو زواري يزيدون .. الكل سلم علي حتى عيال عمي وعمتي
عموتي : ها نواري شخبارج
ما رديت
عمتي يت تقربت مني وعمي بعد عمي ياه وضمني له
قلت وأنا دموعي تهل : أباه أباه ما اقدر اعيش بدونه لحظه
عمي : بنتي ها يومه ومكتوب له
نوره : لو بابا قايل لنا عن مرضه جان ما صار اللي صار ..
عمي : ادعي له بالرحمه يا بنتي ها كان يومه لو وين ما يكون بييه الموت والموت حق كلنا بنموت في يوم من الأيام
قلت وأنا اصيح بمراره : بس أنا متى أموت متى اروح ويا ماما وبابا متى ..؟
حسيت ب حد ياه صوبي وحضنني : وأنا بعد بموت وياج ما بعيش اذا متتي مابا
شفت صوب عموري صحت زياده وقربته مني وحضنته بأقوى ما عندي
قلت له وأنا أصيح : بعيد الشر عنك حبيبي
حسيت كل اللي حولنا يصيحون ويانا حتى الحجر اللي ما يتحرك بكى على حالنا ،، بس محد فيهم تجرأ يكلمني
بديت أصيح اكثر وأكثر عمي هداني وعمتي والبنات بعد بس أنا مستحيل أهدا مستحيل كيف يبوني أهدا وأنا ما صارلي غير كم من يوم مفارقه أغلى شخص ف حياتي من فتحت عيوني ب هالدنيا ما شفت غيره ..
طلعو وايد منهم ما بقى غير عمتي أم حمد وتمت تقرا عليه
لما حسيت روحي مرتاحه ونمت
صحيت على صوت الممرضه وهي تدز طاولة الريوق قمت رحت تغسلت وصليت صار لي كم يوم مب مصليه ناسيه كل شي لكن الا ربي مفروض ما انساه
صليت وشفت عالطاوله اللي يمبي قران قريت قران بديت اصيح بمراره كلما أقرا اصيح أكثر وأكثر..
حسيت باب الحجره يتبطل ودشت عمتي يت صوبي وباستني على راسي
أول ما شفتها حضنتها وصحت
عمتي أم حمد : بسج نواري حرام جذا تعذبين ابوج ف قبره
صح كلامها حاولت أخف شوي بس كثر ما احاول ما اقدر مستحيل اقدر ذكراه عالقه ف خيالي
شفت ويه عمتي شاحب بعد
أكيد هذا أخوها عاشت معاه أكثر مني ويمكن هي اللي ربته بابا الله يرحمه غالي ع الكل كلنا نحبه بس أنا غلاته غير ب قلبي هو أغلى شخص ف حياتي أغلى عن روحي وأمي وعمتي وعمي وأهلي وربيعاتي هذا أبوي اللي كان حنون عليه يحل مشاكلي مستحملني من صغري ..
عمتي : تريقي حبيبتي
نوره : مالي خاطر
عمتي يودت الأكل وتمت توكلني روحها
نوره : بسني عمو
عمتي : ماشي كلي
نوره : والله بسني تراني بنقع والله ما اقدر أكمل دخيلج خلاص
عمتي أم حمد : ان ما كليتي عدل ما بيطلعونج اليوم
ل حظه سكت ما عرفت شو أقول اه اه اه أنا مرقده فالمستشفى اللي مات بها أبوي
انهرت وايد بغيت انزل من ع السرير وأضرب راسي ب اليدار يمكن ارتاح من هالألم اللي ب داخلي أو يمكن أروح عند ماما وبابا
وقفت وأنا متقطعه من الصياح حسيت نفسي خلاص بيوقف .. لثواني ما رمت أتنفس
عمتي أم حمد تخرعت وايد يت صوبي متخرعه وفيها صياح
عمتي ضربتني على خدي : نوره ماما نوره فيج شي
ما قدرت ارد ،،غير ,, نفسي قاعد يوقف بغيت اقول الشهاده حسيت بروحي بموت خلاص خلاص
طحت ع اللأرض وقلت : عموتي مابا اتم اهني مابا أكره هالمستشفى وكل اللي فيها
عمتي ام حمد تهديني : نوره حبيبتي ارقدي وبنطلعج ,, انتي ارقدي هدي شوي
قلت لها وأنا معصبه : كيف اهدي وبابا البارحه اهني موتوه موتوه تعرفين شو يعني جتلوه اهني ،، ابا اطلع عمو طلعوني الحين
عمتي : انتي اهدي بس ،، الحين بزقر الدكتور خل يطلعج
نوره : بسرعه والله ان ما رخصوني بجلب عليهم المشفى
شفت صوب عمتي وهي قاعده تطلع وتقول : لا حول ولا قوة الا بالله ، استغقر الله استغفر الله
كليت من الأكل معني مالي خاطر خلاص ابا ابوي والله بتينن ابا اموت واروح له بأي طريقه اروح له لو انشالله قبره وين ما يكون
بدت دموعي تهل لما تذكرت حياتي مع ابوي كيف كانت وكيف كان حنون معاي اه بابا ليش حرمتنا منك ليش ..؟
سمعت صوت باب الحجره مسحت دموعي بسرعه
عمتي دشت مبتسمه
قلت لها بانفعال : بيطلعوني ها ..؟
عمتي اشرت بمعني لا : في شي احلى ..!!
نزلت راسي بحزن : ما في شي أحلى عن قرب ابوي ....
عمتي تقربت مني ومسحت على شعري
عمتي وهي تصيح : نوره خلاص حرام اللي تسوينه في روحج ، وفينا .. انتي شفتي حال أخوج
عمر شقا غدى ..؟ ع الأقل انتي الكبيره داريه شوي .. ولا عادل يوميا يسألنا وين بابا ونوره ..؟ شو بنقول له خبريني
خبريني مب حرام هذا ..؟
قلت لها وأنا أصيح : وأنا يا عمتي ليش ماما ما حست فيني وأنا صغيره وليش بابا ما حس بي وتركوني اثنينهم تركوني ..
عمتي : نوره خلاأأأأأأأأأص بسج صياح .. هذا يومهم تعرفين شو يعني قضاء وقدر هذا قدرهم ومكتوب لهم
حسيت عمتي صادقه الا أكيد صادقه .. بس أنا مستحيل أنساهم بين يوم وليله مستحيل اه اه اه
الدكتور دق الباب ودخل على طول مستحيل يتريا احد يقول له دش لأنه ها شغله كنت هب لابسه شيله ولا لبستها طنشت وقعدت اطالع صوب الزاويه
سألني بس ما رديت عليه وقال الله يهديج
قال حالتي تحسنت وايد عن اليومين اللي قضيتهم فالمشفى سجل لي خروج وعطا عموتي ورقه ما عرفت شو هي بالضبط
الدكتور طالعني وابتسم : يلا يا نوره ديري بالج ع روحج .. والحمدلله على سلامتج
ما رديت عليه تميت اهز ريولي وانا متوتره واطالع برا طالع عمتي واشر لها وطلع
عمتي : نواري ليش ما لبستي الشيله
طالعتها بسخريه : عمو دش وطالعني شو تبين بعد البس الشيله خلاص طالع
عمتي : الله يهديج يلا البسي عباتج
قمت وعمتي عطتني عبايتي ولبستها ولبست الشيله
شكلي كان وايد مهمل جدا .. عمتي مسكت ايدي وطلعنا من الحجره
تسندت عليها حسيت روحي بطيح بس كنت شوي ثجيله عليها لكنها استحملتني
أول ما طلعنا من المشفى
عمتي : قلت له يتريانا اهني وين راح
واتصلت في .. ما اعرف منو ..؟ وقالت له يي صوب المدخل
يت السياره رحنا صوبها عمتي فتحت لي الباب وقبل ما ادش ما ادري ليش صديت وراي
وشفت مبنى المستشفى تنهدت من داخلي اه يالغالي اه أباك محتاجه لك باصعب اوقاتي وايامي
عمتي : نوره اركبي بسرعه موقفين السياير نحن
طالعتها وصحت فجأة وبمراره وحرقه وألم وكل حزن العالم فيني واهات الدنيا وكل معاني الجروح والهموم لو في كلمه زياده جان قلتها
ارتميت ف حضنها وقلت : عمتي بابا راح اهني هالمكان بابا ودرنا في هالمكان
عمتي مسحت ع راسي وبدت تصيح : خلاص نوره اركبي موقفتنا ف الشارع
ركبت السياره وعمتي ركبت يدام
سندت راسي عالدريشه وتميت اطالع بره صوب المبنى اه اهني أنا ودعت ابوي .. اهني كانت
انفاسه الأخيره .. يابوي رد محتاجتنك رد
وقمت اصيح واشاهق من الصياح وعمتي تهدي فيني بس ما اقدر .. ما اقدر ..
قلت : ردوني بيتنا ..
عمتي : ما في حد في بيتكم يا نوره
قلت : بابا اهناك يتريانا اهناك .. وبديت اصيح اكثر واكثر
عمتي : نوره حرام عليج اللي تسوينه ف روحج
قلت لها : عمتي ابا ارد بيتنا حرام مابا اسير مكان ثاني
عمتي : ما شي .. تردين البيت وياي خلاص
قلت لها : انزين خلاص بروح باخذ أغراضي واغراض عمور وعدول حق كم من يوم
تنهدت جنه ما عيبها الكلام
واتجهنا لبيتنا دخلنا حوي بيتنا .. شفت صوب الباركنات شفت سياير باباتي اه يا بوي رد تعال
شفت كل هالسياير ما بتعوض مكانك .. ما بتعوضنا عن غيبتك وفراقك ..
دخلنا صالة بيتنا أنا وعمتي وولدها حمد .. حمد راح صوب مكتب بابا ..
وأنا رحت أول شي ل حجرة ابويه
شفت الحجره من دونه غير غير .. البيت بكبره غير بدونه مو حلو محزن كاتم
رحت صوب اغراضه وخذيت لاب توبه و بوكه اللي كان محطوط وكان فيه عطوراته خذيت عطره المفضل وياي وقرانه اللي كان يقراه
رحت خذيت لي ولعمور وعدول ملابس ورحت صوب أغراضي
هذا تلفوني اللي بابا عطاني اياه .. و أغراضي الخاصه ووايد اشيا ذكرى وكاميرة بابا .. بس هالأشيا ما تسوى يدامه شي كل هالأشيا ما تسو شي منه
قبل ما أطلع تذكرت المصحف اللي عطاني اياه .. شليته وياي وصحت من قلب ونزلت عشان اقول لهم اني خلصت
طلعنا من البيت حمد قفل باب البيت
قلت له : ممكن مفتاح بيتنا ..
عطاني اياه
لا طمع ولا جشع فيني بس هذا البيت فيه أحلى ذكرياتنا مع ابوي وفكل زاويه من زواياه لنا فيه ذكرى مع ابوي وأحلى ذكرى ف حياتي مع احلى وأغلى شخص
ركبنا السياره وانا اطالع بيتنا واتذكر ابوي .. ما ادري اذا فيوم برجع لهالبيت ولا لأ يمكن أنا بعد الحق ابوي وامي منو يدري .. بس مستحيل أخلي أحد يلمس باب هالبيت بعد هذا فيه أحلى ذكرياتي وقصصي وأحلى ايامي مع سيد الرجال ..
وصلنا بيت عمتي ودشينا كلهم كانو موجودين ووايد ناس يايين يعزون الكل سلم علي وأنا ما ودي أكلم أحد بعد .. ولا أشوف احد رحت الحجره سمعت صوت أذان الظهر
رحت تسبحت وصليت
وخليت ميثاني تنادي عمور وعدول يو عندي
عمور دخل وهو ويهه شاحب والظاهر كان يصيح
عمر : نوره ابا ابونا ..
صحت على حالنا : عمور حبيبي بابا عند الله الحين خلاص .. وباجر نحن بعد بنروح عنده لا تصيح خلاص انشالله بنشوفه فالجنه
بس أنا منو بيفهمني ها .. خبروني منو بيقول لي اهدي وباجر بتشوفين ابوج فالجنه .. لا أخت وأخو أكبر مني ........
دخلت عليا ووياها غدانا
قلت لها : مب مشتهيه
عليا : لا ا لا ما شي يلا كلي
نوره : مابا تسلمين .. عمور عدول يلا كلو
عمر : ما بناكل اذا ما كليتي
عشان خاطر عمر وعادل كليت وياهم وعلايه كانت ترمسنا تبا تنسينا
عادل : نوار يقولون بابا ما سافر سمعتهم يقولون راح عند الله صح
طالعته وأنا ابا أصيح : هي حبيبي نحن بعد بنروح عند الله
عدول : أنا متى اروح عند الله يا رب ..............
