تويت
احلام الفقارى
انت تحلم .. وانا احلم من وحنا صغار
بس ما حلم يصدق وانت حظك فقير
لوحلوم الليالي يصدقن بالنهار
كان شفت الثريا للفقارى حصير
وكان وصلك حصلي من اماني كثار
ما تعطشت للما .. وانت يمي غدير
احضنك في خيالي وانظرك في المدار
واحضنك في عيوني وانت فيها أمير
شوف ماقربك مني لك خفوقي ديار
لو نفعني التمني كان حالي بخير
ما خذتني المنايا فوق رمضا القفار
ياخذ الدرب ظلي .. واتظلل هجير
قدرة الله حبيبي فوق كل اقتدار
الفراشه تحلق .. وابن ادم يسير
عيش بالوهم جنه .. دام واقعك نار
الاماني تساوي .. نصف عمر الفقير
شعر : عبدالله صالح العمري
تعليق