صبرنا والصبر طول
ولا نلنا امانينا

تمنينا الفرح يرجع
وعشنا في تمنينا

سهرنا الليل للاخر
لعل السهر يسلينا

وفكرنا وتفكرنا
بكل مافيه موذينا

وبين الفكر والتفكير
لقينا الهم يبارينا

يذكرنا بماضي راح
يحاول عنه يثنينا

ليالي الحب الى راحت
هي الذكرى بما ضينا

هي اللي تجبر الخاطر
مع حلوم تخاوينا

الى مرت يهل الدمع
يعبر عن خوافينا

ويصبح صمتنا فينا
وفيه الحزن ينسينا

ونسبح في هواجيسه
ولا نرسي على مينا

نوينا الحب من غيره
لعله لو يواسينا

لقينا القلب له رافض
ولا غيره يهنينا

حبيب الروح لو تدري
بانك كل مافينا

فانت اللي بك الرغبه
ومرضنا ومن يداوينا

وانت الحب مهما كان
وغيرك ماطرا لينا

وبعدك حرق الاجفان
ودمع العين يصلينا

ياليتك عندي بس و تشوف
فراقك وش عمل فينا

لان الحال بالناقص
ولا غيرك يراعينا

تعال ارحم حبيب تاه
ولا له من عناوينا

ابيك تعيد ماضي لي
ويمكن هي توالينا

ابيك ترجع البسمه
ترى صارت تعادينا

ابيك تشوف وش بي حل
لانك من يوالينا

نسينا الضحك من عقبك
ولا ظنه يدانينا

حبيب الروح فداك الروح
لانك دوم غالينا


وسلامتكم أتمنى تحوز على رضاكم منقول .
كياني انسانه