[center]بين هفوات الزمان وبين طعنات الخيانه::شفت نفسي جثة أحساسٍ تناهشها نسور

يوم جا غدرك بحورواعتبرت الصدق دانه::ما ترفقتي بدانه اه منك يا بحور

جيت بستان المحبه واخدعتني أرجوانه::اعجبتني وهي صناعيه وسط جملة زهور

هو ردى حظي رماني ولا طيب القلب زانه::هو غبا صدقتها او طيبتي تشهد بزور

يا حمامة حزن نوحي رددي في كل خانه::نوحي وأرثي غرامي لين تبكين الصخور

الامانه ما تخان وحبنا اكبر امانه::ليه خنتي حب وانتي من بدت غرس البذور

بسألك ليه الخيانه لك مبرر او لعانه::انطقي لا تسكتين اذا بدى مني قصور

ساكته وادري سكوتك من شعورك بالأهانه::اي وحده في مكانك تشعر بنفس الشعور

زاد عن عاطف بحاجه يوم خنتيني عشانه::ولا سوى مسرحية حب من ألفين دور

غرك انه قال أحبك اقسم وتبصم بنانه::وان قلبه من غلاك اصبح بساتين وقصور

ولا غرك انه أرقى أجتماعياً مكانه::ولامصلحتك تقول انه يفيدك في امور

جيتلك ما عندي الا قلب ينبضلك حنانه::والحقيقه كنت شاره ما يغرك بي غرور

ياعساها خيره احسن يومه اغواك بلسانه::اشربي من نفس كاسي مر مخلوطٍ بجور

كم خدعتيني بكذبك يومك اطلقتي عنانه::جاك مثلك باللكاعه خبره يلف ويدور

ببتعد كن ماعرفتك لا بحب ولا ميانه::بأنسحب واسحب معي حتى لقب بدر البدور

الخيانه ما تبرر عند من فيهم رزانه::من قتل صاحب لعانه صعبه نقول امعذور

الغلا مات بيدينك يومك اثخنتي طعانه::بأكرمه واعجل بدفنه ميّت وزار القبور

ببتعد محتار مدري هالزمن منهو زمانه::هو زمان اللي كذب ولا زمن صدق ٍ طهور

هو زمان اللي يغني ليل دان الحب دانه::او زمن من في غرامه ما لقى لحظة سرور

يازمن من قلبي اقبل شكره وجل امتنانه::صح كان الدرس قاسي مير زاد القلب نور

بك عرفت ان الفتاه اذا تثنت خيزرانه::بس لو ترتد تضرب ضربة ٍ توجع شهور

ماهقيت الشخص يطعن شخص من نفس الديانه::لين جادت يد خلي طعن وانهرت امغدور

بك عرفت اشلون يقتل واحد بليا أدانه::بك عرفت ان البرائه ماهي بكل العصور

والغرام اللي توفي غدر بأيام الحضانه::ماهقيت اللي قتله بيوم أخلاصه يثور

الكرامه عندي اغلى شي وحفظه حان اوانه::دامها بالبعد تحفظ مالي عن هالشور شور
.
.
.
.


منقووووول