هلا والله

ول ول ما صدقتوا شفتو العنوان الا ودخلتوو ؟؟

صدق انكم فاضين

على العموم بعلمكم السالفه من طأ طأ لسلامو عليكم

في يووم من الايام جلست اتخيل المنتدى ومدى شهرته .. وقلت يا بنت

ليه مانحاول نزيد الشهره لتكون عالمياُ <<==== بدت تخريفات اخر الليل

وقررت اني اخذ نفسي واشيل قشي واروح عند الامير الوليد
قاطه وجه


ومن هنا بدأت القصه

اول ماوصلت البيت حقه <<==== بيت في عينك .. قولي قصر ..


صح اقصد القصر شفت حارس القصر الي برى عند الباب وقلتلهم

ممكن اقابل وليد.<<< ايه مطيحه الميانه

وقالولي ومن حضرتك؟؟

قلتلهم... قولوله

(( عاشقة الجهاد))

وبسرعة قالو له أنو انا برى على الباب


الا واسمع صراخه

في التلفوون وهو يقوولهم خلووها تتفضل بسرعه


المهم دخلت عليه واول ماشافني قام وقال :- الله حيها ..هلا وغلا . . . .
هلا ببنت عبير
.. وبدت الاسأله الروتينيه اللي هي ( كيف الحال وينك

يالقاطع والله وحشتنا حييل اخبارك واخبار المنتدى ... الخ )

بعدين قلتله

والله يابو خالد جايتك في موضوع وماودي انك تفشلني قال افا ابشرري بسعدك ياعشوقه
وجيت قلتله انا زي مانت عارف

اني مسجل في منتدى عبير قال:- ايه ايه وصلتني اخبارك
وقطع سالفتي وقال على طاري منتدى عبير وش اخباره
كل الأعضاء>>>طلع يعرفكم بعد
عساهم طيبين قلتله كلهم طيبين وكانوا بيجو معي بس جاتهم اشغال

( وش هالاشغال اللي تردهم عن زيارت الوليد) .. المهم قلتله انا

ودي لو انك تسوي مشروع مثل عمارة المملكه اللي عندك في الرياض

بس يكون في منتدى عبير قال بسسسس؟؟ هذا اللي انتِ جايه ماطلبتي شي تامرين امر


انشاء الله بكرره برسل المهندس حقي على شان يشووف الموقع

حقكم .. المهم انا استأذنت منه وقلت له انا لازم ارووح ابشر الاعضاء

كل ابوهم وقال على بالطلاق ماتطلع من هنا الا وانت ِمتغديه معي :

عضوه متالقه من منتدى عبير تجي قصر الولد ولا نغديها وين نودي وجيهنا ياعشقشق

.. بعدين تغدينا سوا ثم ركبت سيكلي قصدي سيارتي مودعة بمثل ماستقبلت

من حفاوة وتكريم




المهم المهندس بيجي بكرا نظفوا المنتدى لا تفشلوني تكفون ما ابي فضايح

هههههههههههههههههههههههههههه