ادى العراق القريب من القلب راح منا .

بعيد ... بعيد .. ابتعاد النار عن الجنة .

واحنا زى النُظُم خُطبة ... وقفلنا.

ونرجع للبيوت تانى ونتمنظر .

الطيارات بالدنات والشاشة بالمنظر .

واحنا لا حوله ولا يُعذرنا من انذر .

يا أُمة قومى بقى ....... ده انتى فضحتينا .

الامريكان سكنوا مش وسطينا .. لأ فينا .

حتى اليهود سرقوا احلى اغانينا.

حرثوا الارض وقتلوا هناك اعز الولد .

الشهداء اكوام على اكتافى .... اوعى تعد .

ابدان جميلة..... بتاكلهالنسور والحد.

احنا انتهينا ..... تعالوا يلى بعدينا ....

يا امة قومى بقى احسن فضحتينا .

يا امة ترمى ضميرها للكلاب ببلاش .

يا امة قبلت بفرحة ... خدمة الاوباش .

بغداد ... بغداد يا ام التاريخ والحكمة والاشعار .

بغداد .... يا ام القصور والنخل والانهار .

ما عادش الا الصمود ... الليل فى اخره نهار .

دافعى بشرف واتركى للامة طعم العار .

ملو التاريخ .. الفصول صادقة وكدابة .

سنتين تقدم والف نعود للغابة .

الامه فيه فرح ..... لازم له ندابه .

بغداد .... بغداد ....

الدنيا كلها تهتف باسمك المظلوم .

بكره الجراح تندمل ... عُمر الظلام ما يدوم .

اطفالك اللى التاريخ حيحكى قصتهم .

ونساءك فى صبرهم الدنيا نسيتهم .

يا العراق العريق صحى العرب من النوم !!!!!

يا طاعم المحرومين ... ازاى تبات محروم .

ومهما كانوا الطغاة .... الدار لاهل الدار

الدار لأهل الدار ...الدار لأهل الدار


ابيات من قصيدة بغداد .....

لشاعر العامية المصرية المبدع عبد الرحمن الابنودى