ابيات اعجبتني وحبيت انقلها

اتمنى تنال على اعجابكم
7
7
7

يا يمه وش يقول اللي فقد له واحد يغليه


................................................. يهل الدمع .. يشق الثوب .. وإلا يصبر بحاله

كسير .. ويكسر الخاطر.. يحس إن الزمن ناويه

................................................. يسولف دايم لنفسه .. بأن الموت .. أشوى له

يسج شوي .... ويطري له .. كأنه قاعد يناديه

................................................. يفز ويلتفت صوبه .. ولا يلقى سوى ظلاله

تضيع سنينه ما يدري ... وأيام العمر تطويه

................................................. مثل طي الورق وأقسى .. على سعووود وأمثاله

هقيت الحظ ما ينسى .. سوالف يوم أنا هاويه

................................................. وأثر الحظ ما يعرف .. يمين العشق وشماله

نسيت الناس والدنيا .. وكل الناس ما تساويه

................................................. وأنا من يوم حبيته .. عرفت الحب وهباله

قوى الفرقا .. وهو يدري .. غيابه ماني بقاويه

................................................. وأنا اللي كلما صديت .. يزيد الحب وأهواله

نسى .. ماأدري .. قسى .. ماأدري .. سوالف تيه

................................................. يتوه القلب ويتساءل عن المحبوب .. وش جاله ؟؟؟

مشيت الدرب وأردد .. ألا ياهيه .. وينك هيه ؟؟؟

................................................. وألعن ساعة الفرقا وقلب الحب .. وأحواله

(( أفا .. لا يكون سوّاها .. نساني وإبتعد .. لا أجيه ))

................................................. سوالف بيني وبين نفسي .. بعد ماطال ترحاله

أحبه وأعترف عاشق .. أفز لشوفته .. لبيه

................................................. ألا يا حظ من شافه .. ومنهو جالس قباله

تفارقنا وأنا للحين بس أسولف بطاريه

................................................. وأقول .. يا قلبي الطيب .. عسانا نطري ف " باله "

كسير .. وأكسر الخاطر .. وقلبي هايم ويغليه

................................................. وأحس إن الزمن قاسي .. على سعوود وأمثاله



تحياتي

جولي