دايم احس اسمك يداعب لساني

هيفا وبعض احيان اناديك هيفاء


ومع كل مره ينخلق به معاني

واحس بإن حروفنا كلها هاء


يا أول طموحاتي بأخر أزماني

ياشيء يجمعني معه عدة أشياء


أنا بليتك والزمان إبتلاني

وان قال وقتي لاء ماقلتلك لاء


لانك كذا اقرب من اقرب اخواني

وأبعد من التصديق من كذب الانباء


جيتك قصيد ولحن شوق واغاني

مثل الخطاء لكن يصحح له أخطاء


جيتك أمل واحد وكل اماني

وانتي تعالي سر معدوم الافشاء


يارغبتي ياوحشتي يا اماني

استاء جدا كل مابعدتي أستاء


عيني بكت قربك وقلبي بكاني

تظماك عيني وبطرف عينك الماء


يسعد مسا البحرين لو كنت اعاني

من بعد قربه ليش ياعلم الاحياء


محسود يادلمون وانا اناني

وانت وانا خصمين لكن احباء


واتركني استمتع بكلمه انساني

أن قلت ياهيفا ولا قلت هيفاء