قاطعته : عادل كل وانت ساكت بابا يقول ما نرمس حزة الأكل صح
عمر طالعني ودموعه نزلت قام من ع الغدا وأنا بعد انسدت نفسي . .. بس تمو عادل وعليا توكله
دخلت ميثا و وياها جواهر والجوهره سلمو علي وحسيت عيونهم كلها دموع مثلي بس أنا أكثر أكيد أنا اللي كنت عايشه معاه ليل ونهار أنا اللي كان ملجأي فأي وقت ..
دخلت مرت عمي سلمت علي وباستني وحضنتني وصاحت وأنا بعد تمسكت فيها وصحت
دخلت عمتي : نواري تعالي عمج يباج
طالعت شكلي فالمرايه لبست الشيله عدل
ومشيت ورا عمتي ووياي عموري .. رحنا صوبنا الميلس .. دقت باب الميلس ودشينا
دخلت شفت عمي رحت صوبه اربع وحضنته بقووووه
عمي مسح ع راسي : نواري خلاص بسج ذبحتي روحج
قلت له وأنا أصيح : عمي بابا مات ودرنا روحنا
قال لي : بنتم وياكم نحن
طالعته : عمي لا تودرنا روحنا حرام تم ويانا لا تخلي حد يضر خواني
عمي : ما عاش من يضركم وأنا عايش يلا بنتي هدي
لفيت وراي اشوف عموري شفت عيال عمي قاعدين سألو عن حالي طالعت صوب عموري
من يوم فارقنا ابوي جذا يوم نروح عند احد أو أحد ييي لنا يوقف ف الزاويه ما ييي صوبنا
طالعته ودموعي بدت تهل قلت ل عمي : عن اذنكم
عمي : نواري تريي
قلت له : نعم عمي
عمي : تراكم بتيون وياي البيت
قلت له : لأا عمي ما بيي بيتكم
عمي : نوره تعالي وياي اهناك بيت عمج هب بيت حد غريب
طالعت عمتي هزت راسها بمعنى روحي ويا عمج
قلت وأنا أصيح : اذا ما تبونا عادي عندنا بيت بعدنا نقدر نعيش فيه مب محتايين شفقة حد
عمي : نوره شو هالكلام .. وبعدين أنا أبوج تعالي عندي أحسن لج
قلت ل عمي : عمي بيتكم ما احبه ما احبه
عمي : خلاص عشان خاطرج بغير البيت
قلت : لأ ما يحتاي عمي
عمي : عاد ب عذر عشان بنحول
سمعت صوت واحد : لأأأأ بتيي ويانا غصبا عنها وما بنغيير بيتنا
طالعت يميني هذا اخر شخص كنت أتوقعه يقسى علي وخاصتا بعد وفاة ابوي حسيته هو الوحيد اللي بيحس فيني
قلت وأنا أصيح : مو معناته ابوي راح تتحكمون بي .. لأاأأ أنا أقدر أعيش روحي وأعيش خواني وياي
عمي أشر للبقيه يودرونا رواحنا وطلعو كلهم ما تم غيري وغير عمي ويوسف
يوسف ياه وقف يمبي وبين طوله عدل خفت رحت وقفت يمب عمي
كلمني بنفس أسلوب أبوي بالضبط : نوره ها بيت عمتج وهاك بيت عمج اهناك عمج بيكون شرات ابوج وأكثر وأنا ياسر بنقزر رواحنا واهني يمكن تضايقين عمتج وريلها
قلت له : اذا وجودي يضايق حد عندنا بيت نرد له مب لازم شفقتكم
قال لي : بس منو بيتم وياكم ف بيتكم ه الزمن ماله أمان يا نوره
طالعت صوبه وهاي أول مره أحس بشخصيته أول مره يكلمني شخصيا
طالعته طبق الأصل من أبوي وايد صفات وشبه مشترك بينهم
طالعت عمي وأنا محتاره
قال لي : اذا ابوج الله يرحمه عايش .. تعتقدين بيوافق تعيشين روحج ب هاك البيت بكبره
طالعت عمي : لأأأ
قال : خلاص عاد تعالي ويانا وبنسوي اللي تبين
قلت : مابا بيتكم غيروه
يوسف : لأاأأ اسمحي لنا البيت ما بنغيره
قلت : لو عالبيزات أنا بدبر لكم
قال : مو سالفة بيزات .. بس البيت ما بنودره
قلت : عاد ما بيي وياكم
يوسف لف وقبل ما يطالع : جهزي روحج عقب ساعتين بيي بشلج ويا الأهل
طالعت عمي وقال : نوره خلاص لا تعاندين العناد ما بيرد ابوج
طالعته ودموعي هلت أكثر وأكثر ركضت صوبه وحضنته
قلت عن خاطر : عمي لا تودرنا نحن محتايينك
عمي مسح على شعري : لا تخافين حبيبتي بتم وياج طول عمري
وطلعنا من الميلس عمي دخل عند عمتي والبنات أما أنا رحت الحجره وقعد ع السرير أتذكر كل مواقفي زمان مع أبوي وفي منها حصل بالأمس ونحن ويا بعض
فيه مواقف ما صار لها الا ايام معدوده عالأصابع بدت دموعي تهل ,,,, أه يابوي رحلت وخذيت روحي وياك اه يا بوي تركتني وحيده أقاوم أحزاني وحيده بدنيتي .. انت كنت لي الأب والصاحب والنفس والروح والدم اللي يجري بالوريد .. والحين تركتني بدنيا مالها صاحب
دنيا كلها هموم وجراح .. كنت لي عزوتي و ذخر لي واليوم رحلت ..
قطع علي تفكيري صوت جواهر وهي تقول لي : نواره يلا بنسير البيت
طالعتها ورحت لبست عباتي ولحقتها .. سلمت على عمتي وبناتها وطلعت مع جواهر والجوهره .. رحنا صوب السياره ركبنا وياسر اللي كان يسوق
طالعت فالسياره ما حصلت لا عمور ولا عدول
قلت لمرة عمي : عموتي وين عادل وعمر
قالت لي : بنتي راحو ويا يوسف
من أولها جذا بدون استئذان خلاص الحين أنا ولية أمرهم مو اي احد لازم يستأذنون مني
تحركنا ورحنا صوب بيت عمي دخلنا حويهم
قلت ف خاطري .. خلاص الحين بكمل حياتي اهني ما ادري متى أغادر هالبيت ويمكن ما اغادره الا لقبري .. كل شي جايز
دخلنا البيت وجواهر ودتني حجرتها
غريبه الجوهره ما خذتني وياها يمكن مرة عمي قالت .. لأنه جواهر تقدر تغير نفسية الواحد أما الجوهره ف يبالها من يغير جوها اهيه
دخلنا الحجره
جواهر : الحجره حجرتج متى ما بغيتي تطرديني اطرديني برايج ههههه
ابتسمت مجامله ،، اه يا جواهر تبيني أضحك وياج والجرح توه يديد يديد بعده ما برا وما ادري اذا بيبرى ولا لأأأأ ومتى بيبرى يا ترى
جواهر دخلت تتسبح وأنا يابو لي شنطي حجرة جواهر
انسدحت ع السرير وتذكرت حياتي بعد مره .. كيف كانت .. !!
وما حسيت بروحي الا وأنا أقوم على اذان المغرب
قمت لفيت يميني ويساري شفت شنطي فاضيه اكيد جواهر حليلها رتبت أغراضي
شكلي بعذبهم وياي وايد
طلعت من الحجره رحت المطبخ أكل معنه مالي خاطر أكل بس كل ها عشان خاطر عمور شكله تعبان وايد نفسيا أكثر مني بس ما يبين
كليت وطلعت رديت الحجره ولحسن حظي ما قابلت ولا حد ف دربي
صليت المغرب وأنا أدعي لأمي وأبوي بالرحمه سمعت صوت باب الحجره
نوره : ادخل
عموري : نوار تصلين ..؟
نوره : هي حبيبي بغيت شي
عموري : تعالي اقعدي وياي
نوره : أوكي حبيبي .. صليت المغرب
عموري : الحمدلله فالمسيد .. رحت مع يوسف
طالعته : أوكي خلاص بطلع شيلة الصلاه بلبس شيلتي بيي
عموري : أوكي أترياجتعليق
-
رد: روآيه , بسمه من شفاتك تموتني وتحييني , !
لبست شيلتي طالعت شكلي فالمنظره شاحب ما فيه حياه .. برايه يكون اللي يكون خلاص أنا ما عاد يهمني شي في هالدنيا .. غير عمور وعدول لو بعيش بعيش عشانهم مو عشاني أنا خلاص من زمان انتهيت ما في أي معنى لوجودي ب هالحياه
رحت صوب عموري ف الصاله قاعد روحه
قلت : هلا بعمير شيخ الشباب اشحالك
عمر : بخير دامج بخير
قلت له : أكيد أنا بخير لو عموري يمبي
عمر : جواهر ودت عدولي وعلاوي الحديقه
قلت له : زين .. شي طيب
عمر : قالت نوعيج قلت لهم لأ تعبانه نواري خلوها راقده
قلت له : شاطر عشان اذا نطلع أنا وانت بس هههه
عمر بحزن : نوره أنا مشتاق لبابا
دمعت عيني : وأنا أكثر .. يلا عسى لقانا فالفردوس الأعلى
عمر : امين تسليم الشهايد اليوم الصبح
قلت له : صدق اليوم الصبح وكم نتيجتك
عمر : ما اعرف .. ليش ما سألتي عن نتيجتج
قلت : هههه من الفرحه نسيت أسأل عنها
اه اه يا عموري لو تدري اني كنت بييب ه النسبه عشان خاطر ابوي بس الحين لأ .. اييب اللي اييبه ما يهمني خلاص خلاص ماعاد ينفع
عموري : يوسف اليوم الصبح ياب النتايج
قلت : يابهم البيت
عموري : لا وياه فالدوام بييبهم اليوم البيت ع العشا جذا لأني اتصل بي قبل شوي
قلت له : عمور حاول ما نضغط على قوم عمي وايد أوكي
عمر : هي بغيت اقول لج جيه انتي كله تصيحين وعمي وايد يفكر فيج
والله يا عمور كلمالك تكبر بعيني أكثر وأكثر على صغر سنك الا انك أحسن مني ف وايد أشيا
قلت له : زين وين عموه و الجوهره
عموري : عمو فالمطبخ تسوي العشا ويا الخدامات ، والجوهره هاي كله ف حجرتها ما تطلع من حجرتها جنه البيات الشتوي
قلت له : هههه حرام عليك خل البنيه ف حالها
سمعنا صوت
.........: أووووه أووووه نورو تضحك اليوم الشمس من وين طالعه
قلت بسخريه : يا ليت من المغرب جان زين بنشوف باباتيه
جواهر بتطنيش : تعالي تعالي بقول لج شو صار ويانا ف الحديقه
سمعنا صوت ....
................: ليش شو صاير بلا ف الحديقه
جواهر : حشا الواحد يبا يطلعها من حالتها وانت واقف لي نشبه اهني ( اشرت عرقبتها )
قلت : لا تخافين جوجو بتم أنا مثل ما أنا لا تحاولين ياما بابا حاول وماقدر
ياسر : يمكن الدكتور ياسر يقدر يطلعج هههه
جواهر : لأاأأأ جواهر الدكتوره جواهر
ياسر : طالعتي شكلج انتي سيري اغسلي ويهج
جواهر مدت بوزها أونها زعلت عاد
أنا وعمور ابتسمنا على سوالفهم المضحكه وثواني الا أذن العشا
رحنا أنا وجواهر الحجره نصلي العشا عقب الصلاه طلعنا رحنا ويا مرت عمي المطبخ
جواهر تمت تسولف ويا مرة عمي وأنا اطالعهم وابتسم
حلو الواحد يكون عنده أم وأب الحياه بتكون غير غير بمعنى الكلمه
طلعنا العشا يلسنا نتعشا وأنا أكل بدون نفس وغصب بس ابين روحي عاديه عشان ما اضغط على عمي وعيال عمي
وعموري تم يطالعني ويبتسم وياي وأنا أبتسم له ونحاول نشيل هموم بعض ويا بعض
عدول ياه وقعد يمبي وقال لازم القمه
قلت له : عدول خلاص شوف علاوي كبير ياكل روحه
عدول : بس أنا صف ثالث يعني ما عندي امتحانات بعدني صغير
ابتسمت على سوالفه وأعذاره الكسول هههه
قمت : أكرمكم الله
مرت عمي : بعدج ما كليتي شي
قلت : بسني شبعت الحمدلله
مرت عمي : هني وعافيه بنتي
رحت اغسل ايدي صديت وراي شفت طابور ماشالله
عموري وعدول وعلاوي
قلت : جيييه ما كليتو ..؟
عموري : شبعنا وياج
علاوي وعدول : هي صح
اكيييد يوميا بقوم روحي اخر وحده من السفره عسب ياكلون ولا جذا بيتمون ويتعودون اذا مارسو هالأسلوب
طلعنا مريت من الصاله رايحه الحجره حسيت البيت بيتي وعيال عمي خواني بس فيه شي واحد مو حلو لازم الشيله على راسي لما اطلع من الحجره
دخلت الحجره شفت صوب تليفوني تقدمت منه فتحته شفت المسجات في من ربيعاتي وبنات عمي بس الأكثر بابا ارسل لي اياها وقتها. . وفي رسايل كلام بينا ا اه اه تذكرته ليته معي يحس باللي أحس به ويجس احساسي اش كثر مشتاقه له ومحتاجتنه
سمعت صوت عموري وهو يقول نواري تعالي
طلعت شفتهم كلهم متيمعين وجواهر مسويه ربشه
رحت صوبهم وأنا مستغربه شو السالفه يا ربيه شو صاير
قلت : خير ..؟
يوسف ابتسم لي : ما تبين تفرحين ..؟
طالعته وابتسمت بسخريه : جيه باجي أيام أفرح بها ب هالدنيا ,,!!!
