هاي

كيفكم

بدخل في الموووضوع على طول لانو ماليا في المقدمات

الموضوع الي بطرحه اليوم عن الملل ( الطفش ) الشي الي نكررهه كلنا احنا بقصد (بنات حواء) لان الرجال يمكن متأقلمين مع هذا الشي او مابيحسو فيه زي ما احنا بنحسو المهم

اكيد كل بنت او امراه متزوجه بتعاني من الطفش والروتين اليومي والي تقول انها مو طفشانه بس ماشيه على روتين يومي حيجي يوم وحتقولي انا طفشششششانه لذالك انا كاتبه الموضوع دا اليوم وعلى امل اني الاقي حممماس منكم وردود مشششجعه عشان نقضي على هاذي المشكله لانو صدقوني وربي هاذي مشكله مره خطيره وادا ماعالجناها من بدري
حتصير ..!




إكتئ اب بعيد عنكم ..!

انا صراحه اقولها بصوت عالي انا اعاني من الروتييييييييييييييييين وربي احيانا نفسي ابكي مو هادي العيييييشه الي اتمناها

نفسي ونفسي ونفسي

لكن ما باليد حيله زي مايقولو

المهم

ابغى منكم كل وحده تقوولي فكره بليز محد يقرا ويطلع ادا ماعندك افكار او ماقد حسيتي بالطفش

لو بس ارفعي الموضوع لاني متاكده في ناس زيي كتير

ابغى منكم كل وحده تقلي

1- لما تطفش ايش بتسوي ؟

2- ايش الاشياء الي بتسليكي ؟

3- ادوونا افكار تغيرر روتين غير الي بنشوفها بالمواقع نبغى عن تجارب شخصيه مابغى نسخ ولصق

حبدا انا اول واقلكم كيف حياتي ماشيه

انا في البيت دا اولا لاني من النوع الي ماحب الدراسه ولا اطيقها

بس طبعا مو عشاني بالبيت هوا السبب انه مطفشني لا بلعكس انا مره مرتاحه كدا اكتر من الدراسه والهم

اممم خرجاتي كتيرررر بس روتينيه يعني يا مولات يا مطاعم يا كافيهات

طيب وبعدين طفشت ؟ >>لا تقولو طماعه بس والله رووووووتين حسو فيني

وايش كمان امم اجلس ع النت كتير ما اتفرج تي في كتير بس اشوف العشق الممنوع ههههههههه

وافكاري في تغير الروتين

اشترو اشياء جديده في البيت مثلا زيي انا افكر اشتري سوني 3 >>لا تقولو بزرة هههههههههههه بس السوني يسلي البعض وانا عني يسلييني بالذات لما تلعبي مع صحباتك لانو زي مانتو عارفين سوني 3 فيلو نت

2- غيرو ديكور البيت اقلها غيري غرفة نومك فراش سريرك

3- اشتري جوال جديد واكشخي فيه زي مثلا بلاك بيري >دوبي شاريتو قبل اسبوع والله مسسسلي انصحكم فيه>بس ترى لسى طفشانه ههههههههه

4- اشتري مثلا Lcd 32 بوصه او اكتر واشتري دي في دي بوصله يو اس بي وحملي افلام وحطيها ع اليو اس بي واتفرجي مع فشار وقفلي اللمبات >>قلك جو سينما طبعن لاننا محرومين من السينما

5- غيري وضيفتك او اتوضفي ادا كنتي بالبيت >امنيتي بس علا الله الاقي



وبس المهم ياحلوين مابغى اطول عليكم

بس كنت بديكم موجز صغير عن حياتي البسيطه الممله بعض الشي >بتفائل شويه وما بقول الحياه الممله جدا
واديكم افكاري الي انا بحاول اسويها بس وحده وحده عشان لو بسوي كل هالافكار يبغالي اقل شي 6000 هههههههههه

يلا ادوووووووني افكاررر

مستنيتكم