تويت
الليله العذرا ..؟
الليله.. اللي سرت بك .. شفتها عذرا
يكفي .. سترها الغرام .. وصان مقدارك
.
مايفضحك .. في غيابك .. ليلة المسرا
غير القصيد.. ومداه الدمع وأعذارك
.
لا ياحبيبي .. وعينك بالوفا .. تقرا
صدق المشاعر .. تفيض بدرب مشوارك
.
لا مانسيته عبيرك .. وأنت بي أدرا
يفوح بي .. والغلا.. لازال بأسوارك
.
قلب ليا غبت عنه .. مالقا مذرا
عيا عليه الحنين .. وينبض أشعارك
.
واللهفه اللي جرت به .. لهفة قشرا
تمسي وتصبح على ذكراك واخبارك
.
الليل وشهو ليا من غابت القمرا ؟
والصبح وشهو.. بليا فتلة أنوارك ؟
.
وشلون أبنسى ؟ ولالي سلوة تشرا
خصيمي .. الوقت .. والتحنان .. وجدارك ..!
.
علمتني .. في حضورك قيمة البشرا
تعال أعلمك .. كيف الموج ف/ بحارك
.
ليت الدروب ف/ عيونك يالغلا خضرا
لو كان دربي ضما .. من غابت أنهارك
.
ذي حالتي .. ياحبيبي شفت مايجرا
ياسري اللي عجزت أبوح باجهارك
.
عذرا ... بقت داخلي .. هي ليلة المسرا
لا ماهتكها الغياب .. وهان مقدارك ..
وسلامة قلوبكم
.
.
.
ل ل شاع ر خ الد ماطر
تح ياتي
غ الي
تعليق