يوسف بدون اهتمام : خلي عنج وتعالي
رحت صوبهم
عمي : نواري كم تتوقعين نسبتج ..؟
قلت وانا مو مهتمه : كم يابو عموري وعدولي ..؟
عموري : طلعت الثاني عالصف
طالعته وقلت له : مبروك حبيبي ، لك هديه بس الدراجات تراها أهم عن الترتيت
عموري : مجموعي في نهاية السبع ميه
طالعته : عاد شطور .. وانت عدول ..؟
عادل : ثمانيه
طالعته : هههه طول عمرك كسول
عادل : لأ لأا ربيعي سواف يقول كلهم مصريين عندنا عشان جيه نحنا نطلع ثمانيه وعشره
كلهم ضحكو على تعليق عدول
طالتعه وضحكت على تفكير هالعصوص الحليو هههه
عمي : ها ما تبين تعرفين نسبتج ..؟
قلت : جواهر والجوهره كم يابو ..؟
جواهر زعلانه : أنا فالثمانين اهئ اهئ ههههه و جوجو فالتسعين
عمي : نورو نسبتج هاي .. بلاج جذا انتي ولا من الخوف ؟؟
وطالعني وعطاني الشهاده شفت النسبه فرحت بها بس خلاص ما تهمني الحين
عمي : مبروك بنتي .. الله يوفقج
طالعته بحزن : عمي أنا كنت بيبها عشان خاطر ابوي بس الحين خلاص ما فيه حد أنا عايشه عشانه المهم عندي عمور وعدول
يوسف قال : لو أبوج عايش جان ما رضى باللي تسوينه انتي ،، صح !! كلامي .. ولا ..
أشرت له مب مهتمه : مب لازم
شو هذا كل ما قلت شي ولا بغيت أسوي شي قال لي ابوح لو كان وأبوج .. شو ناوي يذبحني ب هالطاري روحي مب مستحمله يبا يزيد عليه
طالعت جوجو وقلت عشان أضيع السالفه : ها جواهر يالكسوله فشلتينا ويا نسبتج
جواهر : احمدو ربكم فالثمانين هذيج السنه يبت فالسبعين
كلنا ضحكنا على تعليق جواهر اللي شرات شكلها ههههه
عقب دقايق رحت الحجره عشان ارقد
دخلت غيرت وانا ع السرير تذكرت الماضي ما ادري متى بتتركني هالذكرى ب حالي
هاجس الذكرى بعده في بالي ويلعب بي لعب ،، كاسرني وهادمني ه الهاجس اه اه متى برتاح وأفتك ليتني لحقت ماماتيه وباباتيه ما با هالحياه ا ا اه
تنهدت عن خاطر .. كيف بعيش حياتي الحين لازم أنسي عمور وعدول والهيهم بس أنا منو بينسيني ..؟
............: نواري بعدج ما رقدتي
ابتسمت لها : لا بعدني
........: عاد زين بنسولف شوي والله من زمان كنت أتمنى نعيش ويا بعض
قلت : ياليت وأنا بعد كنت أتمنى .. بس مو ف هالضروف
.........: يلا الله كريم .. اصبري ان الله مع الصابرين
قلت : ونعم بالله .. جوجو يلقط من حجرتج
جواهر : هي
قلت لها : بحدر أنا
جواهر : يوسف ما يخلينا نحدر بليل .. درا عني وبهدلني وقام يجلع واير المودم بليل
قلت : اها لقيتي من يأدبج
جواهر : لولاه أصلا بتشوفيني مب قاعده فالبيت بعد هههه
قلت لها : أبوي كان جذا دوم يحافظ علينا جنه شي ثمين عنده
جواهر : أكيد كل واحد جذا مع بنته وأخته وحرمته دام هم غاليين
قلت لها : انزين تعالي بفتح لابنا
جواهر : قصدج لاب ابوج
قلت وأنا اتنهد : شو يعني بياخذه وياه ف قبره
جواهر : لا ما أقصد .. يلا افتحي يمكن اليوم ناسي يجلع الواير
قلت : امين
أول ما فتحنا اللاب كان الديسكتوب صورة طبيعه وكان اليوزر نيم ( Bo NoORa )
ابتسمت برا ما يزقرون بابا بوعمر يزقرونه بو نوره .. صحيح اني أكبر عيال بابا وبنت وعنده أولاد بعد بس دوم يحب يزقرونه بو نوره .. ما ادري ليش .. حسب كلامه الله يرحمه دوم كان يقول لي اني نسخه عن ماماتيه .. والحين منو بيكون نسخه منك يابوي منو .. يارب عمور وعدول ياخذون كل صفاتك ، لو شو ما تكون صفاتك أحسها أحلى صفات ف الدنيا ..
خرعتني جواهر وهي تقول : اع
قلت : بسم الله الرحمن الرحيم
جواهر : بلاج
قلت : زيغتيني
جواهر : ههههه ، لابس شكله ما نسى يجلع الواير هههه
قلت : سيري قولي له يشغله
جواهر : لا لا ، أمي أنا مب ناقصه
قلت لها : حرام يلا
جواهر : اذا تيين وياي أوكي
من بعد تفكير : امممم أوكي
طلعنا من الحجره شفنا عموري يلعب بلاي استيشن و الباجي شكلهم رقود
صديت يميني شفت ياسر واقف يدام باب حجرته ويرمس فالتلفون
جواهر : يسور وين يوسف ..؟
ياسر أشر لنا بيده ب معنى نسكت لأنه يرمس ف التلفون مع ربيعه ، وعقب اشر عالدري
جواهر بصوت واطي : نواري يوسف تحت
قلت لها : أوكي يلا نروح
نزلنا ونحن نازلين جواهر
جواهر : أنا خايفه ..
طنشتها وقلت : طالعي طالعي برا نفاف
قالت لي : نواره حلو المطر صح
قلت لها : أوقات .. اذا كان رحمه وايد حلو .. لا تنسين انه في مطر يجتل ارواح
جواهر : الله يهدي الجميع ويحفظهم من كل شر
قلت : امين
كملنا دربنا وصلنا تحت طالعنا صوب اليلسه شفنا يوسف قاعد وف ايده كمية اوراق
جواهر : الله يسهل عليك شغلك
يوسف وجنه فاهم جواهر، ما طالع صوبنا : امين ، خير شو تين ..؟
طالعتني وهمست لي : أنا أقول هالانسان مركب الات تجسس ف بيتنا ومحد يدري ..
طالعتها وقلت وأنا أهمس : اسكتي
يوسف رفع راسه : خلصيني تبين شي ..
جواهر : المودم أأ.........
قاطعها : ماشي ..
جواهر : ليش انزين
يوسف : شكلج ما تفهمين أنا جم مره قلت لج ماشي نت بليل
جواهر : هاي نوار تبا ..
يوسف ب سخريه : ليش نوار ما تقدر تطلب روحها ، ما عندها لسان ..
طالعت جواهر وقلت بسخريه : خليه ب رايه شكلي بعيش طول عمري جذا الله يرحم ايام بابا ..
و توني بلف عسب اصعد
يوسف : نوره ليش تبين تحدرين ه الحزة ..؟
قلت بدون ما الف : كيفي ابوي كان يخليني ..
يوسف : أبوج راح يا نوره خلاص وحطج أمانه عندنا ..
لفيت وعيوني كلها دموع : والأمانه جي يسوون بها .. ؟
جواهر ضاعت بينا ويت صوبي : نوره خلاص اهدي
قلت لها : خليني أطلع اللي ف قلبي يمكن ارتاح ع الأقل
يوسف : نوره انتي مو كبيره وتعرفين النت واليلسه عليه بدون مراقبه شو تسوي .. وخاصتا بليل
قلت له : خلاص ما با اقعد انزين ، زين جذا ارتحت
حسيت نفسيتي تعبانه وب هالسبب قمت ارد وما احشم وايد بس ف خاطري افضفض بس منو بيسمعني ..
يوسف : خلاص بشغل لكم المودم
قلت له : ما يحتاي بعد المذله ..
وصعدت جواهر يت وياي بس يوسف زقرها وأنا رحت فوق
عمور وياسر كانو قاعدين ، ما ادري ليش صار يمشي وايد ويا عمور ويحسسه انه ف عمره ..
دخلت الحجره ورديت يلست ع اللاب فتحت الفولدرات الجديمه وتميت أفتش مادري شو اللي شدني
بس وايد من هالفولدرات عن الأسهم والعقار وهالسوالف .. ما فهمت بها
سويت سيرج وحصلت وايد صور كلها صور بابا
اهني بغيت أموت من الصياح خلاص اباك ابوي محتاجتنك رد لي ، ما استحمل كلام اي حد الحين ,, أنا القويه اللي كنت اداري عبراتي ,, خلاص ضعفت .. وعلى اتفه سبب عبراتي تهل ..
شفت صور مصورين بها شغلهم ف المواقع ( اللوكيشن ) صور حفارات و مال الدفان وهالسوالف ..
استانست لهالدرجه شغل باباتي حلو .. صحيح أيام شغله كان يوقف .. والحالة الماديه شوي تسئ بس الحمدلله مو هاك الزود .. لأنه كان يعطينا بس لازم نحافظ ع النعمه ..
في صور شدتني صور بابا وهو واقف يشوف الشغل وكيف ماشي وفي صوره فالمكتب ..
أبوي أباك وهلت دموعي بسرعه بدون سابق انذار ..
صورة أبوي وهو واقف يدام البحر ويلعب كرة طايره مع مجموعة شباب .. طول عمره شخصيته قويه وله مكانه بس خلاص هذا ما بيفيده الحين .. ها وقت الأعمال الصالحه ..
الحمدلله انه كان ايمانه قوي .. ركزت فالصوره ابوي واقف يمب واحد بطوله وعرضه ويشبهه تقريبا ركزت
هذا يوسف .. ل هالدرجه يوسف كان مع بابا .. بس ليش ماحزن لما بابا فارقنا معنه كان أغلى ناسه وربعه ويمكن أهله ..
سمعت صوت باب الحجره .. مسحت دموعي بسرعه
جواهر : ها يالحلوه شو تسوين ..؟
قلت لها : ماشي اعابل باللاب
قالت لي : يلا تعالي في ناس يبونج
قلت لها وأنا ادري : قولي لهم ماتت
جواهر يت صوبي وسحبتني وطلعتني ويوم وقفت يدامي
جواهر مستغربه : كنتي تصيحين ..؟
قلت لها وأنا فيني جروح : في حد يسمع هالكلام السم وما يصيح ..
جواهر : نورو بلاج على أتفه الأسباب تصيحين ما احيدج جذا
قلت لها بسخريه : محد يتم على حاله
طالعت يدامي شفت يوسف يالس فالصاله يدامنا
انحرجت وايد .. شافني أكلم جواهر و أنا ما أدري انه موجود حتى طريقة كلامي غلط
يوسف : نوره زعلتي ..؟
قلت له وأنا منزله راسي : لا ما زعلت
يوسف : انزين خلاص دشي النت بس ما شي تحدرين الايميل بليل
قلت له : ما يحتاي
يوسف : لا ، لازم وتقرين روايه بعد وتخلصينها اليوم ..
