السلام عليكم
حبيت اشاركم ببعض الاشعار والخواطر اللي اعجبتني من بعض المنتديات
انشالله تعجبكم وابي ردودكم عليها


لاتكشف جروحي وتقول ابقىاداويك

جروحي دواهالبعد ارحل وخلها

ياما جروحي نزفت من ذكر طاريك

ويا ماعيوني سافر النوم عنها

يا صاحبي ماعاد روحي تناديك

لاتفتكر للحين حبك سكنها

ياما رجيتك تلتفت يوم باقيك

وياما دموعي اشتكت زاد همها

اذكر ليالي عشتها كنت اباريك

مثل الطفل للام يعشق لبنها

ارجوك تبعد دامني الحين ناسيك

وارجوك لاتكشف جروحي وكفنها

ارحل ودور من تحبه ويغليك

ماعادت اشواقي مثل ماتضنها

الله حسيبك بعتني يوم شاريك

وارخصت في حب بروحي سكنها

خل الجروح الساكنه ما عاد تعنيك

جروحي نست حبك وش تبقى منها

ان كنت لي مشتاق ارجع لماضيك

مابي جروح الامس تدفع ثمنها

ما عاد تنفعني ولا لي نفع فيك

ميرالفراق احسن طريقه نسنها

لا تكشف الماضي معي وتقول ماضيك

ارحل وخل الروح تنسى حزنها


عادل البدر ع