تويت
(الرفيق اللي لياغبت مايحمي قفاي)
الرفيق اللي لاغبت مايحمي قفاي
اجل لامن صرت حاضر ماني في حاجته
احتمي دوري ودور القبيله من وراي
جمدوا هرج الفراغات ياهراجته
كانها بمصامخ الروس والا باي باي
خلو الفلم المدبلج على دبلاجته
طول عمري ماستمع من ضعيف الراي
راي ولاطمعت بديك خيبر ولادجاجته
العداوه شي عادي تجيني من عداي
من نسج نفس العداوه عرفت انساجته
وان كلاني مخلب من مخاليب اصدقاي
قلت ضاعت صيده في طرف عجاجته
وان ثناها مرت ثانيه جعله افداي
لامسك كلب الخواجه كلا خواجته
الارض ماهي ملك ابي والسما ماهي سماي
مير العوج لا اعترض لي عدلت اعواجته
افرده وذوقه لمستين من عصاي
وادبه تاديب طفل على دراجته
لين ينسى عناد راسه ويذكر مستواي
ينتبه والا يسوهج على سوهاجته
في نظره الناس لون وهو هاي هاي
والمدوج مابعد فاق من دواجته
ابك انا لو اشرب البحر مايقطع ظماي
وانت مثل الضب يزحف تحت عجاجته
..............................
الشاعر سلطان أبن وسام الهاجري
تعليق