نهاية تهورنا

**سآرونه** · 13-02-2011, 05:26 PM

رد: نهآية تهورنآ

البداية :
في داخل أحد أستراحات مدينة الدمام
محمد : سعود ياخي مليت دور لنا وحده تطلع معانا هذي الي عندي مهي راضيه
سعود يأشر لمحمد بيده عشان يسكت .. ويكمل كلامه : أيوه حبيبتي وين وصلنا
محمد : قول لها طيب
سعود نزل الجوال وحط يده عليها : ياخي أسكككت يرحم أمك أسكت خلني أعرف أكلمها لاتفضحنا
خالد الي كان حاط ألابتوب على رجله وأصوات ضحكه مالية الأستراحة : أيووووه شبكتها
محمد قام بسرعه لعند خالد : يعني فيه طلعه .!!!؟
خالد: وش تبي أنت .!؟ قلت شبكتها ماقلت شبكناها هذي خويتي أنا يعني
محمد : أوووف أجل انا بروح للبيت أنام أحسن لي مليت من الوضع هذا اذا لقيتوا
طلعة ووناسه دقوا علي
سعود : طيب
طلع محمد وركب سيارته وراح للبيت
الساعه 3 ونص الفجر في بيت محمد
دخل محمد البيت وقام يتسحب عشان محد يحس فيه
أم محمد : محمد
محمد نقز : بسم الله أنتي من وين طلعتي ؟
أم محمد : أنت وينك يعني لازم كل ليلة كذا
محمد : انا وش مسوي لك جالس فوق راسك يعني
أم محمد : ياليت لو جالس فوق راسي على الأقل أعرف وين مكانك
محمد : تراني نعسان ومالي خلق هذره وش بغيتي ؟
أم محمد : يامحمد اذا تحسب بعد وفاة أبوك بخليك على راحتك يكون هذا غلط
مايصير تاركنا بالبيت انا وخواتك لحالنا ومانشوفك الا بالسنه حسنه
محمد شال شماغه الي طاح من كتفه وراح غرفته
أم محمد رفعت يدها وهي تبكي : الله يهديك
رغد ورهف خوات محمد التوأم بغرفتهم
رغد : هذا صوت أمي أكيد محمد جا
رهف : أووف مدري وش تبي أمي فيه بدونه الحياه وناسه أصلا
رغد: وأنتي صادقه ...
نرجع للأستراحة
سعودبعد ماخلص مكالمة الساعه 4 و خمس واربعين دقيقه : خالد يلا قوم وصلني البيت حدي نعسان
خالد طفى الأب توب : يلا مشينا
الحين نروح للبنات وهم أهم شخصيات بالرواية
حور: أممم أسمه عبدالله من الدمام
شوق: مش ولابد
حور: تتوقعين حلو ؟
شوق: ليه يعني ؟
حور: بكره بشوفه
شوق: اجل بكره لما تشوفيه حددي بنفسك
ذوق الي طالعه من الحمام والمنشفه على شعرها : منو الي بتشوفه بكره ؟
شوق: واحد تو تعرفت عليه
ذوق : ههههههههههه وأنتي دايم خفيفه كذا صيري ثقيله شوي
حور: وش فايدة الثقل الي بتصنعه يوم ولا يومين
ذوق: براحتك .. وشغلت المجفف عشان تجفف شعرها
حور: تتوقعينه حلو ؟
شوق: يووووووه طفشتيني وأنا وش دراني
حور طالعت الساعه وفتحت عيونها الساعه 6 بالضبط
شوق: ويعني ؟
حور:حنين وينها قالت أنها بتقول لأبوها يجيبها هنا الساعه 5 ونص بطريقه للدوام
شوق: دقي عليها شوفيها
حور أخذت جوالها ودقت على حنين بس جوالها مقفل
حور طالعت بشوق : جوالها مقفل
شوق رفعت حواجبها : دقي ع البيت
رد أبو حنين : ألو
حور: هلا عمووو أخبارك ؟
أبو حنين : بخير مين معاي ؟
