يالفراشه عاشقك .. مات ومل الإنتظار
×××××××××× مات ( ومله ) الإنتظار .. يالفراشه عاشقك ..!
وسط جوفه طفل ايل للسقوط / الإنهيار
×××××××××× كل حلمه .. كل همه .. يعيش أبد ( مايفارقك ) ..!
يكفي هالفتره تحمل .. إندثار ../.. إنكسار
×××××××××× يكفي إن الحظ عنه .. يالفراشه سارقك!!!! ..!

ننتقل لأك بر مصايب ..!
فاقت السبع العجايب

إنتظار ./. إنكسار ./. إندثار ./. إنهيار
×××××××××× في غيابك يالفراشه صاروا ربعي أربعه
صاروا خمسه بعدما زارني ( الإحتظار )
×××××××××× بس لازلت أعتبرهم .. في حياتي أربعه

{ لأن خامسهم سكنني }

الغبينه لوتحسي لحظه بإحساس الغبينه
×××××××××× تصدقين الموت مني صرت أحس بإقترابه

هذا بس أقرب مثالن ودي إنك تفهمينه
×××××××××× لا تلومين اللي تبهذل ومالقى غير ( الكتابه )

والغريب إن المسافه شوي مابينك وبينه
×××××××××× بُعد قلبك هو العذاب اللي أعياه وسطى به

مستعد يصبر عشانك ولجل عين تكرم مدينه
×××××××××× واللي مثلك يستحق الصبر دام إنتي ثوابه

المهم إنك عرفتي بحبه / أشواقه / حنينه
×××××××××× والمهم إنه عرف ( أشواق ) إب أية مثابه

إبمثابة شي والله .. تعجزين إن توصفينه
×××××××××× تزرعين الأسئله بالجوف .. وبليا إجابه ..!

بعد هذا الصبر كله يطلبك وَ ( يمد إيدينه )
×××××××××× وينحني كله أسف والزعل مصكوك بابه

وأنتي اللي وحدها بس ترفضينه أو تقبلينه
×××××××××× طالبك وبكل ضميرك لا تزيدين ( إغترابه )

دامك اللي تملكينه ساكنه روحه وعينه
×××××××××× خلي وجه الحزن فيه يستتر ويلبس حجابه

وأوعدك مادمت حي بأحفظ الحب وسنينه
×××××××××× لك لحالك لا شريك حتى في القبر وترابه

اه ياأعذب فراشه .. اه منك عقلي وينه.؟
×××××××××× حتى عقلي قد تبرى وقبل يوم أرسل خطابه

وأنا برسل لك خطابه والرجاء توقعينه
×××××××××× وتكتبي اخر سطر ( محجوب من أجل الرقابه )

يالفراشه عاشقك .. إختلط ضحكه ب أنينه
×××××××××× تمشي أيامه وهو ( عايفن زاده وشرابه )