تويت
تجين الحين ؟! لا والله !! على كيفك تجين الحين
.................تبين بكل حب استقبلك وأعطيك ترحيبة ؟!
إذا كنتي تظنيني على خبرك .. كفى تخمين
.................لأني ماني الأول .. كبرت وصار لي هيبة !!
أنا مهما هويتك ما أنزل عزتي في الطين
.................وإذا هي طيبتي غرتك يلعن أمها الطيبة !!
وإذا عندك عذر أرجوك لا تبدينه وتحكين
.................لأن القلب يعرف عذر خفاقك وأكاذيبه
حفظت أعذارك الأولى جميعا سبة التلقين
.................وكنتي بارعة في الشرح يا أستاذة الخيبة !!
لعلمك ما عشقت أنثى تفوقك في الحلا والزين
.................ولكني تعبت أركض ورى قلبك وألاعيبه
تغيبي يوم أو يومين وإلا شهر أو شهرين
.................أعديها .. ولكن ما أعدي طولة الغيبة
يمر العام مدري عنك متي أو من الحيين
.................وأحس إني ظلمتك وألعن الحب وأساليبه
تجين الحين ما كنك تركتيني ولا يومين
.................تبين أرجع مثل أول وخفاقك أهلي به
تري مثلي خلاص اليوم لا يعنيه ما تقلين
.................رجولي في القبر صارت وراسي راح في شيبه
أقول لك : دوري غيري صغير وطيب ومسكين
.................لجل يتحمل غيابك إذا كنتي نويتي به
منقول
طلتي هيبه
تعليق