يا بحر

جيت اشتكي من عنا الوقت السقيم
والسبب هم لفا عذب القلب الحزين
يا بحر في وقتنا الناس ما ترحم هزيم
والظروف القاسيه جارت وعيت تلين
ضاقت الدنيا بصدري ولا هب النسيم
والليالي العاتمة ساقها الوقت اللعين
قلت الفرحة وغابت مع الوقت اللئيم
والعنا باقي بقلبي على مر السنين


يا بحر

حالي مثل حال مديون كريم
لا لفاه الضيف شامخ كما الدرع الحصين
خانني حظي وانا علتي وسط الصميم
مثل خل خان خله بعد حلف اليمين


يا بحر

عايش ولكن ترى عيشة جحيم
مثل مظلوم قضى دنيته دايم سجين
غايتي يا ناس والله دوا الجرح القديم
ارتجي طعم المسرة عسى الله لي يعين
واطلب الله والله اللي على عبده رحيم
يبعد هموم خذت وقتها في كل حين
يا بحر قلي نصيحة ترى في الجو غيم
دلني تكفى ترى الوقت عيا لا يزين

قلي نصيحة ترى في الجو غيم
دلني تكفى ترى الوقت عيا لا يزين

__________________

توسدت الجراح و - نمت -


على بالي ب / اني بخير .. !!


أثاريني أخبيني ورى شمس العنا


و ~ أغرق ~.. !!

منقول