يا شين حضي لو سهرت وتمنيت
...................مافيه حل الا ارتكب لي جريمه
انا الذي من لوعة الهجر عانيت
...................والهجر في شرع المحبه ظليمه
يا اللي خذيت القلب وشلون صديت
...................صديت فجئه والعلاقه حميمه
لك حق لو اني جرحت وتماديت
...................ازعل على كيفك يا مال الغنيمه
ادق رقمك كل ماصبحت وامسيت
...................عسى العواقب في غيابك سليمه
وابعد عن الجوال ما كني اوحيت
...................واعيد رقمك باليدين الكريمه
اللي عطتك من الغلا وانت م اعطيت
...................غير الجروح اللي بقلبي مقيمه
ادمح لك الزلات لا اقبلت واقفيت
...................ليتك تحس وتعطي الحب قيمه
يا دلة الهجران شكرا تقهويت
...................فنجال يكفي من دلال الهزيمه
انا لو اني كل ما طحت سميت
...................ما كان حبي لك خساره وخيمه
شكلك عشان اني حبيبك تعاليت
...................إلا الغلط لا يا حبيبي قديمه
ما تدري انك لا تكبرت واخطيت
...................ما راح تنعم في غلاي ونعيمه
اسمع حبيبي كان طولت ما جيت
...................عطني خبر قبل ارتكب لي جريمه
منقول