ول / حوى اروع واعذب الأحاسيس والمشاعر

تجدونه هنا بين هذه الكلمات


/


/



من طلع صبحك وأنا مقدر أنام
واتناسى وانا ماني قادره:

جرحك اللي ما يطيب ولا يضام
في خفوق كل ظروفه غادره

لا يغرك قولتي كل شي تمام
دام حزني ما أظنك عاذره

ما بطن في داخلي لك ياغلام
فاضح عيني قليل ظاهره

بعد حربك هالخساره لي سلام
وماأعتقد إني بمرك عابره

من جنيت رضاك يا حلو الكلام
صرت أحس إني عشانك شاعره

أكرهك؟ ما أكرهك كل الغرام
عاثي بدمع العيون الساهره

لك بصدري خير وأفراح وغمام
ولي بصدرك قلب ينبض صابره

وزع إحساسك على العالم مدام
لي مكان كل كلك خابره

بإنتظارك كان لي عندك مقام
ولا تجي /قلبك تعذر جابره

واتحدى من يقول إنك ملام
حتى لو وصلي طلبك مثابره

في عيونك تقعد الدنيا وقام
قدري اللي كنت أظنك حاقره

كان همي احصدك حب وهيام
لو حنينك كنت اكسر خاطره

من عرفتك صرت أعاني إنفصام
مره احبك ومره بايره

وقلبك اللي ما يهاب امن الظلام
هاب دمعات احتياج كافره

مو عشان اني يتيمة إهتمام
أدري قلبك كل [حزني] قاهره

كل جميل بي زرعته والسلام
جاعل أشواقي عليك مسافره

من كبر في داخلي حب حرام
ماجنيت إلا أنا متناثره

حبني لكن بكل الإحترام
وإمسح اللي كان وسط الذاكره

شف طموحاتي بعد فقدك أنام
وانا أحلامي تردد طاهره

بيبتدي عام جديد وكل عام
كل وجيه الناس قبلك سافره

وفي بعادك كل حد بي يقام
دامني ببقى بلاك مكابره

ومن يقول إني على ما هو يرام
خل يشوف شلون بعدك صايره؟

جيت وإنته دافعك بس إنتقام
ورحت تارك في عيوني .......


/

لل/شاعرة/رابعه البرجس

راقت لي كثير