انت غرامي وجنوني/رومنسيه وكامله..

**لحن آلأمل** · 02-03-2011, 03:01 PM

رد: انت غرامي وجنوني/رومنسيه وكامله..

اهلي وامشيهم بدري من خوفي....تعوذت من ابليس ورحت اصلي الفجر
بعد ماخلصت نزلت للمطبخ وسويت صينيتن حلا ..وسلطات...وكان
بالفريزر ورق عنب ملفوف وجاهز طلعته وطبخته..وجهزت القهوة
والشاي... خلصت وقصرت ع النار للورق ورحت البس واجهز
ملابسي وملابس جنى...كانت نايمه..تركتها لحد ماخلص...جهزت
شنطتها واغلب ملابسها ملابس شتويه الاطفال يبردون حيل...وانا
اخذت لي جينزات..وتيشرتات..لاني من النوع يالي يحتر بسرعه
...خلصت ولبست ...صحيت جنى..وجننتني لانها ماتحب حد يصحيها
من النوم...لبستها وسرحت شعرها..شلتها وشلت الشنط وعبايتي ونزلت
الشغاله جهزت الاغراض وحطتها باكياس وسلال القهوة والشاي
ع الساعه 7 بالضبط تحركنا ..كنا كلنا بسيارة الجيب تبع سعود..
عمي كان جالس قدام ...وورى انا وخالتي ومزنه..والمرتبه الخلفيه
مشاعل..وجنى وولد سعووالشغاله...كان ودي اجلس مع مشاعل
..بس ركبت الشغاله قبلي..واظطريت اجلس جنب مزنه...
وصلنا وكان ورانا عيال عم سعود..جلسنا بالسيارة لحد ماركبوا الخيام
وسنعوها.. وحطوا اربع خيام..خيمتين للحريم وخيمتين للرجال...نزلنا
وكان جو البر خيال...والمنظر رهيب...نزلنا الاغراض ورتبنها..
وعزلت قهوة الرجال والحريم والحلا حطيت لنا وللرجال..بعدها
تطمنت ع جنى يوم اخذتها خالتي بحضنها وطلبت منها ماتخليها
تنام ع الارض.. وطلعت برانا ومشاعل والبنات نتمشى....
العنود: وعلومتس يارغد
رغد: الحمدالله وانتي
العنود: تدرين كان من زمان خاطري اجلس معتس واسولف من كثر
ماشعوله تسولف عنتس
الريم: تدرين رغد ..قبل لاعرفك حقدت عليك
رغد"باستغراب": ليه
الريم: لانك اخذتي شعيل منا ..بس يوم عرفتس وربي تنحبين
رغد"بخجل": تسلمين
مشاعل: بس خلونا نجلس هنا
البنات : اووك
سعاد: الا وش اخبارتس مع سعود
رغد"مارتحت لها.. اكيد ماراح ارتاح وهي اخت مزنه..": الحمدالله بخير

**لحن آلأمل** · 02-03-2011, 03:02 PM

رد: انت غرامي وجنوني/رومنسيه وكامله..

سعاد: ايه بس لازم تعلمين بنتك انه مهب ابوها..وابوها وليد الله يرحمه
رغد"حقدت عليها يوم ذكرتني اني فقدت وليد":................
مشاعل: سعاد..مهوب شغلتس تعلمها ولا لا وفكينا من سوالف العقارب
سعاد"بغيض": طال لسانتس ياشعيل.. ولا خربتي من بعد "وتناظر
لي"
مشاعل: سعاد..دام النفس طيبه اسكتي احسن لتس
رغد"تضايقت شوي يعني عند الحريم مزنهمزنه وهنا هي ..بس قررت اني
ماهتم لوجودهم ولا كلامهم...سولفنا وضحكنا والصراحه حبيت العنود
والريم كانوا بالحييل فله ورهيبين....دخلنا الخيمه وجلسنا ناكل الحلا
والقهوة...والكل يسالني عن طريقته...
غزلان: اقول يابعد حيي انتي وراتس ضعفانه كذا اخبر الزواج يسمن
رغد:هههههههههه مدري انا هذا جسمي من يومي بنت
غزلان"بنت عم سعود..متزوجه ولد عمها وعندها 3 اولاد وبنتين":يابختك
انا من جبت عزام..ومير اني صايرتن فيله
رغد" ضحكت ع تشبيهها ":ههههههههههههههههههه
مزون: ياويل قلبي ياغزلان ..والله اني ابصم لتس رجلتس مبسوط
وانتي كذا ياختي رجالنا تفكيرهم قديم للحين ..الا بالله ناظرو فيني
بطه جالستن تمشي ..ويقول يبي لك تسمنين زود ..اسمن وين اروح
الكل:هههههههههههههههههههههههههههههههه
مزنه: انا رجلي سعود مايعجبه .."تناظرني":البنت تكون يابسه اساليني
عنه ولا وش يصبر الرجال ع حرمه مهيب عاجبته...شوفي كم سنه
وانا معه..
مشاعل: ايه والدليل ماصدق طلقتس وتدبس فيتس بحملك لا اقل ولا اكثر
مزنه"رافعه حاجبها":انتي وبعدين معتس اكلت عقلتس هالحضريه اشوف
ونسيتي اهلتس وناسك وصرتي تقوفين معها وتطلعين اسرارنا للي يسوى
وللي مايسوى
رغد"قهرتني بكلمتها ونظرتها":والله يالي تبي بيتها يكون مصيون ولاتبي
تطلع اسرارها ..تنكتم وتقر ببيتها وتعامل الكل باحترام وتترك "وبنغزة"

