تويت
chocolate cake .. تطبيقي
السلام عليكم ورحمة الله
كل عام والجميع بالف خير
بليلة العيد سويت هالحلى انا واخوي الصغير
ربي يخليه لعيونيولعبنا لعب بالمطبخ
بس الحمد لله النتيجة مرضية وبقوة 
واكيد انتو عارفين كيف لقيت هالحلى .. وانا الف عند الجوارين بالالكترونية
نبدا بسم الله
المقادير ..
1- مقدار صوص الجوكليت ..
1 كوب حليب
1 كوب سكر
1 كوب زيت
1 كوب باودر كاكاو
2 ملعقة شاي صغيرة فانيلا
الطريقة ..
نخلط المكونات كلها مع بعض بالخلاط لحتى يتجانس تقريبا 10 دقايق خليتها ..
لحتى صارت بهالشكل
طبعا الكمية راح تطلع معك كاسين كبار
كاس خليه بالفريز
والثاني جنبك راح نستخدمه مع الكيكة
مقادير الكيك ..
5 بيضات
2 كوب دقيق
1 كوب سكر
ربع قالب زبدة سايحة ( نسيت اصوره
2 ملعقة شاي فانيلا
ملعقة كوب وشوبة بيكن باودر ( ياويلك يانغم لو قلتي ماكو ملعقة كوب وتجلطيني مرة ثانية
كاس صوص الشوكلاته
الطريقة ..
نخفق البيض مع الفانيلا بالخلاط لمدة 3 دقايق وبعدها نضيف السكر بالتدريج
لحتى يذوب كل السكر وتحسون الخليط صار مثل الكريمة ..
بعدها نضيف له الزبدة السايحة شوية شوية ونستمر بالخلط ..
وبعدها الصوص المتبقي تدريجيا نضيفه ..
ومن ثم الطحين والبيكن باودر ونضيف تدريجي لحتى يتجانس الخليط
ويصير مثل خليط الكيك المعتادين عليه ..
لو حسيتي يحتاج طحين ضيفي لحتى توصلي للكيك الي تعرفيه انت
نحضر البايركس او صينية الكيك .. وندهنها بالزبدة ..
ونرشها بطحين شويات ..
واكيد نكون مسخنين الفرن .. وندخل الكيكه للفرن باعلى درجة حرارة ..
وبعدها ب 10 دقايق نقلل درجة الحرارة لحتى يستوي
نطلعه من الفرن .. وننتظرة لحتى يبرد ..
وبعدها نقطع جوانب الكيك والوجه
بصراحة انا الوجه ماقصيته لان لو قصيته من ياكله
معناها راح ينترك وهالشي حرام .. فخليته
المهم
قصيت الكيك من النص
ودهنته بالصوص الي كان بالفريز ..
وبعدها رجعت الطبقة الاولى عليه .. ودهنتها بالصوص
وهذا شكله النهائي
وبالعافية عليكم ..
تعليق