تويت
حاجز المألوف
ما شي تغير .. يحطم حاجز المألوف
اليوم مثل أمس .. بالاحزان طاويني
هم(ن) يجدد .. ونار(ن) تشتعل بالجوف
ما تنطفي .. لو بحار الأرض تاويني
وش عاد أبرجي و وعدك بالخطر محفوف
بعض الصبر ذل .. وبعضه ما يواسيني
صبرت واضحى معك كل الصبر مأسوف
منك يجيني أسى .. مهما تصافيني
شافتك عين الألم غيمه مطرها خوف
عيني بها .. والظما يبس شراييني
مثل السراب انت ما تروي عطش ملهوف
أنا أسأل الله من حبك يعافيني
ولا أشوفك بقربي .. تنكر المعروف
ميت ضميرك .. ولو صوتك يناديني
أنا اشهد انك عيون(ن) شوفها مكفوف
لا خير لي فيك .. والأحسن تجافيني
شعر : عبدالله صالح العمري
تعليق