حور: أنا حور
أبو حنين : هلا حور امري
حور : كنت بسأل عن حنين قالت بتجي الساعه 5 ونص ولا جات
أبو حنين : ليه هي ماقالت لكم ؟
حور: وشو
أبو حنين : حنين راحت عند أمها لبنان
حور مصدومه : متى بس هي كلمتني قبل أمس وقالت بتجي عندنا
أبو حنين : راحت قبل كم ساعه بس
حور: ومتى بترجع ؟
أبو حنين : بتاخذ الأجازة كلها هناك
حور أنقهرت : طيب شكرا يلا مع السلامه
حور : الحيوانه
شوق : وش فيك
حور : حنين راحت لبنان عند أمها
شوق تضحك : وليش معصبه ؟
حور: الأجازة مهي حلوه لما ينقص فينا أحد
ذوق : لاتعصبين حبيبتي أذا تبين نروح لها نروح
حور: ايه تكفين كلمي امي وابوي نبي نروح
شوق: خلاص أجل وانا بكلم عمي
ذوق: الحين خلونا ننام ولما نصحى يصير خير
طفت ذوق الأنوار وكل وحده أنسدحت ونامو
بعرفكم أول شي ع البنات
حور وذوق خوات وهم وحيدات أمهم وأبوهم وشوق تصير صديقتهم بس دايم عندهم وهي يتيمه عايشه
مع عمها الوحيد ودايم يدلعها ومهو متزوج وحنين عايشه مع أبوها بالسعوية بس امها لبنانيه
ومطلقه وتزورها بالأجازات وهم صديقات من الأبتدائيه والحين كلهم يدرسون بالجامعه
الساعة 2 الظهر
محمد صحى على صوت جواله ورد بملل : الو
شوق: صباحوو
محمد قام وتسند : هلا حياتي
شوق : لسى نايم ؟
محمد: اي والله نمت البارح متأخر
شوق: اها طيب عندي لك خبر يجنن
محمد : وشهو
شوق: كلمنا امي وابوي نبي نروح لبنان عشان حنين هناك ووافقو نروح
محمد : جد ؟
شوق : يب
محمد : خلاص اجل انا معك بالطياره
شوق : هههههههه طيب
محمد : وناسه وربي مبسوط حدي
شوق : طيب يلا قوم غسل انا بروح أرتب شنطتي الصباح بنطلع للمطار
محمد : طيب ياقلبي يلا باي
شوق : باي
ذوق : قلتي له ؟
شوق : أيوه لو تشوفينه وش قد أنبسط مره مره مره
ذوق :أنتي تحبينه ؟
شوق : اه بس لو تدرين
حور : انا أنصحك لاتحبين وربي تتعبين خليك مثلي
شوق : ههههههههههه تبيني مثلك كل أسبوع لي حبيب
حور : أيه وش فيها
شوق : وش سويتي على موضوع عبدالله ؟
حور : قررت أسحب عليه أصلا مالي خلقه
ذوق : زين تسوين
شوق : الله يبلاك بالحب ياحور
حور : بسم الله علي أنا بروح عند امي احسن لي
في بيت محمد
رهف : خالد بس أنت تو عرفتني كيف حبيتني
خالد : الحب يجي بأي وقت مدري شلون ماعرف كيف أوصف لك
محمد يصارخ : رهفففففففف رهيييف
رهف : أكلمك بعدين باي .. وقفلت بوجهه
محمد فتح باب الغرفة بقوة : ماتسمعيني
رهف : الابس كنت أبدل ملابس
محمد : طيب قومي حطي لي غدا
رهف : ان شاء الله وفي داخلها ( عساه سم أن شاء الله
رغد شافت رهف تركض للمطبخ : وش فيك تركضين
رهف : اخوك يبي غذا وش أسوي لازم أركض الي يسمع يقول عمليات يعني
رغد : هههههههه الله يعينك
نزل محمد ودخل للمطبخ : ها وينه
حطت رهف الصحن ع الطاوله وطلعت
راحت رهف وجلست جمب أمها : يمه تكفين مره ثانيه لاتخليه يجلس بالبيت ترا والله بنموت منه