**لحن آلأمل** · 02-03-2011, 03:02 PM

رد: انت غرامي وجنوني/رومنسيه وكامله..

حركات النشل من هنا وهناك والكلام لك ياجارة
الكل سكت من بعد كلمتي ومزنه شالت عبايتها وطلعت ووراها اختها
وخالتي ام راشد..ماعجبها كلامنا قدام الكل ..عاتبتني وعاتبت مزنه
مهما كان مانتكلم كذا قدامهم........
مشاعل"بفرحه: وربي انتس خطيره يابنت لاتسكتين لها ابدا يوم تسكتين
لها توطى عليتس
ام راشد: شعيل ووجعتن توجعتس اتركي حرمه اخوك ولا تخربينها
مشاعل"بزعل":يمممه
تغدينا وكانالطبخ خطيرر والله الرجال يوم يشدون حيلهم مافيا حسن
منهم ...الكبار من الحريم انسدحو يقيلون ..وحنا البنات طلعنا لبرا ومعي
بنتي جنى.. وكل وحده عندها بزرها الا مشاعل.والعنود والريم
للحين ماتزوجو بس يالي فهمته من مشاعل انه زواجهم قريب....
الريم"بخوف":وربي انه قلبي بيوقف كل مافكرت انه بيتقفل على بغرفه
انا وهو بس
العنود"تضربها":وجع وش هالطاري الحين خلينا نتمتع باخر ايام العزوبيه
مشاعل:هههههههههههههههههههههه
الريم: اضحكي الحين بس يالي فهمته من عمي قريب عنترك بيرجع
وبيتم الزواج
مشاعل"اجمدت بمكانها":وجععع انقلعي
الكل:ههههههههههههههههههههههههههههههههههههههه
الريم: بسالك رغد
رغد"بضحكه": اسالي
الريم"من غير ماتحس":قولي لي تجربتس اول مره وش سويتي
رغد"انتبهت لها كيف تغيرت ملامحها ..وحست بغبائها ع سؤالها"......
مزون: والله مكبرين الموضوع ع الفاضي... ومافي حد بياكلها الا حنا
هو بينام وبيشخر وانتي تفكرين ومحتاسه
غزلان:انا اشهد وربي انا متوترة واصيح ..وهو يقول عن حركات المبزره
ويقلب ع الجنب ويسحب امها نومه
العنود: وعع وش هالرجال لا ان شاءالله رجلي مب مثلهم باين عليه
رومنسي وحساس وكيذا .. وبيراعي خوفي وهب هاجم مثل وحوشكم
مزون:هههههههههه ضحكتيني والله هذا وجهي اذا خلاتس تنامين

**لحن آلأمل** · 02-03-2011, 03:03 PM

رد: انت غرامي وجنوني/رومنسيه وكامله..

غزلان: وانا اشهد هههههههههههههههههههههه
الريم: وجع انتملاتخوفنا وربي خايفه....
العنود" ومتردده": وانتي وش سويتي مع سعود
رغد" حسيتها تبي ترقع وتصرف سؤال الريم": عادي
الريم: وشلون يعني
رغد: اول يومنمت عند شعيل
الريم والعنود"بنفس الوقت": معقوووله
الريم: وتركك بسلام تسذا
رغد"ضحكت ع تعابير وجههم ":ايه ههههههههههه
العنود"تنغز الريم: لا ريوم فيامل
الريم: تهقين
مزون"بخبث قاصده تخوفهم": ياهبله انتي وهي هو رجال متزوج منقبل
يعني عادي عنده يوم يصبر وظروفهم غير ظروفكم انتم مافيه مجالبتاتا
البتا
الريم: مزين الله ياخذ عدوينتسخلاص
الكل:ههههههههههههههههههههههههههههههههههههه

**لحن آلأمل** · 02-03-2011, 03:05 PM

رد: انت غرامي وجنوني/رومنسيه وكامله..

