Dish potato sauce Grilling






طبق جدا لذيذ وسهل وكل شي ،


بطاطس ويدجز يقلى بالزيت ..
ودجاج صدور مقطع مربعات ،
يحمس مع شوية زيت وخل .. ويبهر ب ملح + ثوم + كمون ..

تحطين البطاطس بصحن تقديم يصير يدخل الفرن عادي ..
وفوقه الدجاج .. وعلى جنب سوي صوص مكون من :
الصلصه الفرنسيه الجاهزه + الصلصه الخاصه بالشوي ..

تصبينه على الدجاج والبطاطس ،
بعدين تخلطين زبادي وبعد يصب فوقه ،
ويرش بجبن موزاريلا ، وبارميزان .
واورقيانوا للزينه ..
ويدخل الفرن لما يذوب الجبن ..

وصحه وعافيه ،







،.






Pizza puff Pastri










مربعات البف باستري
تدهن النص بكشنه طامطم . لكن انا استبدلتها بالصلصه الايطاليه الخاصه بالبيتزا ،
اطعم والذ ..
بعد كذا تحطين زيتون + هوت دوق + جبن موزاريلا ..
ويسفط من الزاويه يعني يصير مثلث ، لكن ماله داعي تسكرونه بقوه اسفطيه وخلاص اتركيه مفتوح شوي
لانه بيتماسك اذا ذاب الجبن ..

يدهن سطح البف بالبيض ووترشين عليه اورقيانوا
ويدخل الفرن ،

وبعدها عوافي على قلوبكم ،








،.







Jewelry Peanuts







الطبقه الاولى :
بسكويت شاهي .. او دايجستيف
تطحن لكن مايصير صغير مره .. مع قشطه وزيت ..
وترص ف الصينيه ،

الطبقه الثانيه :
كاس تمر .. مع شوي مويه حاره ..
وملعقتين فول سوداني ..
و6 حبات كيري .. وبيضه واحده
ورشة ملح + قرفه
كاس كريمة خفق
وربع كاس سكر ..

تصب بالصينيه على البسكويت
ويرش عليها قطع جالكسي ..
وعلى الفرن ..
بعد ربع ساعه طلعيه وصبي فوقه نستله
ودخليه مره ثانيه لما يتحمر من فوق ،
ويزين ب لوز مبشور ..


وعوافي ،








،.







Tortt puff Pastri Balcastrd










عجينة البف باستري تفرد على شكل دوائر
اهم شي قبل لاتفردينها حطي طحين على المكان عشان ماتلصق ،
سوي كذا وحده يعني تقريبا من 4 الى 5 دوائر + تدهن بالبيض
ودخليها الفرن لما تتحمر ..


خلطه الكاسترد :
كوب حليب + نص كوب نشا
4 بيضات + ملعقه برش ليمون
ملعقة فانيليا + نص كوب سكر
كوب كريمة خفق ..
فراوله + اناناس + كيوي .. < مقطع قطع صغيره ،


على النار :
الحليب – النشا – البيض
برش الليمون – الفانيليا – السكر
يحرك لما يصير الخليط غليض ..

وعلى جنب يخلط بالخلاط الكريمة لحالها
لما تصير كريمه ثقيله شوي ..

تخلط الكريمه مع الكاسترد < بعد مايبرد طبعا ..

بعدين تاخذين دائره من البف وتحطين عليه شوي من الكاسترد
وقطع من الفواكه ..
بعدين دائره من البف والكاسترد والفواكه وهكذا ....
اخر طبقه تكثرين شوي من الفواكه ويرش عليها سكر بودره ..


ومطرح مايسري يمري ،





فائق إحترامي