أم محمد : وش بيدي أنا خايفة عليكم وودي أجمعكم كلكم جمبي
وكلها دقايق وطلع محمد من البيت وراحت رهف تكمل مكالمة جوالها
محمد كان مار عليه خالد وخالد كان يكلم جوال دخل محمد السياره وسكر الباب بقوة : اوف
خالد : يالحبيب بشوويش
محمد : عندي أهل علة وش تبيني أسوي بالله
رهف ماركزت بصوت محمد والي كان أخوها ( حظك خايب يارهف بتجيك المشاكل من كل مكان
خالد : يلا حبيبتي أكلمك بوقت ثاني الحين انا مشغول
رهف : طيب كلمني بس تفضي
خالد : اممممممممووواح يلا باي
رهف : باي
محمد يأشر بحواجبه : مين
خالد : وحده أحسها غير البنات مدري ليش بس الأيام جايه وبعرفها زين
محمد : أتحداك والله كلهم نفس بعض
خالد : بكره أثبت لك
محمد: جهز جالك نبي نروح لبنان
خالد: ليه ؟
محمد : فيه شلة بنات بيروحون هناك ومامعهم احد يعني اللعب اللعب اللعب
خالد : ياحلاوه
محمد : تستهبل
خالد / لا بس والله انا ابي اثبت على وحده خلاص تعبت جاتني حاله نفسيه وانا قررت اثبت على هذي
محمد : اقول الظاهر انت مسخن فيك شي ؟
خالد : لا أبد بس .
محمد : لابس ولاشي مر على أقرب بقالة بشتري لي شي أشربه
خالد : طيب
رهف بعد ماقفلت من خالد ضمت جوالها وصارت تحلم بأحلام ورديه وحمراء وكل شي
وحال حور ماأقدر أوصف لكم كانت مره مبسوطه ومره محتاره وش تاخذ معاها
حور: هذي أحلى .. بس حتى هذي حلوه أكثر
ذوق: وش رايك تاخذين دولاب ملابسك كله
حور: أما عاد قويه
شوق كانت تكلم عمها الي يوصيها على نفسها : خلاص عموو من عنوني
يوسف عمها : يلا حبيبتي أنا بقفل اكمل شغل وانتي أنتبهي لنفسك
شوق : أن شاء الله
يوسف: يلا باي يادلوعتي
شوق: باي
أم ذوق جات لهم الغرفة : الحلوات وش يسوون
حور : محتارات
ذوق: ماعليك منها يمه هذي عياره مو عارفه وش تاخذ معاها بس أنا خلصت
أم ذوق : هههههه وأنتي شواقه ؟
شوق : انا بعد خلصت قبل شوي خلصت كل شي
أم ذوق : طيب ماتبو تاكلون شي ؟
ذوق : ياليت يمه مره جوعانه
أم ذوق : فيه فطاير تحت أنزلوا كلو
ذوق: انا بروح اكل الي مايبي بالطقاق
شوق وحور طالعوا بعض وراحو يركضون تحت
ذوق الي ضربوها بالباب : يمه يمه يمه كلها كم فطيرة ولا خروف تحت
أم ذوق : يلا حبيبتي انا بطلع بيت خالتك انتبهو لنفسكم ترا البيت مافيه غيركم
ذوق : ان شاء الله يمه
سعود : هذي 500 ريال يلا دخلنا ماصارت تبي نبوس رجلك بعد
السكيورتي : المجمع هذا للعوايل بس
خالد عصب : وحنا بندخل ببلاش يعني ترا بندفع لك فلوس
السكيورتي : مايصير
وبعد محاولات أنتهت بالفشل رجعوا للسيارة
محمد : كل شي عوايل عوايل عوايل وين نروح حنا طيب
خالد : اه بس والله قهر
محمد ضرب على راسه : يووه نسينا لبنان
خالد : أيه صح وش سويت ؟
محمد : ولايهمك كل شي أوكي
سعود: وش صاير
محمد : بكره تعرف لاتستعجل
سعود رفع صوت المسجل : وانا وش علي بكره بكره
خالد بصوت قوي : اووووووووووف
محمد : وش فيك
خالد : هذا عبد الرحمن
محمد : وش يبي منك ؟
خالد : أنت نسيت ان علي فلوس له
محمد : وكم عليك
خالد : 10000 ريال
محمد : الله وش ماخذ فيها
خالد : بصراحه كنت بشتري خاتم لبنت أبي أوريها أني فلوس وحركات
محمد : والله أنك خبل والحين وش بتسوي
خالد : بحقره لين يمل
محمد : يمل هههههههههههه أحمد ربك أنو خلاك عايش للحين قال بمل قال
الساعة 11 الليل
البنات كلهم نايمات عشان يصحون بدري وسعود وخالد ناموا بالأستراحة
ومحمد نفس العادة لازم يكون بالبيت ولازم فيه نقاش حاد
أم محمد : قلت لك لا
محمد: يعني ماراح تعطيني أبد
أم محمد : أيه
محمد : طيب وش أسوي عشان تعطيني
أم محمد : خذ معاك خواتك عشان أتأكد أنك مأتبي تسوي شي غلط
محمد : نعم ..!؟ وبعدين هذول انا ماعتبرهم خواتي أصلا حتى أبوهم ماهو أبوي
أم محمد : أخر كلامي
محمد : خلاص هاتي الفلوس ونشوف وش يصير
أم محمد جابت له الفلوس
محمد : الساعه 7ى يكونو صاحيات
ام محمد بفرح : أن شاء الله
( طبعا أم محمد ماكانت مسويه هذا كله عشان مثل ماتقول انها تبي تتطمن بس سوت كذا عشان ياخذ خواته يستانسون )
الساعه 7 الكل صاحي وهذا كان حال أبطالنا
أم ذوق تبكي
ذوق : وش فيك يمه ليه البكي ؟
أم ذوق : بشتاق لكم معقوله الأجازة كلها تكونون بعيد عني
ذوق : يمه ياقلبي أنتي كلها شهرين ويمكن أقل يعني وش هي الأجازة
أبو ذوق : يلا ياحلوات عشان مانتأخر ع الطيارة
حور : يلا يلا
شوق : هههههههه لهدرجة مستعجله
حور : أكييييييد
شوق: الي يشوفك يقول تبي تلحق على عرسها لايطير زوجها
حور : ه ه ه بايخه
ذوق : يلالالالالالالالالالالالا بس
خالد : لاتسرع وش فيك
سعود : ماتبي نلحق ع الطيارة
خالد : الساعه 8 الطيارة والحين 7 ونص
محمد الي منسدح ورا ومكمل نومته صحى على صوت فرامل السيارة
سعود والأبتسامة ماليه وجهه : وصلنا
خالد : بالله شاطر والله
محمد : الله يلعن شكل جد ابليسك ماتشوفني نايم
سعود: اقول قوم بس ورانا سفرة
خالد : ورانا ولا قدامنا
محمد وسعود طالعوا فيه بنظرات قوية
خالد : خلاص خلاص أمزح والله توبة
في المطار
أبو ذوق : الحين تروحون قدام على طول طيب وراح تعرفون الباقي
أم ذوق : بس توصلون علموني
ذوق: ان شاء الله
عم شوق : أنتبهي لنفسك وكلميني على طول
شوق : ان شاء الله
أبو ذوق : يلا روحو لاتتأخرون
مشوا البنات للطيارة وأم ذوق تبكي
ابو ذوق بعد ما أختفوا البنات عن نظرهم : خلاص وش فيك
أم ذوق : مدري مدري
أبو ذوق حط يده ورا ظهرها ومشى معاها للسيارة
داخل الطيارة
ذوق وحور جلسوا جمب بعض وشوق جلست وراهم وفجأة جلس واحد جمبها شوق تلفت له : أنت .!!!!!؟
تتوقعون من يكون ؟ الجواب سهل ^_^
أنتظروا الجزء الثاني

***عبير الزهور*** · 13-02-2011, 10:07 PM

رد: نهآية تهورنآ

باين عليها حلوه
كملي بنكون متابعين لك
الله يعطيك العافيه

**انثى من الخيال** · 14-02-2011, 05:52 AM

رد: نهآية تهورنآ

هلا فيك
يعطيك الف عافيه

تابعي

**هيناتا** · 14-02-2011, 08:51 AM

رد: نهآية تهورنآ

استمري متابعه لك

***مزون شمر*** · 14-02-2011, 12:02 PM

رد: نهآية تهورنآ

هلابك
ويعطيك العافيه
استمري متابعين لك

**سآرونه** · 26-02-2011, 04:05 PM

رد: نهآية تهورنآ

محمد: أيوه أنا ياقلبي
شوق قربت منه وحطت راسها على صدره : ماني مصدقة وربي
محمد : ليييه
شوق: قلت يمكن ماتجي
محمد: وشلون ما أجي .؟ تبيني أترك القمر لحاله يعني .!؟
شوق أبتسمت وضمته بقوة
حور كانت كاتمه ضحكتها
ذوق : وش فيك تهتزين انتي
حور: ماتسمعين الخبله الي وراك وش تقول مسويه فلم هندي يعني
ذوق : وأنتي وش دخلك فيها
حور: ماأقدر ماأقدر ودي أجلس بينهم
ذوق هزت راسها وحطت السماعات بأذنها وغمضت : لين وصلنا قولي لي
حور: لا تكفين بخليك هنا وبنزل عنك
ذوق ماسمعتها ودخلت جو ع الأغنية -_-
حنين كانت مشغولة بالترتيب وتجهيز الأكل كانت واثقة انهم راح يجون جوعانين
أم حنين :( الكلام راح يكون باللهجة السعودية ) متى يوصلون ؟
حنين طالعت الساعة : أمممم شوي بس
أم حنين: طيب حبيبتي أنا بطلع رحلة مع صاحباتي ماكنت رح روح وأخليك لحالك بس دام صاحباتك راح يجون ماراح تكوني لحالك
حنين باست أمها ع خدها : روحي وخذي راحتك وأنبسطي ولاتشغلي بالك فيني
أم حنين : يلا حبيبتي أنا طالعه .. باي
حنين : لاتطولين علي بليييز
أم حنين أبتسمت وطلعت
حنين جلست ع الكنب : هذي أمي أنا أجي عشانها وهي تتركني وتروح كان بيدي اقول لها لا بس ماحبيت اجبرها تجلس معي
اقوم أجهز الأكل أحسن لي
في الطيارة ^_^
سعود : شوف خويك شلون قايم حظه البنت لسى بالطيارة وشوي وتنسدح عليه وشلون لين وصلنا
خالد : وأنت وش يخصك فيه خلهم ماخذين راحتهم
سعود: تتوقع خوياتها حلوات مثلها ؟
خالد: ياخي فكني وش دراني لين وصلنا شوفهم بنفسك
سعود: وش فيك انت متغيرر
خالد: لأني خلاص مليت من الحركات هذي
سعود: عدال تكفى ..احط وجهي بزيت اذا ماكنت تكلم مليون
خالد: أجل جهز الزيت
شوق: حبيبي
محمد: عيوني
شوق: أنت تحبني ؟
محمد: وكيف ما أحبك
شوق: الحين كم صار لنا مع بعض ؟
محمد: أممم سنتين وثلاث شهور
شوق: الأيام تمشي بسرعة
محمد: صح
شوق: محمد ودي اكلمك بموضوع بس أخاف تزعل
محمد: عادي حبيبتي قولي الي تبينه
شوق بتردد: محمد مافكرت نتزوج ؟
محمد داخله (هذا الي ناقص أتزوج وحده مثلك خلينا ننبسط واخذ الي ابيه وارميك) : ايه حبيبتي فكرت طبعا