قلت له : أوكي ع الأقل وقتي يروح وأنسى الهموم
فجأأأأة بدت دموعي تنزل ما قدرت ايودها
جواهر : نوره بلاج ..؟
قلت لها وأنا أمسح دموعي : لا بس تذكرت قبل ما يطيح أبويه هالليله أنا وهو قرينا روايه مع بعض
جواهر : نوار بسج صياح يلا
..
يوسف : نوره تبين لابي ..
جواهر اتخصرت : لا والله .. وأنا يوم أطلبه ممنوع .. ليييييش..؟ .. نواري خذيه اليوم بنطلع بلاويه ..
سكتت لما شافت نظرات يوسف لها
قلت له : عندي لاب
يوسف : لاب منو ..؟
قلت : لابتوب ابوي ..
يوسف : اها لا تستعملينه
قلت له : بس هذا مال ابوي
يوسف : فيه وايد اشيا تخص الشغل .. عطيني اياه .. صح !! ومفتاح البيت .. بعد ..؟
قلت له : اللاب برايك لو عن الشغل شله بس البيت لو تبا المفتاح خذه بس احلف ما تجيسون شي فالبيت ..
يوسف : أوكي ما بجيس شي منه لا تخافين .. ترا السياير بنبيعهن
قلت له : لأأأأ مابا هاييل مال بابا
يوسف : أبوج كانت وصيته هاي ..
قلت له وأنا متفاجئه : هاه ,, يعني كان يدري انه بيفارقنا ..؟
يوسف : لأأأ ، بس هو من قبل كاتب الوصيه
قلت لها وأنا كلي حزن : سوو اللي بابا طلبه .. أنا مالي شغل لا فالفلوس ولا فالبيت الحين خلاص علي من عمر وعادل ..
يوسف : أنا بتصرف فالشغل بس انتي ديري بالج ع روحج
قلت له : انزين
ودخلنا أنا وجواهر الحجره ما قدرت أسهر بعد ... رقدت من التعب والتفكير والهموم اللي فيني ..
نشينا اليوم الثاني الصبح على صوت عدول وعلاوي وهم يصارخون ويقولون مطر مطر
تغسلت ورحت تريقت جواهر يت معاي فديتها ما فارقتني ولا لحظة عكس الجوهره اللي منشغله ف حياتها وما تتكلم أبد ..الا كلمه أو كلمتين ..
جواهر : يلا نتريق ونروح نلعب تحت المطر
قلت لها : أوكي
جواهر : بابا ما يخلينا بس هو محد الحين
قلت لها : كلهم دوامات ..؟
جواهر : هي
تريقنا وطلعنا تحت المطر تميت أدعي من قلبي الله يغمد روح ابوي الجنه .. وأمي بعد
قلت لجواهر وهي تطالع المطر : جواهر بابا كم يوم استمر عزاه
جواهر : 3 ايام بس ، هو اللي طلب عقب محد يعزي وقال الكل يرجع لحياته العاديه ..
مرة ثانيه نفس الجمله ابوي موصي لييييييش محد خبرني ليش
قلت لها : يعني كان يدري انه بيفارقنا ؟؟
جواهر : لأ لأا أأ ، ترا هو قايل من زمان ايام امج الله يرحمها
قلت بعدم تصديق : يجوز .. انزين متى دفنوه وليش ما تريونا نشوفه ..؟
جواهر : بعد صلاة الفجر من ثاني يوم بس ليش ما شفناه عاد ما اعرف ..
قلت لها وأنا أدمع : لو عايش جان الحين نحن مستانسين وكانت اخر همومنا ..
جواهر : نوره بسج صياح .. هذا قدره ويومه مكتوب له
قلت لها بتطنيش : تعالي نلعب تحت المطر
جواهر : أوكي
رحنا تحت الماي وتمينا نلعب في مكان فالحوي كان متجمع فيه ماي وايد صوب الزراعه دخلنا
تحته حسيت بالسعاده لكنها مو مكتمله في شي ناقصها ..
لعبنا الين صلاة الظهر أول ما أذن دشينا البيت
تمينا نضحك أنا وجواهر بصوت عالي
جواهر : هههههه لو ابوي اهني جان رحنا فيها
قلت لها : لا وأحلى شي نلعب بالجلابيه هههه محترمات ولا شيله بعد ..
جواهر : أق .................
قاطعنا : ماشالله ،،، متسبحات تحت المطر
لفينا اثنينا برعب ...تعليق
-
رد: روآيه , بسمه من شفاتك تموتني وتحييني , !
الحلقه الثامنه ..
عمي بعتب : والله لو وحده مرضت دواها عندي ،، وطلع ..
أنا وجواهر طالعنا بعض : ههههههههههههههههههههههههههههههههههه ....!!!
...........: لكن ويه تضحكن ،، أكيد ع سواد ويوهكن بغال وتلعبن تحت المطر ب الرمل
جواهر : الحمدلله خرعتينا ،، تحريت بابا رد ههههه
مرت عمي : نواري بتمرضين فديتج
قلت لها : لا لا عمو عادي دوم العب تحت المطر
مرت عمي : بس اليوم الجو بارد وايد
جواهر تخصرت : هي هي ، امدحوها اش عليكم ، ولا جنها هي اللي طالبه عني نلعب تحت المطر
قلت لها : طبعا ماماتي ، أنا الشيخه نواري
جواهر كشت علي : ما قول الا مالت ..
عموتي أم يوسف : أغصان الجنه انشالله
جواهر : ولا جني بنتهم
قلت لها : صدق انزين منو قال انج بنتهم ، أحيد لقطوج من الشارع ههههه
جواهر : البيت بيت ابونا والقوم حاربونا ..
قلت لها : أمي سكتي سكتي ، انتي وميثاني فاشلات فالأمثال يعني انطبي أحسن لج
جواهر : هي أنا محد يحبني غير ميثاني ولا انتي لأ
قلت لها : خلي عنج ،،، تعالي صدق ميثاني ما بييون صوبنا
جواهر سوت روحها تسرح : يا ريت
طالعتها وغمزت لها ,, تراني فهمت هههه
لفينا نطالع صوب عمو عسب نسألها متى ييون قوم ميثاني
ولا عمو أكبر طاف ودرتنا
وسمعنا صراخ من المطبخ : لو بتم عندكن جان غداي احترق
ضحكنا أنا وجواهر ويا بعض وتمينا نطالع بعض ونضحك أكثر وأكثر
بس أكيد الحزن ب القلب محد يقدر يمحي ذكرى الغالي .. وأحلى ذكرى ف حياتي بعد
قطع علي تفكيري صوت ريول ريال داخل
جان أنا وجواهر ندق سلف ونعطيها ... الشرده يلا ^_^
رحنا الحجره بسرعه وتسبحت أنا أول وغيرت ، عقب جواهر ، وصلينا الظهر مع بعض ..
بعد ما خلصنا صلاه
جواهر : الحمدلله ع السلامه
قلت لها : جوجو يقولون تقبل الله طاعتج
جواهر : هههههه دوم أخربط والله
قلت لها : أقول لج لاقطينج يا السيلانية بس ما تصدقين ..
جواهر : اسمعي اليوم ع الغدا لا ترمسين يسوف لما يرضى انه نقعد عالنت
قلت لها : أونج أصلا أنا ما ارمسه وأمس كانت نفسيتي وايد تعبانه عسب جذا فضفت أوني دورت على أحد أسبه هههه
جواهر : ما لقيتي غير يسوف ..؟؟
قلت لها ا : جيه ..؟
جواهر : أمي هذا متعاطف وياج الحين عشان حالتج ولا عقب ترا قولي بايباي حق الحنان والعطف
اشرت لها مب مهتمه : أنا من ابوي ما كنت أخاف .. يلا يلا قمنا نروح ناكل تراني ميته يوع وحلاته فالشتا ناكل والأكل ساخن ..
جواهر : عصافير بطني اح اح
قلت لها : هههه ذكرتيني ف واحد
جواهر تغمز لي : منو ها ارمسي بسرعه ..؟
قلت لها : مرة كنا نحن بنات المدرسة متيمعات فحجرة الكمبيوتر جان ندش الجات فيه واحد اسمه رافييل شي جذا المهم رافييل بوظبي هههه وكل شوي يقول اح لأنه أونه قاعد يشرب بيبسي ..
قالت لي : ها تدشين الجات ..؟
قلت لها : لأ الحمدلله .. وبعدين حاليا لو ادش بكيفي محد له خص فيني .
.
جواهر : ان ما حش ريولج حش يسوف وسلخ جلدج ع هالسوالف ..
قلت لها : تراني متربيه ..
وطلعنا من الحجره رحنا صوب مرت عمي شفنا الجوهره واقفه تطالع عموه وهي تزهب الغدا
جواهر : حوه ساعدي ماما جيه بس تطالعينها ..
الجوهره طلعت وسوت لجواهر أكبر طاف
قلت لها : حرام عليج زين جذا أكيد زعلت
جواهر : خل تولي هاي وبعدين ما تشوفينها اربع وعشرين ساعه ف الحجره ع الأقل تطلع تشوفنا بس لو ما تبا ترمس برايها ..
قلت لها : والله هاي الحياه ما تعرفين عن اللي ساكن وياج بعد
جواهر : صدقج .. يلا نساعد ماما ..
طلعنا الغدا ويلسنا نتغدا
أنا اقعد بين جواهر وعموري بعيده عن عيال عمي وأكون متحجبه ما البس بناطلين وهالسوالف يدامهم كله مستور .. معني متعوده اخذ راحتي فالبيت ,, بس هذا بيتهم ..
ونحن نتغدا عمي ما طالع شكلنا لا أنا ولا جواهر ..
جواهر : فيني كحه..
طالعتها بمعنى قلتي لي انا ما ارمس وانتي روحج رمستي
طالعتني بمعنى نست يا ويلنا
عمي : جواهر نوره اباكم عقب الغدا
أنا وجواهر : انشالله ..
عدول : نورو ويهج طماط اليوم
بغييييييييت أفلعه هذيج الفلعه فشلني يدام عيال عمي شو طماط ها بعد والله الحين بزغته ..
عدول : لا فراوله بابا يقول صح
طالعته ونسيت سبته هاللحظه .. تذكرت بابا اللي كان يزقرني توته أو نونه الله كيف كان الدلع حلو بالسانه .. منطوقه بعد ذوق شراته .. اه يابوي اه
طالعته بمعنى اسكت لافلعك به الشوجه اللي بيدي
عمي : لازم ، من اللعب بالرمل والطين شرات اليهالوه
جواهر طالعتني نقوم الشرده
جواهر : الحمدلله شبعت ، وأنا بعد قلت : الحمدلله شبعت .. وقفنا
عمي : أنا قلت .. اللي بتمرض دواها عندي أوكي ..
جواهر : بابا اسفين..
طالعت صوب جواهر وجواهر خايفه لهالدرجه عمي عقابه شديد اممم يا ترى شو بيكون
عمي : تبون تلعبون تحت المطر ما قلنا لأ ,, بس فيه شي اسمه شرات الناس ..
جواهر طالعتني .. همست لي : جيه نحن حيوانات هههه
كانت فينا ضحكه وشوي ابتسمنا خلاص بننقع
عشان نبرر موقفنا قلت : عمي اذا مرضنا لا تودنا المستشفى عقاب ، عسب نتوب اوكيه
عمي ابتسم : قصي علي انتي ، مب رايحه بعيد طالعه ع خلوف
طالعته وعيوني تدمع : عمي شو ياب هالطاري كلما رحل أحد شبهتوني به ..
عمي يغير السالفه : أوكي خلاص اللي بتمرض فيكن ما بنوديها المستشفى .. عقاب انزين
أنا وجواهر : انزين ..
ورحنا الحجره أنا وجواهر عقب ثواني سمعنا صوت الباب يندق
جواهر راحت فتحته
جواهر : هلا والله منور الحجره
عموري : منوره باصحابها
جواهر : لا لا مو الاثنين لازم شخص واحد
عموري : عاد أختي أكيد
طالعته ابتسمت له فديته أنا ..
جواهر تصكر الباب : عاد اجلب ويهك ، مناك يلا مناك
قلت : عموري فديتك صوبي صوبي خلك منها هالهرمه
عموري : تلعبون وياي بليستيشن
قلت نضيع وقتنا باللعب ..يلا نلعب شو ورانا ..دام كلي هموم شو وراي ..؟ العب واتسلى يمكن انسى ..!!
