تويت
ذبحني حزني وزيادة على حزني طعون يديك
تبري كفك الغادر من طعوني وانكرني
••
مدامك ناوي تبعد توكل قلبي مايبيك
مدامك عارف دربك تيسر ليه تسألني
••
تشاورني وعارف عزتي تمنعني أناديك
وبعد عارف رحيلك ياشقا قلبي يعذبني
••
اهدي ثورة جروح يهيجها نغم طاريك
حسيبك ربي والايام كفيله بك تطيبني
••
وش بيهمك إذا ببكي دموعي والله ماترجيك
انا ابكي على نفسي ودموعي بس تريحني
••
إذا فعلا تبي ارتاح ارحل لو اببكيك
مصير دموعي تتوقف ومصير الدنيا ترحمني
••
توصيني على نفسي وعلى حلو المشاعر ذيك
ولكن للاسف شعوري حيل ضيعني
••
مدامك تلعب بقلبي ولا يهمك اذا ما ابيك
فمان الله انا ما اشري شعور انسان بايعني
••
توسدت الحزن لأجلك وكانت غايتي ارضيك
وكنت احلامي وكلي وفاك احساس باكيني
••
ولكن خابت الهقوه وخابت هم ظنوني فيك
حسافه بس ياقلبي هالخوان دمرني
••
تمر وعاجز تسلم ولكن اوقف احييك
اصيل ولد اسياد وصفات العز ترى مني
••
اسلم وانت تحسبني ابي ارجع ماضيك
تظن اني على خبرك خبر لقياك يسعدني
••
انا طبعي كريم وعزتي والله ماتشتريك
انا كلي شموخ الكون لو دورت تسكني
••
انا ياناكر المعروف بعود قلبي يطويك
انا ياخاين العشره تعبت بجمع احزاني
تحياتي
منقوله القصيدة
.
تعليق