شوق بفرح : صدق .. ومتى بتكلم أهلي ؟
محمد يبي يختصر الموضوع : قريب قريب .... ألا ماقلتي لي حبي صاحباتك وينهم
على طول ردت عليه حور : هنا قدامكم
شوق تفشلت : هههه تكلموا بنفسهم
محمد : شلونك
حور : بخير وانت
محمد : انا شنو
حور: شلونك يعني
محمد : الحمدلله تمام
سعود: شوف شوف محمد يكلم البنت الي قدامه
خالد وبيده مجله : يمكن يكونون صاحباتها
سعود: ياويلي تذبح خلاص هذي لي
خالد: تدري وش خاطري فيه
سعود: ادري تبيها صح
خالد : لا
سعود: أجل
خالد: ودي أغير مكاني اقوم عنك يعني
سعود: الشرهه علي انا
خليني أوصف لكم البنات
شوق : سمراوية بس فيها بياض شوي و طولها 55 1شعرها اسود يوصل لين كتوفها ومسويته الفراوله
ذوق: بيضاء ومليانه شوي طولها 57 1شعرها اشقر يوصل لين اخر ظهرها
حور : بيضاء بس نحيفه شوي طولها 55 1شعرها اشقر نفس اختها وقاصته لين رقبتها
أم ذوق : ماكن البنات تأخروا لسى ماأتصلوا
ابو ذوق: لا ماتأخروا ولاشي لاتقلقين وتقلقيني معك
في بيت محمد
أم محمد : سواها كذب علي وسواها
رهف : أنتي كيف تصدقينه
رغد: هذا نذل ليه صار اخوي مدري
أم محمد : قلت يمكن يعقل
رغد: الي كذا مستحيل يتغير
رهف دقت على خالد شافت جواله مغلق وقلقت عليه
أم محمد: رهف فيك شي
رهف : ها لا لا يمه مافيني شي
رغد: انا بقوم اسوي لي شاهي مين يبي
رهف : أنا مالي نفس
رغد: وانتي يمه
أم محمد: لا حبيبتي مابي
رغد: طيب عن أذنكم
رهف بصوت واطي : هذا وش فيه مقلقني عليه مهي عوايده
أم محمد : أيش ماسمعت
رهف : ولاشي يمه كنت افكر بصوت عالي شوي
أم محمد هزت راسها بقلة حيله
الكابتن أعلن عن نزول الطائرة للمطار
حور بأعلى مافيها من صوت: ذوق ذويق ذوق
ذوق بصوت أعلى: هاه وجع
الي بالطيارة كلهم صاروا يطالعونهم
ذوق أنتبهت ونزلت راسهأ : الله يلعنك اوريك
حور : ترا وصلنا ماودك تجين معنا
ذوق : ه ه ه تستهبلين
شوق : اقول قومو بس بلا هبال
محمد: لاتوجعين راسك معاهم صح وطالع بذوق وغمز لها
ذوق انصدمت وقالت بنفسها : صدق حقير
شوق مسكت يد محمد : يلا حبيبي
ذوق كانت بحالة صدمة مو مصدقه الي صار
بعد نص ساعة وصلوا لبيت حنين
يمكن لو أقول لكم شي ماتصدقون بس حنين كانت تنتظرهم برا ومجهزة كل شي وأول ماوصلوا نقزت عليهم بسرعة وبكت
حور وهي ضامتها : حنون موني أشتقت لك وربي
حنين : وانا أكثر يادبة ... وبعدت عنها شوي وقامت تطالعها : أشوفك متنانه .!!!!!!!!
حور : هاه من جدك الله يسمع منك ياليت والله
محمد: ماعمري شفت بنت تبي تمتن
وبعد ماسلموا كلهم على حنين
حنين أنتبهت لمحمد وطالعت فيه مستغربة