لعبنا مع عموري شوي عقب أذان المغرب صلينا ورحنا المطبخ أنا وجواهر ناكل يعنا وايد
قعدنا نسولف شوي عن مواقف في حياتنا المدرسيه وجذا
حسيت روحي سويت انجاز بمعنى الكلمه .. أمي صار لها 8 سنين وشي رحلت وتركتنا ..
ما نسيتها وما قدرت أنساها .. حسيت ايماني كان ضعيف وأنا لازم أتوكل على ربي ..
بس أبوي لما توفى حزنت وايد لأنه أغلى ناسي وأهلي .. بس حسيت روحي مرتاحه
يمكن لأني واثقه من ابوي وكل شي فيه وأعرف كل شي عنه ..
جواهر : نوره بقول لج شي .. ممكن ,,,
قلت لها : امري ..
جواهر : نوره ماشالله عليج ايمانج بالله قوي
قلت لها بسخريه : عايشه بدون أحد شو تبيني اتهاون عن كل شي واضعف وخواني محتاجيني
جواهر : حتى عمي لما توفت أمج يقولون كان قوي وايد
قلت لها بدموع : شو تبينه يحزن ،، اذا حزن بيهملنا بس هو سوا كل ها عشانا وأنا لازم أسوي اللي سواه ، ل عموري وعدولي
جواهر : نواري انتي حلوه
طالعتها : زين يت منج .. روحج غيرتي السالفه هههه .,, طبعا حلوه أنا نوره نور الشمس والقمر مو حيالله ..
جواهر : ونور الإمارات بعد .. ههههه
قلت لها : لا لا عاد هذا اسم منتدانا مستحيل اسرقه ما استاهله أنا
جواهر : ف خاطري ارمس يتيمة زايد والله
قلت لها : شو تبين بها .. أميه خلج من تعارف النت ما منه فايده غير الخساره ..
قالت لي وانتي صادقه
اه اه يا جواهر لو تدرين انه يتيمة زايد كانت ربيعة روحي .. ربيعة روحي وأنا مب مخبره أحد
والحين تفارقنا .. حتى اخر مره شفتها ف المدرسه وعقب ما شفتها .. الله يعلم اذا بشوفها ولا لأ
جواهر : هلللللللللو وين سافرتي ..
قلت لها : هههه صوب نور الإمارات
جواهر : قريتي روايات يديده .. ولا بعدج ..
قلت لها وأنا اتنهد : اخر روايه قريتها مع أبوي ذيج الليله ..
جواهر : شكلي حسدتج ع قوة ايمانج هههه يلا تعالي نتمشى المطر وقف
طلعنا برا البيت تمشينا ف الحوي ..
جواهر : شكلي بلتقط كم من صوره
قلت لها : وأنا بعد
جواهر : عقب أعضاء نور الإمارات بيقولون اني أنا وانتي شخص واحد يدش بنكين
قلت لها : كلام الناس ترا ماله حد .. أنا كلام ييراتا ما يهمني تبين كلام النت يهمني سيري لاه
جواهر : كنت الهام وخيال في مواعيد الشعر ..
شفتها البنت مسنتره مكانها بلاها هاي تخبلت .. وهاي ولا لها بالشعر ولا شي شاللي دخل
قلت لها : جوجو ..جوجو بلاج
أشرت على باب الحوي العود
شفت الباب .. اها توني فهمت السالفه .. طلعت جذا يعني
قلت لها : تعالي ندش داخل
جواهر : نوروه فهود اهني فهود
قلت لها : مالت عليج وعليه .. يلا ندش
جواهر مسكت ايدي ..
قلت لها : بلاج ..؟
جواهر بدت تصيح
قلت لها : تعالي ندش داخل قبل ما حد ييي
دخلنا ورحنا حجرة جواهر .. جواهر راحت صوب الدريشه وشافت من الستاره برا
وعقب صدت وقالت : نواري ابوج الله يرحمه كان يدري باللي بيني وبين فهد
قلت لها : مب فاهمه
جواهر : فهد قال حق عمي انه يباني .. ميثاني قالت لي........نوره أبا عمي ,,,
طالعتها بفرح : صدق
جواهر صاحت وحضنتني : نوره ابا عمي اباه والله ما استحمل فراقه ..
طالعتها بدت دموعي تهل وقلت : المفروض الناس تهون علي مصيبتي وتواسيني .. بس طلع العكس .. اه يا بوي اه
فجأة سمعنا صوت الباب ينفتح بدفاشه
قلنا : بسم الله الرحمن الرحيم
.........: هع هع مفاجئه لاه
قلت لها : وأحلى مفاجئة
ميثاني : نونه جوجو عندي لكن مفاجئه
قلت لها : شو مفاجئته بعد
جواهر كانت تمسح دموعها
ميثا راحا صوبها : ويت ويت .. شو هالدموع ..؟ وحق شو ..؟
جواهر : ماشي قولي الخبر يمكن تغيرين النفسيه شوي
ميثا طالعتنا بحزن : حتى أنا محتاجتنه والله العظيم بس شنسوي هالقدر ..
كلهم يحبونك يابوي كلهم .. ليش لما الواحد يكون قلبه ابيض وزين والكل يحبه يروح بسرعه
يودعنا بسرعه .. ويفارقنا بغضون أيام وليالي .. اي ايام الله يخليكم .. بثواني ولحظات ..
طالعت صوب ميثا وأنا أمسح دموعي : ها يلا قولي لنا الخبر ..؟
ميثا : سمعتهم يقولون بينقلونج مدرستنا أنا وجواهر
طالعتها بسخريه : وأنا مابا ابا أكمل فالشارجه وبس ..
جواهر : الله يهديج نونه لا تعكرين مزاجنا يلا قمنا نروح صوب الأهل
قلت لهن : انتو روحو أنا بتم شوي وبيي صوبكم
جواهر : أوكي
طلعو جواهر وميثا رحت صوب الصور اللي التقطناها يوم طلعتنا قبل ايام وفاة ابوي بايام معدوده .. شفت الصور بديت اصيحتعليق
-
رد: روآيه , بسمه من شفاتك تموتني وتحييني , !
كيف الحياه قاسيه تاخذ منا أغلى ناسنا .. تذكرت ابوي ليش كان يقول لي ديري بالج ع روحج
أكيد كان حاس .. أكيد .. أوعدك يابوي بدير بالي ع روحي وع خواني مثل ما قلت لي ..
..
رحت صوب السرير وقعدت تميت اطالع اصابعي كيف ترتجف وأنا أطالعها حسيت بدوخه ..
حسيت روحي قاعده أغيب ف عالم ثاني ،، عالم محد يدري عني فيه .. وحيده بدنيتي لا أنيس ولا ونيس .. ابي أحد يسليني وينسيني همومي بس للأسف محد قاعد يسمعني ..
أحس روحي أباغم وأطلب نجدة الاخرين بس للأسف محد درا عني محد سمعني ..
حسيت بأحد يوعيني من نومي
قلت : خلوني راقده مابا انش تعبانه
حسيت روحي عطشانه وايد ......... ابا ماي بس .. وأكمل رقادي مابا انش تعبانه ..
حسيت بايد تمسح على راسي دافيه .. هي هذا اللي اباه
هالشي اللي اتمناه .. ابا الحنان والعطف اللي ناقصني مابا اي شي ثاني .. ابا شخص يدافع
عني لما الدنيا تقسى علي ... اباه يكون يمبي طول عمره .. هالاحساس ولا يفارقني لو لحظة
فتحت عيني بتكاسل طالعت فوقي ..
شفت ايد تمسح ع شعري وأحد يقرا علي
...........: الحمدلله ع السلامه نشيتي
قلت : الله يسلمج وين أنا ..؟
.........: سالفتج سالفه ..
قلت : عموتي ليش يبتوني اهني
عموتي : تعبتي كنت مسخنه وايد
قلت لها : من متى
عمتي من أمس بليل .. لما يينا عندكم
قلت لها : ليش الحين متى ..؟
عمتي : الظهر .. حبيبتي
قلت لها : طلعوني من اهني ..( بديت أصيح ) ف مكان يشبه هالمكان فقدت أغلى ناسي ..
عمتي : حبيبتي انتي خل حالتج تتحسن ونطلعج باذن الله
قلت لها : انشالله يارب ..
عمتي : ترا عندج نقص حاد ف الدم
قلت لها : وشو يعني .. برايه .. ما يهمني ..
عمتي بروح : نورو انتي وايد تستهبلين ه الايام
ابتسمت مجامله : وين البنات ..؟
عمتي : بييونج العصر انشالله
تميت قاعده مالي خاطر لشي ولا ل حد بعد .. وساكته .. ما ادري تفكير بحالتي الين وين وصلت .. ولا افكر ف حياتي اليايه وكيف بتكون ..
قعدت اقرا قران وصليت الصلوات اللي طافتني قبل أيام .. دعيت أتشافى وأطلع بسرعه ..
أذن العصر رحت أتيدد وأصلي وقومت عموتي
قلت : عمو عمو قومي صلي العصر
عمتي : انزين فديتج
صليت العصر .. عمتي بعد صلت
عمتي : تبين شي عموه رايحه الكافتيريا أنا ..؟
قلت لها : هي أباج تاخذين لي جوكليت ..
عمتي : لا لا ماشي اطلبي شي زين عسب جذا دمج ناقص ..
طالعتها : جيه لازم يعطوني دم الحين
عموتي : لا الحمدلله .. بس بيعطونج أدويه عسب تزداد نسبة الحديد ..
قلت لها : جيه مرقديني عاد ..؟
عموتي : لأنج قمتي تدوخين من نقص الدم بس انشالله مع الأدويه والأكل بتصيرين زينه
قلت لها : انشالله
عمتي صلت وراحت الكافتيريا
تميت روحي قعدت اطالع برا من الدريشه .. شفت العالم رايحه راده .. هاييل العالم أبد ما يسكنون مكان واحد ، صدق لو ما سعينا ما بنقدر نعيش .. يا ترا همومهم شرات همومي ولا أهون .. منو قال يمكن أخس عن همومي كل اللي ف هالدنيا عندهم هموم ..وبعدين اللي يشوف مصيبة غيره تهون عليه مصيبته .. بس أنا ما أشوف أحد متعذب ف حياته كثري محد ..
انا لي من دنيتي كل العتب يوم انا منها تعذبت وتعبت..انا لي مكتوب من صغري التعب واعذروني لو في يوم انا انتحرت ..
سمعت صوت باب الحجره اندق ثلاث وتبطل
لفيت : دخلي عموتي ..
طالعتهم : ييتو وأخيرا
رحت صوب مرت عمي وبستها ع راسها وباستني وسلمت على عمي
عمي : ارقدي ع السرير شاللي مقومنج ..
قلت له : عمي مليت أبا أطلع المستشفى يلوع الجبد
عمي : هههه بتطلعين بس انتي كلي .. مستويه عصا
طالعته : هههه عمي تراك يبتني المستشفى هههه
عمي ضحك : لو انج متزجمه ولا حلجج يعورج جان ما يبتج ولا شريت لج دوا بعد ، بس مشكله فقر دم هاللي خوفني يستوي بج شي ههههه
طالعته : هههه فديتك أنا
مرت عمي يت سحبتني ودتني صوب السرير
مرت عمي : ارقدي يلا
قلت لها : مليت من الرقاد عمو
مرت عمي : ما شي يلا اقعدي
طالعتها ابتسمت وقعدت ع السرير : لو أدري جذا تخافون عليه جان من زمان مطيحه روحي
مرت عمي : أعوذ بالله من الشيطان الرجيم ، شو هالكلام بنتي .. ادعي الله يشفيج
عمي : شكلها ما تدري بغلاتها الشيطانه امبونج كله تتغلين ما ندري طالعه ع منو ..
طالعته : يعني مو من حقي اتغلى ..؟
ابتسم لي : فديتج يعل ما خلا منج يا رب
طالعته : عمي بس بس ترا عمو مزنه بتغار الحينه هههه
مرت عمي : لا عاد أغار من بنيتيه ما تصير هذي
طالعتها : فديتج عموه ..
سمعت صوت من ورا الباب : ماشالله يتفدون بعد
........: الحقو علينا الحقو ..
دشو .. : السلام عليكم
قلت : وعليكم السلام والرحمه .. هلا توما نور مستشفانا ..
