لحظة تفاؤل


عاشت بلادى فوق كل البلاد
احبابنا فيها قريبين ولو دايما بعاد
بحب ارضها بعشق سماها وعشقى فى ازدياد
بعد على نيلها بنسى العالم انا والولاد


يا سلام على هواها حبيبتى انا معاها
يا سلام على شبابها رجاله فى كبواها
الاحترام شيمه والعطف جواها
والظلم ميت بين ايدينا والدنيا فهماها


حضارة سنين والقلب والعين مستحيل تنساها
ادخلوها امنين دا ربى اعلاها
فى كتابه الكريم مصر الحبيبه ربى سماها
من كل البلاد نزلت عباد عايشين فى حماها


مرت علينا ظروف صعبه طول السنين
بس الشعب صابر محتسب امره مع الصابرين
من عهد الفراعنه سمعت ناس بيقولوا متبهدلين
لا و لا دا شعب رايق والحمد لله كويسين


الصبر طيب حكمة واتقالت واحنا فاهمين
عدت سنين ورا السنين والحمد لله مطمأنين
ووقت الكلام اتقلب النظام وبرده مش ساكتين
وجهات نظر بس اللى عارفه ان شعب مصر محترمين


لو كنت تايه انزل بلدنا هتعرف السبيل
لو كنت ناوى ترحل هتلغى الرحيل
شعب مصر طيب وما يعرف مستحيل
وفى نفس الوقت لازم يرد الجميل


نحترم كبيرنا مهما يكون وليه نشيل
ممنوع الغلط دا اللى يغلط هنقول عميل
ننسى اللى فات وبلاش دمانا هدر تسيل
هنقولها لشبابنا هيعلموها جيل ورا جيل


معروف عنا الكرم حتى مع الاسير
الحب جوانا ودا شئ معروف كتير
الظلم بعيد عنا كأنه بخار يطير
يلا نعمر بلدنا هيساعدنا ربى القدير


وفى النهايه هى الحكايه من البدايه
امن البلاد هو منايا
ربى امين تقبل دعايا


لحظة تفاؤل