بنات انتهى البارت التاسع وانتظروني مع البارت العاشر ...
قراءه ممتعه..
لا تنسو..!
ردودكم..
توقعاتكم..
تقييمكم..,

***مزون شمر*** · 02-03-2011, 07:41 PM

رد: انت غرامي وجنوني/رومنسيه وكامله..

مشكوره عالبارت
وننتظرك

**بريق العقيق** · 03-03-2011, 02:25 AM

رد: انت غرامي وجنوني/رومنسيه وكامله..

عليكم السلام عزيزتي .. الأخت الكريمه سراب

منقول رائع

روايه حلوه ربي يحلي أيامك بكل خير قرأت بعض منها وبعون الله ساكملها

ذائقة راقيه واختيار موفق واصلي لأكمالها وفقك المولى .. تسلمي مع جزيل شكري لدعوتك الطيبه

اليك تقديري وتقيمي .. دمت بأمان الله وحفظه

تحياتي

**لحن آلأمل** · 03-03-2011, 03:14 PM

رد: انت غرامي وجنوني/رومنسيه وكامله..

مششكورين كل من تابعني,

**انثى من الخيال** · 03-03-2011, 04:03 PM

رد: انت غرامي وجنوني/رومنسيه وكامله..

تابعي

متابعتك

**لحن آلأمل** · 03-03-2011, 04:44 PM

رد: انت غرامي وجنوني/رومنسيه وكامله..

الجزءالعاشر..))
غابت الشمس وكان منظرها خيال بالحيل ..كنا بعيدين عن مخيم
الرجال وبما انه ظلم الوقت تركنا غطاوينا بالخيمه..كان الهواء بارد
بس احساس حلو وانا بالجو هذا...فقدت وليد...تمنيت اكون معه بالوقت
هذا لانه الجو احلى جو لاي اثنين يجبون بعض...صرت اتمشى لحالي
قريب عند المخيم...كنت مرتاحه..ومافي بالي شئ غير اني استمتع
بالجو الرهيب

سعود" كنت اجمع الخشب للنار وانتبهت لها..اعرفها من بين مية
حرمه.. مدري ليه يوم المحها مقدر اشيل عيني عنها...تتبعتها بنظري
وهي تمشي وسرحانه..باين ع وجهها الراحه....وتو بدخل المخيم
الا وعيال عمي مقبلين علينا.. بالدبابات ومتجهين لعندها وهي مهيب
حاسه تبعد.. تقدمت لها ع السريع.. والانوار صارت تقرب اكثر واكثر
..
رغد" سمعت ازعاج يقرب لي.. بس ماهتميت.. بس شفت انوار صارت
قريبه منى.. خفت لاني بعدت عن المخيم.. صرت امشي بسرعه وخاصه
انه ماعندي غير عبايتي.. لاغطا ولا شئ... مشيت الا وواحد يتقدم
لي ..يمه خفت اكثر.. وغيرت اتجاهي.. وصرت اسرع بالمشي...
سعود" استغربت يوم شفتها تغير اتجاهها .. بالبدايه عصبت ...بعدين
يوم شفتها تدور .. وماهي عارفه وين تروح.. عرفت انها ماعرفتني
وكانت تمشي وباين الخوف عليها.. سرعت بخطواتي..لحد ماحسيت
انها بتسمع صوتي..": يابنت
رغد" استغربت من يالي يمشي وراي... بس سمعت صوته عرفت
من هو ... وقفت وانا احاول القط انفاسي... انتبهت لرجوله..قبالي
رفعت وجهي.. وانا بصعوبه اتنفس.. واحس اني ارجف من الخوف..
": هذا.. انت
سعود" كان باين انها خايفه ... وبصعوبه تتنفس...انتظرت لحد ماهدت
": وش تسوين لحالتس هنا
رغد"وانا حاطه يدي ع قلبي": مدري كنت اتمشى وشفت الدبابات قبالي
وخفت وشفتك بس ماعرفتك .. وخفت اكثر يوم شفت اني بعيده عن
المخيم
سعود: وين غطاك
رغد" خفت ": بالمخيم

انت غرامي وجنوني/رومنسيه وكامله..

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget