المساجله الشعريه

**متاهات** · 04-09-2014, 01:23 AM

رد: المساجله الشعريه

‏اختلق لك ( عذر ) في كل / الدقايق
واعترف لك عن ضياعي في مدارك

بختصر لك شي عن بعض الحقايق
دايم اكره فيك ساعة .. / انتظارك

**بـــــــــرق** · 04-09-2014, 02:00 AM

رد: المساجله الشعريه

كلنا مابين مجحود وخاسر
والبلاوي حظنا بالحيل مايل

ليمتى الكسار مايلعنه كاسر؟
ولمتى طرش يلوع للحمايل؟

**متاهات** · 04-09-2014, 02:04 AM

رد: المساجله الشعريه

‏لا تستثير الجرح .. مادامه : ركد !
ولا تذكر الماضي .. مدام إنه : فنا

الحين أنا : ماني ب ناقص ل النكد
ناقص كثير .. ولكن أبرزهم : أنا !!

**بـــــــــرق** · 04-09-2014, 02:13 AM

رد: المساجله الشعريه

الك الغرام اللي من الكذب صافي
والك الوفاء من خافق يحمسه حمس

شوق بصدري يازعيم العفافي
خلاني اصفق خمس الاشواق بالخمس

**متاهات** · 04-09-2014, 02:30 AM

رد: المساجله الشعريه

سلامي على اللي ما تنكر مع الايام ،
غلاه ونباه وموقف الطيب متجدد !

‏على رفقة الطيب يسير الزمن قدام ،
اماري بطيبه وارفع الراس واردد !

**بـــــــــرق** · 04-09-2014, 02:35 AM

رد: المساجله الشعريه

دايم عن الشف حظي تقصر ايدينه
واللي فبالي محال يسعد البالي

واليوم كبد العنا تقطع بسكينه
والعقل من خنجر الاوضاع مهتالي

**متاهات** · 04-09-2014, 02:38 AM

رد: المساجله الشعريه

‏يا مساء الخير والشي الكثير ،
أمنيه تسبق تلاوتها دعاء !

رددوا يارب يسر كل عسير
واتركوها تعرج لرب السماء !

**بـــــــــرق** · 04-09-2014, 02:43 AM

رد: المساجله الشعريه

احاكي الجدي الشمالي بترنيم
واقول للجوزا تعالي هنيا

لحظة لقاك ارقى بها لبة الغيم
واخلق مكاني فوق سطح الثريا

**متاهات** · 04-09-2014, 02:46 AM

رد: المساجله الشعريه

‏انتظاره . . أشبه بواقع مدينه ،
قاطنيها من حنين . . ومن وجع !

كل نبضه بالفؤاد تقول وينه ،
كيف لين اليوم ما حن ورجع !

**بـــــــــرق** · 04-09-2014, 02:49 AM

رد: المساجله الشعريه

عليك وجد الشمري لايزالي
وعليك ويلي مع سنيني والايام

ذكراك لازالت تداعب خيالي
متملكه لجيوش هجسي من اعوام

المساجله الشعريه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget