تويت
بسم الله الرحمن الرحيم
احيانا الانسان يتمنى بعض الاشياء ولو كانت مستحيله وهذه الابيات كانت امنيه
اليوم أنا في خاطري شاهي ابريق
منعنع(ن) ما حط في زمزميه
مع دلة(ن) ما صلحوها المطافيق
لا هي بمحروقه ولا هيب نيه
بن يماني صافي(ن) شغل ذويق
والهيل لا قاسه يزود شويه
في جنب نار(ن) واللهب له شواعيق
واللي يحوفه ما نوى له بنيه
شهم(ن) كريم(ن) طوق العز تطويق
لا عدوا الشبان ما فيه زيه
عجل(ن) قراه ومعه كل اللواحيق
قرم(ن) سنافي ما يتعب خويه
ما هو يقول اليوم أنا عجز ما أطيق
وإلا اعذرين اليوم يالعامريه
ودي بجلسه بين ذيك المفاريق
والنجر عند النار تسمع دويه
بالبر ما هو بالبلد وسط هالضيق
يبعد عن العمران ميه وميه
في موقع(ن) ما للدبش به طواريق
ما حاسها راعي الحلال بمجيه
متخالطات أزهارها والزماليق
لا جاه عج ولا وطاه برديه
وما به ظروف(ن) تحكم الوضع وتعيق
أبي معي كل النفوس الرضيه
اللي مساكنهم بوسط المعاليق
في وسط قلبي ساكنين(ن) سويه
ذولا ترا ذريتي دون تفريق
بناتهم وعيالهم يا هنيه
وبانتقي واختار بعض المخاليق
أبي معي ناس(ن) لهم قابليه
ما أبي يجيني واحد(ن) ييبس الريق
ما فيه لا نخوة ولا به حميه
أبي علوم(ن) دون زيف(ن) وتلفيق
أبي العلوم الصادقة والنقيه
سوالف(ن) ما به مشاكل وتحقيق
وراعي العتب لا عاد يعتب عليه
و صلوا على الي وثق الدين توثيق
محمد المختار خير البريه
العامرية أم محمد - الرس
احيانا الانسان يتمنى بعض الاشياء ولو كانت مستحيله وهذه الابيات كانت امنيه
اليوم أنا في خاطري شاهي ابريق
منعنع(ن) ما حط في زمزميه
مع دلة(ن) ما صلحوها المطافيق
لا هي بمحروقه ولا هيب نيهبن يماني صافي(ن) شغل ذويق
والهيل لا قاسه يزود شويه
في جنب نار(ن) واللهب له شواعيق
واللي يحوفه ما نوى له بنيه
شهم(ن) كريم(ن) طوق العز تطويق
لا عدوا الشبان ما فيه زيه
عجل(ن) قراه ومعه كل اللواحيق
قرم(ن) سنافي ما يتعب خويه
ما هو يقول اليوم أنا عجز ما أطيق
وإلا اعذرين اليوم يالعامريهودي بجلسه بين ذيك المفاريق
والنجر عند النار تسمع دويه
بالبر ما هو بالبلد وسط هالضيق
يبعد عن العمران ميه وميه
في موقع(ن) ما للدبش به طواريق
ما حاسها راعي الحلال بمجيهمتخالطات أزهارها والزماليق
لا جاه عج ولا وطاه برديهوما به ظروف(ن) تحكم الوضع وتعيق
أبي معي كل النفوس الرضيه
اللي مساكنهم بوسط المعاليق
في وسط قلبي ساكنين(ن) سويه
ذولا ترا ذريتي دون تفريق
بناتهم وعيالهم يا هنيه
وبانتقي واختار بعض المخاليق
أبي معي ناس(ن) لهم قابليهما أبي يجيني واحد(ن) ييبس الريق
ما فيه لا نخوة ولا به حميه
أبي علوم(ن) دون زيف(ن) وتلفيق
أبي العلوم الصادقة والنقيهسوالف(ن) ما به مشاكل وتحقيق
وراعي العتب لا عاد يعتب عليه
و صلوا على الي وثق الدين توثيق
محمد المختار خير البريه
العامرية أم محمد - الرس
هنا صوتيه بصوت المبدع أبو ناصر جزاه الله خير ومن ساهم في وصولها اليكم
تعليق