تويت
لاغاب صوتك طاري الشوق ماغاب
وأشفق على همسك ، ولذة طواريك
وحكي الغرام ، ومسمعي منك لاذاب
وأحلامك الورديه ، وصدق أمانيك
وحضن الندى للزهر باسباب العتاب
ومجادلك ، ومعاندك أو تحديك
إني حياتك .. والرجا بي ماخاب
وإني أحبك موت .. وأتبع خطاويك
وأقول : أنا بتعبك في درب الأحباب
دامك ضياء الدرب والحب يضويك
لأنك حياتي ياغناتي وأنا كتاب
وحروف إسمك تسكن أوراق مغليك
أحيان .. يعزف بك غلا .. يقفل أبواب
وأحيان .. يعزف بك إذا مر طاريك
من الوله مايسكب أكواب وأكواب
حلو المعاني مع صدى عزف هاويك
وأسقيك عذب الشعر وأسقيك ماطاب
من الكلام اللي تحبه ويرضيك
ونسهر على بيض النوايا ، والإعجاب
والشوق ، والحب الحقيقي ، وأغانيك
لكن متى ترجع .. متى الدمع ينساب
وينك ترى طول مفارقك .. وش فيك
تعال .. أبحكيلك .. معاناة الغياب
تعال .. أبشكيلك .. عنى .. شي يعنيك
قلب عطى كل البشر كلمة .. أغراب
وسماك بس إنت القريب .. وحواليك
طارت من أعماقه .. أحاسيسه .. أسراب
وصرت السما .. لاصدق أحاسيس .. تغنيك !
لايطول غيابك .. ترى الشوق ماغاب
وببقى كذا .. مشتاق .. لين ألتقي فيك
مما راق لي ..
تعليق