شوق أنتبهت : أيوه حنونه هذا محمد حبيبي
محمد يطالع ذوق : وأن شاء الله زوجها بالمستقبل
حنين بفرح : جد ألف ألف مبروك مقدما
ذوق رفعت حواجبها وصارت تطالعه بقوه
محمد أبتسم : انا بروح الحين الظاهر فيه ناس ماتبيني
شوق لفت عليه بسرعة : مين قول عشان أذبحه الحين
محمد طالع بذوق وأبتسم وراح
حنين : يلا بنات ندخل أكيد ماتبون تجلسون طول الوقت برا
أول مادخلو البنات أنصدمو البيت مره متغير عن اخر مره جو فيها وشافوا ع الطاولة أنواع الأكل وطبعا حور ولا تدرون أنتو شوفوا بنفسكم
حور : ويلي ويلي أكل اه يمه جوعانه
ذوق: لا راح يغمى علي كل شي أحبه موجود
حنين : عليكم بألف عافيه
ذوق : ألأ صدق وين أمك ؟
حنين : أمي طلعت رحلة وماراح تجي ألا ع اخر الأجازة
ذوق: وبتجلسين لحالك .!؟
حنين : لا طبعا أنتوا معي
حور حطت يدها على كتف حنين : طبعا حنا معك ياقلبي
حنين أبتسمت : يلا ناكل
ذوق وحور : يلا
نرجع للسعودية
أم ذوق : مادقوا وش صاير وربي قلقوني
أبو ذوق : أنتظري شوي بعد
أم ذوق : دق أنت طيب الله يخليك
أبو ذوق : طيب
ذوق الي تو حطت اللقمة بفمها تذكرت : اهلي
حور ضربت راسها : يوه مادقينا
ذوق : بسرعة بسرعة جوالك
أبو ذوق تو كان بيتصل : مشاء الله القلوب عند بعضها
أم ذوق طالعت فيه
أبو ذوق : هلا وغلا
ذوق : بابا وحشتني كيفك وكيف ماما
أبو ذوق دمعت عيونه ومسحها بيده : كلنا بخير مدامك انتي وأختك بخير
أم ذوق تسحب الجوال من يده : الو الو ذوق حبيبتي
ذوق أبتسمت : عيوني ذوق
أم ذوق : أنتي بخير انتي واختك فيكم شي
ذوق : بخير ياعمري
أم ذوق : حور وينها ما اسمع صوتها
ذوق عطت الجوال لحور
حور : مامي
أم ذوق : ياقلب أمك أنتي شلونك حبيبتي
حور : بخير كل شي تمامو
أم ذوق : أشتقت لكم
حور ضحكت : بلا نصب عاد تونا الي رحنا عنك
أم ذوق صارت تبكي : وشلون بصبر الأجازة كلها بعيد عنكم
حور : يمه لاتبكين خلاص
ذوق أخذت الجوال : يمه ياقلبي لاتبكين والله راح نكلمك كل يوم كل دقيقه وكل ثانيه
أم ذوق مسحت دموعها وأبو ذوق حط يده على ظهرها : ترجعون بالسلامه
ذوق : يلا يمه بنكلمك بعدين الحين بناكل وبنرتاح شوي
أم ذوق : أنتبهو لأنفسكم
ذوق : من عيوني وأنتي بعد
أم ذوق : وسلمي لي على خالتك وحنين
ذوق : يوصل
أم ذوق : مع السلامه
ذوق : الله معك
أبو ذوق : زين لك كذا ماقدرت أكلمهم
أم ذوق تنهدت : لو تسمع نبرة صوتهم كيف مبسوطات
أبو ذوق : أكيييد ان شاء الله دوم
نرجع لبنان
حنين : الله يسلمها يارب
حور : أقول حنين أنتي ليش ماتتكلمين مثل أمك
حنين : سؤال غبي لأني مو عايشه معها
حور : طيب صاحبات أمك لما يجون تتكلمين معهم كذا