جواهر : أكيد ترا هذا نوري أنا
عمي : لا هذا نور نواري فديتها
ميثا تنافخ : أنا قلت لكم ما بيي ، كله تقعد تتغلى المريضه هاي
قلت لها : الباب يوسع جمل لو هب عايبنج فارجي
ميثا : أوكي خلاص باي
حكرتها أوني وسوتها صدق وتبا تطلع
عليا والجوهره يو صوبي وسلمو ..علي وجواهر بعد
قلت : زين ييتو كنت ملانه
جواهر : أنا اللي يبتهم محد كان يبا ييي أصلا
عليا : أمحق خرط والله
عموتي دشت : هلا والله هلا
سلمت عليهم كلهم .. وطالعت صوبنا نحن البنات
عمتي : بلاها ميثاني طالعه تنافخ
جواهر : ما سألتيها
عمتي : امبلى ، قالت روحي خل ينفعونج نونه وجوجو
جواهر : حشا خريطه أنا ما سويت بها شي أصلا
عمتي : تعرفون عاد ميثاني لازم تزيد ملح وبهارات ما ترتاح جذا الهنديه
كلنا ضحكنا على تعليق عموتي عن بنتها ..
عمي ومرت عمي وعمتي تمو يسولفون وعمو تكلمهم عني كنت أسمعها حرف حرف والدكتور شو قال .. بالفعل عندي فقر دم بس مو حاد الحمدلله لحقو عليه
سولفت مع البنات وعلايه ترمس عن خالد
قلت : صرعتينا تراج
علايه : سيرو لاه ها خلودي سيرته تفتح النفس اصلا
جواهر : وايد وايد وع مالت عليج وعليه
علايه : ما تستاهلون اصلا انتو اكلمكم عنه انتو ويه الحين حد يرمسكم ..
قلت لها : نشوف باجر جوجو بتصرعنا بعد عن ..........
قاطعتني جواهر : عن حبيب القلب الفارس المجهول فديته بعده ما يا
فهمت عليها : هذي بعدها ما تعرفه تمدحه عاد يوم تاخذه شو بتسو الله يعينا ..
سمعنا صوت الباب ينفتح بسرعه رفعت شيلتي منو يفتح الباب جذا ..
طالعنا صوب الباب شفت ميثوه ويهها أحمر يحليلها أكيد معصبه وخذت ف خاطرها من رمستي
عسب جذا فتحت الباب بدفاشه علني ما خلا منها ..
ميثا مستحيه ولأول مره فالتاريخ .. هي ميثا مستحيه محد يصدق هع ميثوه تستحي ..
ميثا : بنات تغطن .. عمي ولدك ياسر ياي
عمي : حياه خل يقرب
ميثا راحت صوب الباب جنها قالت له يدخل ودشت يت بسرعه مشغله نايتروس صوبنا ..
وهاجذا السالفه هع تستحي البنيه من يسور أونها صارت حرمه مصدقه روحها ..
ياسر دش : السلام عليكم
كلنا : وعليكم السلام
ياسر : اشحالج نوره انشالله بخير
قلت له : بخير ..
ياسر : اشحالج عمو ..؟
عمتي : بخير ولدي انت شخبارك ..؟
ياسر : بخير
عمتي : وينهم الباجي محد ياه
ياسر : يوسف مع الشغل تدرين عاد تراكم عليه .. وحمد عنده زام بس يمكن بيي .. وفهد شكله بيي عقب شوي ..
عمتي : هي زين اتصلت بهم محد يرد
قلت ل عمتي : عمتي اللي ما يبا ييي برايه ..
عمتي طالعتني بمعنى اسكتي شو هالرمسه ..
ياسر : هههه نورو دمج ناقص شكله مأثر ف عقلج
طالعتهم باستغراب محد عطاني اجابه ..
جواهر : تراج طايحه الصبح اليوم هب أمس بليل وكلهم كانو فالدوام محد يدري
طالعتها باستغراب : ارمسي لين باجر ما بفهم تراني
ياسر : أنا أقول عقلها صابه شي من الدوخه
طالعته ابتسم لي رديت له الابتسامه .. عيال عمي وايد طيبين وياي وايد يعاملوني كأخت ..و
أكثر .. خاصتا ياسر وجواهر وميثاني وفهد .. الجوهره ما تدري عن جواهر كيف اباها تدري عني أنا .. أما عليا مشغوله بالزهبه ..وحمد ما اعرف عنه ما يحتك فينا وايد ويوسف طول يومه برا نادر ما نشوفه الا وقت الأكل أو بليل لما أنا وجواهر نمر من الصاله ..
ياسر : ها هذا فهد وصل
رد ياسر عالتلفون ورمس فهد وقال أنا ف حجره رقم ...
ثواني الا وفهد دش وحمد معاه بعد ..
الاثنين : السلام عليكم ..
كلنا : وعليكم السلام ..
حمد : اشحالج نوره .. انشالله أحسن ..؟
قلت له : بخير ربي يعافيك ..
فهد : اشحالج نواري ..؟ ( وابتسم وطالع جواهر )
قلت له : بخير الحمدلله ..
وسلمو ع الباجين وقعدو شوي وسولفو
عمتي : حمد انت ما عندك زام اليوم ..
حمد : خلاص قبل شوي خلصت ..
قلت لعموتي : عموه لو تبين تردين البيت ترا عادي أتم روحي أنا ف مستشفى مكان أمان ..
عموتي جنها تخرعت : لالا شو تمين روحج وعندج اهل ، بعدين انتي أمانه ..
ميثاني : عادي عادي خليها عندج عسب نسرح ونمرح فالبيت ههههه
كالعاده ميثا سكتت من بعد نظرات حمد مسوي لها رعب هالانسان دوم الأخو العود جذا .. الحمدلله .. عموري وعدول أصغر عني أنا اللي اسكتهم هههه
ع عمور وعدول
قلت : عمي وين عمور وعدول ..؟
عمي : فالبيت مع علاوي عمور بغا ييي يشوفج .. عقب قال بيتم مع أخوه ..
فديتك عموري فديتك من الحين تفكيرك كبير ماشالله عليك والله نسخه من باباتيه ..
سولفو كلهم وبعد نص ساعه الشباب روحو وتمينا نحن البنات لأنه عمي راح صوب الدكتور ..
عموتي ومرت عمي قعدو يسولفون رواحهم ..
ميثاني : ماشالله حتى خواني ف صفج ابا اعرف انتي مغناطيس ولا فيج جاذبيه ..
قلت لها : أنا شيختهم نواري ..
جواهر : يا حافظ ..
قلت لميثاني : تعالي تعالي ،، شو استوا بج ..؟
ميثا : ههههه كنت قاعده ارمس ربيعتي فالتلفون اهني جدام الباب ، وكنت اسولف لها عنج ..
جان يسور ييي وشافني واقفه سألني شو تسوين ..؟ قلت له ارمس ربيعتي .. سألتي ليش طلعت
من داخل .......ياي يغار عليه ..
قلت : انزين كملي كملي ..
ميثا : جان أقول كلهم يمدحون نواري واغار أنا هع ..قال بمزح : لهالدرجه .. عاد يوم
يمدحوني أكيد بتغارين أكثر .. قلت له بسرعه وبالغلط : لالا منو يقول أغار عنك .. هع
وجان يطالعني مستغرب .. واستحيت وقلت : تراك ولد وأنا بنيه البنات بس يغارون من
البنات هع ..... وعقب قال سوي لي درب ..
قلت لها : ترقيعه شرات ويهج ههههه
ميثاني : شو دراني دمي تلخبط ف جسمي ..
قلت لها : هههه فاشله ف الأمثال ..
ميثاني : وانتي بعد هب أحسن عني .. كلنا فالهوا سوا ياماما
قلت لها : بس ع الأقل ما اقول امثال دامني ما اعرف
ميثاني : نورو صخي عني لو انج هب مريضه جان دست ف بطنج ..
قلت لها : خوفتيني وايد
عموتي : صخي انتي وياها .. وانتي حتى يوم ان البنيه مريضه تتضاربين وياها ..
قلت : يؤيؤيؤ قفطه ..
عموتي : وانتي بعد لا تضحكين تراج تتراددين يوم انج مريضه ولا فلعتج وياها ..
ميثا : هع هع قفطه ..
عموتي : شكلكن ما بتوبن عن سوالفكن ..
صخينا أنا وميثاني وطالعنا بعض ابتسمنا .. هههه
عقب ثواني ..
مرت عمي : يلا بنات نشو بنروح البيت
عموتي : وصلو بناتي وياكم ..
قلت : لالا خلو البنات عندي ملل
عموتي : بس زين ،، انتي مريضه والازعاج هب اوكي حقج ..
قلت لها : ويا ذا المرض متى ناوي يتركنا بحالنا زهقنا والله
مرت عمي طالعتني : يوم انج تسمعين الكلام ..
قلت : لو تخلصنا من المرض ييي دور النصايح ويوم نخلص من النصايح مادري شو ييي ..؟
ميثا : هههه استحملي
طالعت ميثا : بلاها البنيه صاخه ..
ميثا : ما تدرين يعني .. وغمزت لي
قلت لها : هههه .. والله وناسه يوم انكم ييتو هب الملل اللي كنت عايشتنه
ميثا : اسمحي لي عاد طفرت بج
قلت لها : عادي والله اصلا مافي حد ف الدنيا ما عرف اسلوبج
ميثا : أكيد .. أنا فيمس بيبل ..
قلت لها : وايد .. وأشرت على جواهر .. شلي هاي قبل ما افرها من الدريشه ..
ميثا : هههه يلا مع السلامه
سلمت ع البنات وطلعن كلهن .. تمينا أنا وعموتي رواحنا ..
ردت لي الأفكار .. له الدرجه أنا رخيصه يا يوسف عشان الشغل حتى ما كلفت ع روحك تزورني .. ما قلت عندي بنت عم بين الحيا والموت اروح ازورها .. ها الزمن يوم ابوي عايش
حاط لنا حساب والحين ابوي راح خلاص حتى الود راح معاه .. كل البشر جذا ..
هذا حالي لما اقعد روحي ترد لي هواجيس الذكرى .. أكره الوحده أكرهها لو بيدي جان أموتها
أجلعها من حياتي ... مابي اكون وحيده مابي .. تعبت يا ربييه تعبت .. لي متى بتم وحيده ..
وحيده ب حياتي .. وحيده ب عيشتي .. وحيده ب همومي .. وحيده ب دنيتي .. محد بهالكون
ناوي يشاركني في شي من ه الأشيا محد شكلي .. طول عمري بتم جذا اه
أذن المغرب صليت وعموتي صلت .. يابو العشا ما كان لي خاطر كليت غصب عشان ما اطيح
أكثر عن جذا .. لأنه خواني بيتعبون بعد معايه .. وهم محتاجيني الحين ..
عموتي : نواري خذي الدوا
مدت لي الدوا و خذيت الحبوب اش كثر حبوب يا ربييييه .. والله حاله هالحبوب ..
حطيت روحي عالوساده .. اه ه ه اش كثر مريحه .. ياليت لو بالنا مرتاح بعد ,, جان نمت نومه
ع الأقل هنييه .. مب دموع وألم الين ما تبتل الوساده ..
هذي أنا باختصار من بعد وفاة ابويه الله يرحمه اه با ربيييه ساعدني ..
حطيت راسي على أمل أرقد شوي سمعت صوت الباب يندق
غريبه منو ..؟ ........طالعت صوب الساعه ... الساعه سبع ماشي زيارة الحين منو ..؟
عمتي قامت عسب تروح تشوف منو ..؟
عموتي يت مره ثانيه صوبي : نواري البسي شيلتج يوسف ..
امممم شو يبا فيها يوسف .. بنشوف الحلقه اليايه ..تعليق
-
رد: روآيه , بسمه من شفاتك تموتني وتحييني , !
الحلقه التاسعه ..
استانست عن خاطر لبست الشيله بسرعه .. يا ربيييه يوسف ياي يزورني .. يوسف لأ ما
أصدق .. والله اني ظلمته ب تفكيري ..
قطع علي تفكيري : الحمدلله ع السلامه ..
رفعت راسي : الله يسلمك ..
يوسف : اشحالج نوره ..؟
قلت له : بخير الحمدلله ..
عمتي : حياك يوسف .. اقعد
يوسف : لا عمتيه تسلمين .. بس ياي أشوف أوراق المستشفى واتطمن على نوره ..
عمتي : اقعد انزين ما يصير تروح بسرعه
يوسف : لا عمتي .. بروح أن وراي شغل وأوراق ..
عمتي : العمر يخلص والشغل ما يخلص ..
يوسف : صدقج .. يلا عاد تقومين بالسلامه نوره ..
قلت له : تسلم ..
يوسف : صح نوره جهزي روحج باجر الصبح بيظهرونج
قلت له : انشالله
يوسف : يلا فمان الله ..
قلنا أنا وعموتي : فمان الكريم ..
