بغير نظرتي عني .. و بقنعني و نصير أصحاب
أنا أستاهل علي أرضى .. و ما أستاهل علي أزعل





بصير أحبني أكثر .. و ابفتح للحياة الباب
بصراحه .. ما أبي أعطي .. مدام إني علي أبخل





أبعطيني .. و ابسرف في العطا لقلبي بدون حساب
أبجبر خاطري المكسور .. إلى منه علي أقبل





بهلي بي .. و أرحب بي .. مدامي أصدق الأحباب
و بطير من الفرح .. و أشتاق لي أكثر من الأول





هلا بي يا بعد قلبي .. هلا بي بعد طول غياب
تراي أسأل عليك و إنت .. ناسيني و لا تسأل





ترى مالي سوى قلبي .. و ظني فيه أبد ما خاب
ترى ماله سواي و بس .. لي يظلم و بي يعدل





أباخذ عهد مني لي .. و اشهد قلبي اللي تاب
على إني ما أعاندني .. و لا أنجن .. و لا أعقل





أنا .. لولا الأنا .. ما كنت أنا .. صادق و لا كذاب
أنا .. لولا الأنا .. للحين .. أمشي لي و لا أوصل






مما راق لي ,