حنين : حوير وش فيك بدا الهبل ولا كيف
حور : ههههه لا بس تعبانه يلا بقوم أنام
ذوق : وانا بعد
حنين : أجل يلا وأنا بعد محتاجه أنام صاحيه من الصباح أنتظركم
حور : طيب يلا نقوم الحين
حنين نادت الخدامة تشيل الأكل وراحو ينامون
سعود : كلم خويتك شفها ماتبي تطلع
محمد : وأنت وش دخلك لو بغت تطلع بطلع معها انا بس
سعود : أفا وحنا
خالد : انا مالي دخل يلا أنا بطلع
سعود : وين خذني معك
خالد : أبي أطلع لحالي
سعود : جاي مع مين أنا كل واحد يبي يطلع لحاله
محمد : دبر عمرك أنا بروح أنام وبس أصحى بطلع معها
سعود : طيب أنا بطلع أتمشى بشوارع لبنان
محمد طالعه بنص عين : شوارع لبنان ولا بنات لبنان
سعود: يخسون والله مافيه غير بنات السعودية فيدتهم
محمد : هههههههههههه يلا تمسي على خير
سعود طالع الساعة أممممم 4 ونص يمديني أتمشى ياترا الساعة كم الحين بالسعودية
محمد : هالحين بالسعوديه الساعه 5 ونص ياقلبي
سعود : بسم الله مانمت أنت
محمد : بالله من وين أنام وانت فاتح النور وجالس تهذر
سعود أنتبه لنفسه وطفى النور وطلع وسكر الباب
خالد كان يدور محل جوالات عشان ياخذ له شريحة ويكلم رهف
وعلى طول كلمها
رهف كان مسوية جوالها هزاز وكانت ماسكته بيدها وماخذه لها غفوة وأول مادق صار يهز بيدها ونقزت
رهف مسحت عيونها وبتردد ردت لأن الرقم غريب : الو
خالد أتبسم : يافديت الصوت
رهف من شوقها له نزلت دمعتها : خالد
خالد : ياعيون وقلب وروح خالد
رهف على طول بكت : أنت وينك ياحمار خوفتني عليك
خالد ضحك : حمار وخوفتني عليك ماتجي أختاري وحده
رهف ضحكت : وحشتني وينك عني
خالد : أول شي أمسحي دموعك
رهف مسحت دموعها : مسحتهم وينك الحين
خالد : واللهي أنا أتمشى بشوارع لبنان الحين
رهف : لييه ماقلت لي
خالد : ولو قلت بتجين ؟
رهف : تدري أن المفروض أروح لبنان
خالد : وليه ماجيتي
رهف : أخوي محمد كان بياخذنا معه بس نكب فينا
خالد : محمد ذا الي غاثك
رهف : أيوه مسكينة أمي عطته فلوس عشان ياخذنا ولا أخذنا
خالد بدا يشك بعد ماقالت له كذا : طيب أخوك مع مين رايح
رهف : أصحابه خالد وسعود
خالد بدأت نبضات قلبه تدق بسرعة وصار يردد : خالد و و و سعود
تتوقعون وش راح يصير ....؟؟؟

***مزون شمر*** · 26-02-2011, 04:33 PM

رد: نهآية تهورنآ

مشكوره عالبارت
استمري متابعين لك

**انثى من الخيال** · 26-02-2011, 05:07 PM

رد: نهآية تهورنآ

بارت رائع

تابعي

**لحن آلأمل** · 27-02-2011, 10:07 AM

رد: نهآية تهورنآ

روايه رائعه جدا استمري
بس بليز لا تتاخري..

نهاية تهورنا

نهاية تهورنا

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget