تويت
عشنا وشفنا .. واذا عشنا نشوف أكثر
ما هي غريبه تخون أطرافي أطرافي
ما دام الأيام .. تتلون .. وتتغير
والحب قلبه بحضن المصلحه غافي
ما عاد ببكي على ما راح واتحسر
حتى على العمر .. لو به خير ما طافي
كنت أكثر الناس مؤمن بالوفا واجهر
واليوم نفسي طواها الشك .. يا كافي
من عاد أكذب وأصدق مين ؟ والمظهر
في العين واحد .. ولا لي علم بالخافي
وانا أدري أنه زماني لو يشوف .. أعور
فيه أقرب الناس مثل ابعدهم يجافي
كم من تجارب على مرت وأنا أتصبر
واقول : بعد الصبر بلقى الدوا الشافي
لكن عمري تقضى بين كر .. وفر
والحظ يمشي على رمضى القدر حافي
واكثر من اللي خسرته وش أنا بخسر ؟
فكري تبعثر .. وبحري خان مجدافي
صحيح .. ما زال في دنياي خير وشر
والكل مؤمن بما هو صادف وشافي
هذي حروفي .. تفسر مثل ما اتفسر
لاهي تشاؤم .. ولا فيها الامل وافي
يا غير انا من زماني م عرفت أحذر
حبيت بإسراف .. وتجرحت بإسرافي
شعر : عبدالله صالح العمري
[/IMG]
تعليق