وراح .. ليش يا يوسف ...؟ ليش تسو جذا فيني حرام عليك والله اني بشر مثلي مثلك أحس و
أصيح .. وأقدر أقسى بعد لأني بشر ..
حتى ما كلفت روحك تقول ياي أزورج .. على طول في أوراق لازم أخلصها .. طول عمرك
أناني همك شغلك وبس .. أما انا لأ ما تفكر فيني .. أكيد .. شو تبا في وحده منتفه ما عندها شي
ع الأقل شغلك منه فايده .. تكسب من وراه أما أنا لأ بزيد بلاك ..
بس كثر الله خيرك يا يوسف ع الزياره .. حتى ولو هي مو لي أنا .. ل اجراءات المشفى .. بس
مرورك وربي .. يعني لي الكثير .. عاد لو يلست شو كان بيعني لي ..
عقب تفكير شفت عموتي تقرا قران ابتسمت لها ,, وحطيت راسي على أمل تشرق شمس يديده
ب حياتي .. يمكن تهون مصايبي .. وأنسى همومي ..
....
صحيت على صوت الممرضه وهي تسحب ابره المغذي اللي بالوريد ..
نزلت دموعي .. تذكرت يوم وفاة أبوي .. الغالي .. كيف كان يوم مؤلم ومحزن ,, يوم اني
فقدت ظهري وعزوتي وسندي ب هالدنيا ..
طالعت برا بالفعل شمس يديده يوم يديد يعل كل شي اليوم يكون سعيد .. يا رب هون علي مصايبي .. ما عدت أستحمل خلاص ..
شفت عمتي يت صوبي : ها تعورتي
قلت لها : لأ بالعكس ما تعورت شكلي تعودت ع المغذي الفتره الأخيره
عمتي : كلي عدل ، وبتنسين شكل هالمغذي
قلت لها : عمو متى بيظهروني
عموتي : الساعه 11 الضحى
قالت لي : يلا الحين بيبون الريوق تريقي ..
تريقت وتميت عقب واقفه صوب الدريشه أطالع برا .. كيف الناس رايحه راده .. الحياه ما
توقف عند شي واحد .. الحياه ب تستمر وتستمر لازم أنسى لازم .. أعيش حياتي .. أبوي ما جد
يوم بين لنا حزنه .. لازم انتحل شخصية ابوي الحين .. خلاص لازم اكون قويه ب هالدنيا
الضعيف ما يقدر يعيش .. .. ..
سرحت ب أفكاري .. وسمعت صوت عموتي يوم تقول نواري تعالي نطلع
استانست .. مشينا فالممر مشينا ومشينا .. طالعت صوب الحجر
كل هالحجر فيها مرضى .. يمكن حالتهم أخس عن حالتي .. وحياتهم أردى عن حياتي ..
الله يشفي الجميع .. محد يحس بالثاني الا يوم مصيبته تكون شرات مصيبة الثاني ..
مرينا ومرينا بين هالممرات وياسر كان يدامنا ومعاه الأغراض ..
عمتي : نواري سيري السياره الحين بيي بس باخذ ورقة الدوا عن الدكتور ..
قلت لها : لأ بتم وياج
عمتي ما عارضتني وتميت وياها
كنا واقفين نتريا النيرس تيي صوبنا وتدخلنا صوب الدكتور ..
تعبت من الوقفه كان فيه يلسه قريبه رحت قعدت وتميت سرحانه ب عالمي ما أدري شاللي
يصير حولي ..
بس سمعت صوت خلاني أصحى ..
............: نوره ..
يا ربييييييييه اش كثر مشتاقه ل هالصوت اش كثر يعني لي ه الصوت ..
صديت يميني ابتسمت : هي نوره .. ما غيرها
............: شخبارج حبيبتي شو مسويه ..؟
قلت لها : انتي أدرى بالحال ..
طالعتني بحزن : أحسن الله عزاج
قلت لها : الدوام لله ..
قلت لها : انتي شخبارج سولفي لي عنج .. من زمان عنج شواخ حتى ما تدقين
شيخه : أدق على بيتكم محد يرد
قلت لها : خلاص يينا دبي
شيخه : هاه .. ودرتو الشارجه خلاص ..
قلت لها : منو عندنا فيها عسب نتم ,, خلاص ابوي وراح ..
شيخه : خلي ايمانج بربج قوي وربي بيعوضج
طالعتها : انشالله ... ها شاللي يايبنج المشفى عسى ما شر ..؟
شيخه : حرمة أخوي ربت
قلت لها : مبروووك حبيبتي .. هذا حال الدنيا يوميا تموت ارواح وتيي ارواح ..
شيخه : صدقج ،، شاللي يايبنج انتي ..؟
قلت لها : هه صار لي فتره يرقدوني دوم .. عندي فقر دم
شيخه : هاه أويه صاحيه انتي ..
قلت لها : شو تبيني اسوي شيخه انتي أكثر وحده تعرفين ابوي شو كان يعني لي ..
شيخه : نوره انتي ايمانج قوي لا تستوين جيه .. وبعدين المدارس الأسبوع الياي لازم ترتاحين
وتصيرين أوكي
قلت لها : هذا اذا كملت ..
شيخه : نوره انتي مو نوره اللي أعرفها
قلت لها : يصير خير .. أباج تسلمين ع البنات وايد واستسمحي لي منهن اذا بدر مني اي خطا
شيخه : انشالله بس انتي ردي نوار الأوليه وكل شي تبينه بيصير
قلت لها : انشالله
يودت كفها وقلت : يلا شواخ مع السلامه جنها عموتي طلعت من عند الدكتور ،، ديري بالج
ع روحج
قالت لي : انشالله وانتي بعد .. لا تنسيني نورو .. اتصلي بي عسب اعرف رقمج
طالعتها . اوكي
ورحت صوب عمتي لفيت شفت شيخه ابتسمت لها ..
ورحنا أنا وعموتي السياره
عمتي : نوره هاي شيخه
قلت لها : هي ، كيف عرفتيها ..؟
عموتي : أحيدها تيي بيتكم كانت
قلت لها : هي دوم
عموتي : شكلها بنت حلال وطيبه
قلت لها : وايد ،، بس دوم الزمن ياخذ عنا الطيبين .. لازم ما نتعلق بهم
عموتي : نورو صخي عني روحه راسي يعورني من رقاد المستشفى
قلت لها : قلت لج ردي البيت
عموتي : كنت برد بس انتي ما تهونين عليه ..
قلت لها : هههه له الدرجه غاليه أنا ..
عموتي : يسور شغل قران خل هاي تصخ عني ..
وصلنا البيت نزلت
سلمو عليه البنات شفت عموري ورحت روحي صوبه سلمت عليه
عموري : الحمدلله ع السلامه
قلت له : ربي يسلمك
عموري : أنا زعلان منج
قلت له : له له جيه حبيبي ..؟
عموري : دوم تخوفينا عليج
قلت له : هههه فديتك أنا .. بس ها من قلة الأكل تراه والله عشانك ،، لو تباني أكل أكل بيت عمي كله باكله
عموري ابتسم أشر لي وراي ،، صديت .. شفت عدول واقف ويمبه علاوي
عدول : نواري ......... وياه ركض وحضنني
قلت له : فديتك أنا هههه
عدول : نواري .. انتي مب شاطره عمو تقول ما كليتي ودوج المستشفى عطوج ابره
قلت له : هي انت كل عسب ما يعطونك ابره أوكي
عدول : انزين ,, أصلا أنا ما أحب الابره تعورني
كلنا ضحكنا على تعليقه
البنات كانو قاعدات يسولفن .. عموتي قعدت يمبهن ،، يت مرت عمي صوبنا ..
مرت عمي : نواري سيري اسبحي وارتاحي الين الغدا يجهز
قلت لها : انشالله عمو
قلت : عن اذنكم بنات
ميثاني : أكيد اذني وياي لو تشلينه كيف بسمعج هاه خبريني ..؟
طالعتها : هههه تراني توني طالعه من المستشفى ارأفي ب حالي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,
رحت الحجره تسبحت وتجهزت وكشخت شوي لأنه يغير النفسيه ,, طالعت ايدي فيه عليه
علامة المغذي .. حاولت أمسحه لما مسحته خلاص ..
وصليت الظهر .. بغيت أحط راسي ارتاح .. سمعت صوت جواهر تزقرتي عسب نتغدا
قلت اذا ما بتغدا بحصل على محاضره طويله عريضه .. انجو بروحي أحسن لي أروح أتغدا ..
طلعت شفت ميثاني وجواهر وعلايه والجوهره يحطون الغدا ... رحت عسب اساعدهن ...
جواهر يت سحبتني وقعدتني .. : ما شي ماشي .. يلا مناك
ميثا : هي مريضه وتشتغل ، تباهم يذبحونا ويقولون شغلتوها بعد
طالعتهن : هههه خلاص بقعد انزين كليتوني بقشوري ..
قعدت وتغدينا كنت أكل غصب عني حسيت روحي مب مشتهيه هاك الزود ..
عقب الغدا ..
عموتي : ميثا سيري يي جيسة الدوا
ميثا : انشالله
عموتي : وانتي جواهر سيري ييبي ماي
جواهر : انشالله
عموتي : وانتي ...
علايه : لا لا ما بتحرك ..
ميثا : هي محد يتحرك شكلنا بنصير خدم عند الانسه نوره
طالعتهن وتميت أضحك على عبط ميثوه .. يابو لي الدوا و خذيته حسيت روحي هلكت
قلت : بسير برقد انهد حيلي
جواهر : ماشالله ما شالت صحن ، ما ادري من شو انهد حيلها ..
قلت لها : يوم اصير اوكي تعالو راددوني بنشوف عقب
عموتي : زين تسوين فيهن يا بنت خليفه
بنت خليفه ما تدري عمتي اش كثر أثرت فيني هالكلمه اثرت بي وايد وايد اه يا عموه أه فتحتي
لي جروح كدت أنساها لمدة ثواني لا أكثر ..
بس شكلي حتى ثواني ما بنساها ..
طالعتهن : رايحه ارقد ..
الكل : نوم العوافي ...
رحت حطيت راسي ع المخده ما بين ارتياح وألم ، ما بين فرح وهم ،،، مدري هذي ايام حلوه
ب حياتي ولا سيئة .. طول عمري لما اقول هذي اخر همومي تبتدي بي هموم غيرها وأكبر عن
اللي قبلها ..
00000000000000000000000
جواهر : نورو بسج رقاد قومي بيأذن المغرب
قلت بتكاسل : جواهر خليني راقده
جواهر : نوره قومي يلا عن الدلع
رفعت راسي طالعت الساعه تخرعت : أويه طافتني صلاة العصر
وقمت بسرعه رحت تغسلت وصليت العصر عقب طلعت مع جواهر برا ...
قعدنا نسولف الكل يبا ينسيني همي .. وغمي والكروب ,, بس ما يدرون ان ها مستحيل ..
مر الوقت بسرعه عقب العشا خذيت الدوا ورحت أرقد .. لأنه الدوا يرقدني بسرعه ..
رقدت .. بس حسيت في شي يطعني .. يبي يذبحني .. حسيت نفسي بيوقف ..تعليق
-
رد: روآيه , بسمه من شفاتك تموتني وتحييني , !
قمت وتميت .. اهز جواهر
قلت . جواهر جواهر قومي
جواهر ما سمعتني فالبدايه بس لما حست فزعت : نواري شو فيج
قلت لها : جواهر قلبي يعورني وايد
جواهر طلعت بسرعه بغيت أقوم بس كثر ما أحاول ما اقدر .. في شي مانعني ..
دخلت مرت عمي وعمي بعد
عمي ياه صوبي : نواري فيج شي ..؟
قلت له وأنا أصيح : عمي قلبي يعورني
مرت عمي : جواهر بسرعه ييبي الدوا الأصفر وماي
قلت وأنا أصيح : أبا ابوي ييبو لي ابوي ابا ابوي
حسيت روحي دايخه ما اعرف شو يصير حولي عمي ناولني حبة الدوا وخذيتها حسيت روحي
غبت لدنيا ثانيه لحظات وارتحت وحطيت راسي .....
قمت الصبح وأنا متكاسله رحت تسبحت ونزلت اتريق شفتهم كلهم قاعدين اليوم يوم الجمعه .. صح !! شو اللي خلاني أنسى
قلت : السلام عليكم
الكل : وعليكم السلام
شفت حواليني شفت الساعه ..........لأا أنا ل هالحزة راقده شو صابني
قلت : عموتي مزنه جيه ما وعيتيني ..؟
عموتي : تراج امس بليل تعبتي وايد تميتي ساعتين وشي ناشه ..
قلت لها : أحيد اني تعبت بس هب ساعتين وشي
جواهر : تعالي تعالي تغدي
رحت وقعدت يمبها عالسفره
جواهر : ما خليتيني ارقد حشا
قلت لها : صدق ساعتين وشي ..
جواهر : حتى ماما تمت راقده عندنا .. تقرا عليج
استغربت وتميت اكل ..
يوسف : ترا ها طبيعي من فقر الدم ونقص التغذيه
طالعت صوبه ورديت اكل .. شو السالفه ل هالدرجه فقر الدم متعبني ..
عقب الغدا كلنا قعدنا فالصاله حتى أولاد عمس ياسر طلع بس يوسف تم ..قاعد ..
عمي : نوره تراني نقلت أوراقج ..
طالعته باستفسار : مال ...؟
عمي : المدرسه
قلت : ما بكمل
عمي : نوره شو هذا في حد ما يكمل دراسه
طالعته : أنا ، فيها شي
عمي : نوره اعقلي وبلاها هالحركات
قلت : عمي دراسه ما بكمل قلت لكم .. خلاص
يوسف : ممكن أعرف شو بتستفيدين من قعدة البيت غير الصداع والتفكير .. وحالتج النفسيه
ب تتعب أكثر وأكثر ..
قلت له : كيفي أحب القعده ف البيت
عمي : نوره لازم تكملين دراسه ، باجر عمور وعدول يطالعونج ويمكن يحايدونج ويسون نفسج
قلت : بشوف
يوسف : نوره تدرسين يعني تدرسين
قلت : قلت لكم بشوف
عمي : نوره واذا أنا طلبتج يلا عشان خاطري .. وبعدين الا هم كم شهر وبتخلصين واذا تبين
تكملين جامعه برايج بس المدرسه لازم تكملين
قلت له : خلاص بكمل بس أي مدرسه
عمي : مدرسه حكوميه .. اهني صوبنا
قلت له : يعني ما برد الشارجه ..؟
عمي : شو تبين ف الشارجه ما عندج حد اهناك ..
جواهر : بابا نواري بتيي مدرستنا أنا وجوجو وميثاني
عمي : لأ ، العدد عندكم مكتمل نقلتها مدرسه ثانيه ..
قلت له : عمي أبا مدرسه خاصه
عمي : والله بغيت أدرسج ف مدرسه خاصه بس يوسف مب راضي
قلت له : بس بابا كان راضي جيه يعني يوسف هب راضي
عمي : يصير خير الا هم كم من شهر
اكتفيت بالسكوت .. يالله ها حال الدنيا لين وين وصلنا .. وين كنا وين صرنا .. صدق الدنيا
دواره وغداره بس نحن ما اخطينا ليش الزمن جاسي علينا ..
جواهر : عاد منو بيودينا اليوم السوق نشتري أغراص المدرسه
يوسف : أنا مشغول شوفو ياسر
جواهر : أوكي .... نواري بتيين ويانا
قلت لها : لأ تعبانه وايد
يوسف : خلاص باجر سيرو كلكم رباعه
يوم أهمه ويوم ما أهمه .. كيف جذا كيف يعني لازم يقر على شي واحد مابا أعيش مابين نارين
قلت : لأ انا ما بسير
يوسف قبل ما يطلع قال : نوره ترا الحياه ما توقف عند شي واحد .. وطلع
استغربت من كلامه
مرت عمي : نواري اهتمي ف روحج انتي وايد مهمله روحج .. انسي بسج خلاص حرام اللي تسوينه ف روحج
طالعتها .. بالفعل بسني عذاب بسني الم وقهر .. دموعي جفت من كثر الصياح والتحسر ..
لازم أعيش حياتي بسني هموم و مواجع .. ليش الانسان كم بيعيش ..؟ في هالدنيا ،،
يوم الجمعه العصر قعدنا كلنا فالحوي أنا وجوجو والجوهره ومرت عمي وعموتي يت وبناتها وياها كان الجو وايد حلو ..
قعدنا نسولف حسيت الوقت راح بسرعه بسرعه .. أذن المغرب دشينا داخل صلينا عقب نحن البنات رحنا صوب واحد وقعدنا نسولف وعلايه راحت الحجره ترمس حبيب القلب هههه..
أما الجوهره راحت صوب حجرتها وقعدت روحها
ميثاني : بنات اليوم رحت شريت أغراض المدرسه
جواهر : ونحن بنروح باجر
ميثا : نواري ها شو صار حق المدرسه ..؟
قلت لها : نقلت دبي
ميثا بفرح : صدق ،، وأخيرا بتيين ويانا
قلت لها : لا تفرحين وايد ترا هب مدرستكم ,, مدرسه ثانيه
ميثا : اوه شيت ..
قلت لها : تعالو تعالو نسيت أسألكن هاك اليوم أنا كيف طحت وديتوني المستشفى
جواهر : الله يسلمج بليل أول ما ييت الحجره شفتج راقده وحمره .. حرارتج كانت مرتفعه عقب
يوم حطيت لج كمادات ما خفت الحراره جان أوعيج .. قمتي بس كنتي تهذرين وايد حتى ماما
خافت وقالت حق بابا وديناج المستشفى ..
قلت لها : شو كنت أهذر
جواهر : يعني بلا عن شو بتسولفين هالفتره انتي
قلت لها : خلاص خلاص عرفت
ميثا : بس الفير خبرونا في بيتنا
جواهر : هي ترا الفير وديناها ..
قلت : بندو ع السالفه تراها تلوع ب جبدي
جواهر : بنات تقرون روايات ه الفتره
ميثا : قطعو عنا النت وحمد ما طاع يدفع الفاتوره عقاب
جواهر : جيه كم شهر مب دافعين
ميثا : طول الأشهر اللي طافت لأنه حمد يتريا متى يقطعونه
قلت : الله يعينكم انتو ياللي عندكم خوان كبار ههه
ميثا وجواهر : صدقج هههه
جواهر : انزين ب حمل لج روايات على ملف ورد
قلت : هي حملي لها من محمل الروايات مال نور الامارات
جواهر : هي أي روايه تبين برمس يتيمة زايد وتسوي لج اياها على ملف ورد
ميثا : أوكي عقب بنشوف
جواهر : وانتي نواري ما بتقرين
قلت لها : لا لا صار لي فتره قطعت قاعده اسوي شي ثاني
جواهر : الله يستر ، حاسبي ترا يوسف يعرف يطلع الي نسويه من امعاء الكمبيوتر
ميثا : ههههه حلوه أمعا هاي
جواهر وأنا : ههههه
قلت : لا تخافين شريفه وربي ما أسوي شي غلط ،وأنا قبل ما اخاف من اخوج أخاف من ربي
............: ونعم والله
صديت وأنا مستانسه لأنه وصل على ه الجمله
......: هاي التربيه ولا بلاش
قلت له : فديتك أنا .. وانت بعد خاف من ربك قبل لا تخاف عني
عموري : أكيد ..
ميثا : تراك كبرت شوي لازم تستأذن قبل ما تدش صوبنا
قلت لها : حرام عليج أخوي بعده صغير لا تقولين جذا تخربين عقله
جواهر : هي هو الحين ما يركز عقب يوم تقول جذا يحاول يركز ..
قلت : بنات انا بسير برتاح شوي أحس روحي مدوخه
ميثا : سيري سيري عن تطيحين علينا عقب مب ناقصه خالي يطردني من بيته بعد
قلت لها : هههه يسويها عشان خاطر نواري
جواهر : مو بعيده يطرد بنته بعد
طنشت تعليقات جوجو ومي مي اللي في حياتها مستحيل تخلص ..
رحت ريحت الين حزة العشا عقب تعشيت وقعدت مع البنات ربع ساعه وييت رقدت لأنه
الحبوب تنعس وايد ..
صحيت على صوت جواهر : نواري نشي تريقي ترانا بنطلع ونتغدا برا ..
قلت لها : مابا أبا ارقد
جواهر سحيت عني البطانيه : نورو نشي يلا
قلت لها : أوكي أوكي
قمت تسبحت ولبست ع السريع ونزلت اتريق
شفت عمي وعمتي أم يوسف
قلت : صباح الخير
عمي وعمتي : صباح النور
عمي : ها شخبارج .. انشالله ما تعبتي أمس ..؟
قلت : لا الحمدلله بخير ..
عمي : يلا سيري تريقي شكلكم بتتطلعون
قلت : انشالله
رحت فتحت باب المطبخ شفت جواهر
قلت : جوجو صدق الحين بنطلع
جواهر : هي نتشرا حق المدرسه وبالمره نغير جو
قلت لها : صدقج احس روحي مختنقه كارهه حياتي
جواهر : يلا بسرعه تريقي بنطلع
قلت لها : اوكي تريقنا وعقب شلينا ريوقنا ورحنا نتلبس عسب ب نظهر
جواهر : صدقج بتلبسين ها ..؟
قلت لها : هي شو فيها
جواهر : لا بس ، عباتج ساده مو حلو جذا
قلت لها بضيق : شو تبيني البس مطرزه وابوي ما صار له يمكن اكثر عن اسبوعين متوفي
جواهر بحزن : صدق ..
طلعنا من الحجره رحنا شفنا ياسر ويوسف قاعدين ف الصاله مع عمي وحرمته ..
ياسر طالع صوبنا : الجوهره ما بتيي
جواهر : لأ ، قالت ب تقعد ترتب كتبها وجذا
ياسر : انزين يلا
يوسف : جواهر
جواهر : نعم
يوسف : غيري هالعباه
جواهر : ليييش ..؟
يوسف : قلت لج غيريها .. وبعدين شوها لابسه بنطلون تحت عباه مفتوحه .. سيري غيري العباه أو البدله ..
جواهر تنافخ : انزين
حرمة عمي : أنا جم مرة قلت لها ما تلبس بناطلين لو العباه مفتوحه .. تقول قميصي طويل
يوسف تم ساكت ويطالع تلفزيون اترييت جواهر راحت لبست تنوره وقميص بس ما غيرت العباه صدق غبيه هالبنيه الحين ما اعرف كيف بتتسوق مع التنوره مالها هههه
ياسر : يلا بنات ، يوسف مرهن عقب انزين
يوسف : أوكي خلاص انت وصلهن وخل وحده تتصل بي
ياسر : أوكي خلاص
طلعنا رحنا المركز نشتري اغراض المدرسه و خرابيط بنات
ياسر : جواهر نوره ، كملو رواحكن أنا الحين لازم اسير
جواهر : جيه يايبنا دام يتودرنا
ياسر : لازم اروح بوظبي الحين يلا وراي شغل .. أو ما تخلصون اتصلو ب يوسف
جواهر : انزين ..
ياسر طالعني : نواري ديري بالج ترا أختي رقله عادي تسو أي شي
طالعته : هههه ل هالدرجه واثق فيني
ياسر : قلت يمكن أعقل عن جواهر وميثا
طالعت جواهر وجواهر طالعتني حسينا روحنا فهمنا بعض .. ياسر قال ميثا .. هي ميثا ..
لو ميثاني ب تدري بتطير من الفرح ..
ياسر : يلا مع السلامه
جواهر : الله وياك
.....
جواهر : نورو نتصل ب يوسف
قلت لها : لا يوم نخلص
جواهر : لا بتصل به الحين خل ييي ويشوفونا هب مخلصين ويعصب
قلت لها : يا حبج ل تطفير الخلق أعوذ بالله
جواهر : يلا ، تراني بدق
سحبت الفون عنها : هاتي هاتي ..
جواهر سحبته عني : قومي لاه ، بتصل به يعني بتصل به
قلت لها : هاتي الفون جواهر لو اتصلتي يا ويلج
جواهر سحبت الفون جان يطيح ع الأرض وصوت
غمضت عيوني وفتحتها : ها انكسر
جواهر : لا بعده .. الحمدلله كله منج
قلت لها : لا والله بس زين سلمتي ..
جواهر : كله منج ، بس بتصل يعني بتصل
طالعت حولي : جواهر يالفضيحه الناس كلهم يطالعونا
جواهر : يولون شو يعني ..
...........: منو اللي يولي ..؟
طالعنا صوبه انصدمنا حتى جواهر انصدمت ..
..........: غربلاتج حتى اهني تتضاربينتعليق
-
رد: روآيه , بسمه من شفاتك تموتني وتحييني , !
استمتعوا مع ه البارتات , واسفة لاني تأخرت , المنتدى ما كان يفتح
تعليق
-
رد: روآيه , بسمه من شفاتك تموتني وتحييني , !
مشكوره على البارت
ويعطيك العافيهتعليق
تعليق